ಸೈಕಲ್ ಮೇಲಿನ ಕ್ಯುಆರ್ ಕೋಡ್ ಸ್ಕ್ಯಾನ್ ಮಾಡಿದರೆ ಲಾಕ್ ತೆರೆದುಕೊಂಡು ಸೈಕಲ್ ಬಳಕೆಗೆ ಸಿಗುತ್ತದೆ. ಅಲ್ಲದೆ, ಅವರ ವಾಲೆಟ್ನಿಂದ ಬಾಡಿಗೆ ಮೊತ್ತವೂ ಕಡಿತಗೊಳ್ಳುತ್ತದೆ. ಇದರಿಂದ ಯಾವ ಸೈಕಲ್ಅನ್ನು ಯಾರು ಬಳಕೆ ಮಾಡಿಕೊಂಡಿದ್ದಾರೆ ಮತ್ತು ಅದೀಗ ಯಾವ ಸ್ಟ್ಯಾಂಡ್ನಲ್ಲಿದೆ ಎಂಬ ಮಾಹಿತಿ ಬಾಡಿಗೆದಾರರಿಗೆ ಸುಲಭವಾಗಿ ಸಿಗುತ್ತದೆ. ಹೀಗಾಗಿ ಸೈಕಲ್ ಕಳುವು ಪ್ರಕರಣಗಳು ಬಹುತೇಕ ನಿಂತಿವೆ. ಅಮೆರಿಕ, ಯುರೋಪ್, ಚೀನಾ ಮತ್ತು ಜಪಾನ್ ದೇಶಗಳಲ್ಲಿ ಸೈಕಲ್ ಬಾಡಿಗೆ ಪಡೆಯುವ ಪರಿಪಾಠ ಹೆಚ್ಚಿದ್ದು, ಈ ಪರಿಸರಸ್ನೇಹಿ ಸಾರಿಗೆಯಿಂದ ಸ್ವಲ್ಪಮಟ್ಟಿಗೆ ಮಾಲಿನ್ಯವೂ ತಗ್ಗಿದೆಯಂತೆ.