ವಿ.ವಿ.ಪ್ಯಾಟ್‌ ಪತ್ತೆ: ಆಯೋಗದಿಂದ ತನಿಖೆ

7

ವಿ.ವಿ.ಪ್ಯಾಟ್‌ ಪತ್ತೆ: ಆಯೋಗದಿಂದ ತನಿಖೆ

Published:
Updated:

ಬೆಂಗಳೂರು: ವಿಜಯಪುರ ಜಿಲ್ಲೆ ಮನಗೂಳಿಯಲ್ಲಿ ವಿ.ವಿ.ಪ್ಯಾಟ್‌ ಯಂತ್ರಗಳ ಹೊರ ಕವಚಗಳು ಪತ್ತೆಯಾದ ಪ್ರಕರಣದ ಬಗ್ಗೆ ತನಿಖೆ ನಡೆಸಲಾಗುವುದು ಎಂದು ಮುಖ್ಯ ಚುನಾವಣಾಧಿಕಾರಿ ಸಂಜೀವ್‌ ಕುಮಾರ್‌ ತಿಳಿಸಿದ್ದಾರೆ.

ಮನಗೂಳಿಯಲ್ಲಿ ಸಿಕ್ಕಿರುವ ವಿ.ವಿ.ಪ್ಯಾಟ್‌ಗಳಿಗೂ ರಾಜ್ಯದಲ್ಲಿ ನಡೆದ ವಿಧಾನಸಭಾ ಚುನಾವಣೆಗೂ ಸಂಬಂಧವಿಲ್ಲ, ಆದರೂ ಈ ಬಗ್ಗೆ ತನಿಖೆ ನಡೆಸಲಾಗುವುದು ಎಂದು ಅವರು ಸೋಮವಾರ ಮಾಧ್ಯಮಗೋಷ್ಠಿಯಲ್ಲಿ ಹೇಳಿದರು.

ವಿ.ವಿ.ಪ್ಯಾಟ್‌ಗಳ ಒಳಗೆ ಯಂತ್ರ ಇರಲಿಲ್ಲ. ಸಿಕ್ಕಿರುವುದು ಹೊರ ಕವಚ ಮಾತ್ರ. ಇವುಗಳ ಮೇಲೆ ಯುನೀಕ್‌ ಐ.ಡಿ ಕೋಡ್‌ ಕೂಡ ಇರುವುದಿಲ್ಲ. ಸುಳ್ಳು ವದಂತಿಗಳನ್ನು ಹಬ್ಬಿಸುತ್ತಿರುವವರ ವಿರುದ್ಧ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಅವರು ಎಚ್ಚರಿಕೆ ನೀಡಿದರು.

ಪ್ರಕರಣದ ಬಗ್ಗೆ ತನಿಖೆ ನಡೆಸಿ ಕ್ರಮ ತೆಗೆದುಕೊಳ್ಳಬೇಕು ಎಂದು ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಕೇಂದ್ರ ಚುನಾವಣಾ ಆಯುಕ್ತ ಓಂಪ್ರಕಾಶ್‌ ರಾವತ್‌ ಅವರಿಗೆ ಪತ್ರ ಬರೆದು ಆಗ್ರಹಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry