7
X

'ಪ್ರಜಾವಾಣಿ'ಯ ಜಾಲತಾಣವನ್ನು ಹೆಚ್ಚು ಓದುಗ ಸ್ನೇಹಿಯಾಗಿಸುವ ಉದ್ದೇಶದಿಂದ ಹೊಸ ವಿನ್ಯಾಸವನ್ನು ರೂಪಿಸಲಾಗಿದೆ.
ಈ ವಿನ್ಯಾಸದ ಕುರಿತ ನಿಮ್ಮ ಅಭಿಪ್ರಾಯಗಳನ್ನು ಇಲ್ಲಿರುವ ಲಿಂಕ್ ಕ್ಲಿಕ್ಕಿಸುವ ಮೂಲಕ ನಮಗೆ ತಿಳಿಸಬಹುದು

webfeedback@prajavani.co.in

ಜಿಎಸ್‌ಟಿ ವರಮಾನ ಕುಸಿತ

Published:
Updated:
ಜಿಎಸ್‌ಟಿ ವರಮಾನ ಕುಸಿತ

ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆಯ (ಜಿಎಸ್‌ಟಿ) ಮೇ ತಿಂಗಳ ಸಂಗ್ರಹವು ₹ 94,016 ಕೋಟಿಗಳಷ್ಟಾಗಿದೆ.

ಏಪ್ರಿಲ್‌ ತಿಂಗಳಲ್ಲಿ ₹ 1.03 ಲಕ್ಷ ಕೋಟಿಗಳಷ್ಟು ತೆರಿಗೆ ವರಮಾನ ಸಂಗ್ರಹಗೊಂಡಿತ್ತು. 62.47 ಲಕ್ಷ ವಹಿವಾಟುದಾರರು ಮೇ ತಿಂಗಳಲ್ಲಿ  ತಮ್ಮ ಮಾರಾಟ ವಹಿವಾಟಿನ ವಿವರಗಳನ್ನು (ಜಿಎಸ್‌ಟಿಆರ್‌–3ಬಿ) ಸಲ್ಲಿಸಿದ್ದಾರೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.

ಸಂಗ್ರಹಗೊಂಡಿರುವ ₹ 94 ಸಾವಿರ ಕೋಟಿ ತೆರಿಗೆಯಲ್ಲಿ ಕೇಂದ್ರದ ಜಿಎಸ್‌ಟಿ ₹ 15,866 ಕೋಟಿ, ರಾಜ್ಯ ಜಿಎಸ್‌ಟಿ ₹ 21,691 ಕೋಟಿ, ಸಮನ್ವಯ ಜಿಎಸ್‌ಟಿ ₹ 48,120 ಕೋಟಿ ಮತ್ತು ಸೆಸ್‌ ರೂಪದಲ್ಲಿ ₹ 7,339 ಕೋಟಿ ಸಂಗ್ರಹವಾಗಿದೆ.

ಏಪ್ರಿಲ್ ತಿಂಗಳ ತೆರಿಗೆ ಸಂಗ್ರಹಕ್ಕೆ ಹೋಲಿಸಿದರೆ ಮೇ ತಿಂಗಳ ಸಂಗ್ರಹವು ಕಡಿಮೆಯಾಗಿದೆ. ಆದರೆ, 2017–18ರ ಹಣಕಾಸು ವರ್ಷದಲ್ಲಿನ ಸರಾಸರಿ ಸಂಗ್ರಹಕ್ಕೆ (₹ 89,885 ಕೋಟಿ) ಹೋಲಿಸಿದರೆ ಇದು ಹೆಚ್ಚಿನ ಮಟ್ಟದಲ್ಲಿ ಇದೆ. ವರ್ಷಾಂತ್ಯದ ಕಾರಣಕ್ಕೆ ಏಪ್ರಿಲ್‌ ತಿಂಗಳಲ್ಲಿ ಗರಿಷ್ಠ ಪ್ರಮಾಣದಲ್ಲಿ ತೆರಿಗೆ ಸಂಗ್ರಹವಾಗಿತ್ತು ಎಂದು ಸಚಿವಾಲಯ ಮಾಹಿತಿ ನೀಡಿದೆ.

ರಾಜ್ಯಗಳಿಗೆ ಪರಿಹಾರ: ರಾಜ್ಯಗಳಿಗೆ ಪರಿಹಾರ ರೂಪದಲ್ಲಿ ಮಾರ್ಚ್‌ ತಿಂಗಳಲ್ಲಿ ₹ 6,696 ಕೋಟಿ ಬಿಡುಗಡೆ ಮಾಡಲಾಗಿದೆ.

2017ರ ಜುಲೈ ತಿಂಗಳಿನಿಂದ 2018ರ ಮಾರ್ಚ್‌ವರೆಗಿನ ಅವಧಿಯಲ್ಲಿ ಒಟ್ಟು ₹ 47,844 ಕೋಟಿಗಳಷ್ಟು ಪರಿಹಾರವನ್ನು ರಾಜ್ಯಗಳಿಗೆ ವಿತರಿಸಲಾಗಿದೆ.

‘ಇ–ವೇ ಬಿಲ್‌ ಜಾರಿಗೆ ಬಂದ ನಂತರ ತೆರಿಗೆ ಪಾವತಿಯಲ್ಲಿ ಉತ್ತಮ ಪ್ರಗತಿ ಕಂಡು ಬರುತ್ತಿದೆ.’

– ಹಸ್ಮುಖ್ ಆಧಿಯಾ, ಹಣಕಾಸು ಕಾರ್ಯದರ್ಶಿ

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry