ಭೂ ನೆಲ, ಕಡಲು, ಮುಗಿಲು...

ಅ. ಎರಡು ಭೂ ಖಂಡಗಳು
ಬ. ಎರಡು ಮಹಾ ಸಾಗರಗಳು- ಇವುಗಳನ್ನು ಗುರುತಿಸಬಲ್ಲಿರಾ?

2. ಪೃಥ್ವಿಯನ್ನು ಆವರಿಸಿರುವ ಮುಗಿಲಿನಲ್ಲಿ ಕೆಲವು ದೇಶ- ಪ್ರದೇಶಗಳಿಂದಷ್ಟೇ ಗೋಚರಿಸುವ ಅತ್ಯಂತ ವರ್ಣಮಯವಾದ ವಿದ್ಯಮಾನ ಧ್ರುವ ಪ್ರಭೆಯ ಒಂದು ದೃಶ್ಯ ಚಿತ್ರ-2ರಲ್ಲಿದೆ. ಈ ಪಟ್ಟಿಯಲ್ಲಿರುವ ಯಾವ ದೇಶಗಳಿಂದ ಧ್ರುವ ಪ್ರಭೆಗಳನ್ನು ಕಾಣುವುದು ಸಾಧ್ಯವಿಲ್ಲ? ಅದಕ್ಕೆ ವೈಜ್ಞಾನಿಕ ಕಾರಣ ಏನು?

ಅ. ಮೆಕ್ಸಿಕೋ ಬ. ಗ್ರೀನ್ ಲ್ಯಾಂಡ್→ಕ. ಜರ್ಮನಿ⇒

ಡ. ಭಾರತ→ಇ. ದಕ್ಷಿಣ ಆಫ್ರಿಕ

ಈ. ಅಲಾಸ್ಕ ಉ. ಐಸ್ ಲ್ಯಾಂಡ್

3. ಅಗ್ನಿಪರ್ವತವೊಂದರಿಂದ ಉಕ್ಕಿ, ಹರಿದು, ಹರಡಿ, ತಣಿಯುತ್ತ ಶಿಲೆಯಾಗುತ್ತಿರುವ ಶಿಲಾಪಾಕದ ಒಂದು ದೃಶ್ಯ ಚಿತ್ರ-3ರಲ್ಲಿದೆ. ಹೀಗೆ ಜ್ವಾಲಾಮುಖಿಗಳಿಂದ ಉಕ್ಕಿ ಹರಿವ ಶಿಲಾಪಾಕದಲ್ಲಿ ಗರಿಷ್ಠ ಪ್ರಮಾಣದಲ್ಲಿರುವ ಘಟಕ ಇವುಗಳಲ್ಲಿ ಯಾವುದು?

ಅ. ಕ್ಯಾಲ್ಷಿಯಂ→ಬ. ಕಬ್ಬಿಣ→ಕ. ಸಿಲಿಕಾ⇒

ಡ. ಮೆಗ್ನೀಶಿಯಂ→ಇ. ಸೋಡಿಯಂ

4. ಇಡೀ ಧರೆಯಲ್ಲೇ ಅತ್ಯಧಿಕ ಜಲಪ್ರವಾಹವನ್ನು ಹೊಂದಿರುವ ಅಮೇಜಾನ್ ನದಿಯ ಒಂದು ಉಪನದಿ ಅಮೆಜೋನಿಯಾ ವೃಷ್ಟಿವನದ ಮೂಲಕ ಹರಿದು ಸಾಗುತ್ತಿರುವ ಒಂದು ವಿಹಂಗಮ ಚಿತ್ರ ಇಲ್ಲಿದೆ
(ಚಿತ್ರ-4):

ಅ. ಅಮೇಜಾನ್ ಯಾವ ಭೂ ಖಂಡದ ನದಿ?
ಬ. ಅಮೇಜಾನ್ ನದಿಯ ಜನ್ಮ ನೆಲೆ ಯಾವ ಪರ್ವತ ಪಂಕ್ತಿಯಲ್ಲಿದೆ ?
ಕ. ಅಮೇಜಾನ್ ನದಿಯನ್ನು ಸೇರುವ ಉಪನದಿಗಳ ಸಂಖ್ಯೆ ಎಷ್ಟಿರಬಹುದೆಂದು ನಿಮ್ಮ ಅಂದಾಜು ?

5. ಕಡಲಿನಾವಾರದ ಕೆಲ ನಿರ್ದಿಷ್ಟ ಪ್ರದೇಶಗಳಲ್ಲಿ ಜಲಾಂತರ್ಗತವಾಗಿ ಹರಡಿರುವ ಹವಳ ಸಾಮ್ರಾಜ್ಯದ ದೃಶ್ಯವೊಂದು ಚಿತ್ರ-5ರಲ್ಲಿದೆ. ಹವಳ ಲೋಕಗಳು ಸಾಗರದ ವೃಷ್ಟಿವನಗಳು ಎಂಬ ಅಭಿಧಾನವನ್ನೂ ಪಡೆದು ಪ್ರಸಿದ್ಧವಾಗಿವೆ. ಏಕೆ ಈ ಹೆಸರು?

ಅ. ಹವಳ ಲೋಕ ವೃಷ್ಟಿವನದಂತೆಯೇ ಅತ್ಯಂತ ದಟ್ಟ ನಿರ್ಮಿತಿ

ಬ. ಅದು ವೃಷ್ಟಿವನದಂತೆಯೇ ಅತ್ಯಂತ ವರ್ಣಮಯ
ಕ. ಅಲ್ಲಿ ಸಾಗರ ಸಸ್ಯಗಳು ಅತ್ಯಧಿಕ ಸಂಖ್ಯೆಯಲ್ಲಿ ಕಿಕ್ಕಿರಿದಿವೆ
ಡ. ಸಾಗರಾವಾರದಲ್ಲಿ ಜೀವಿ ವೈವಿಧ್ಯ ಮತ್ತು ದಟ್ಟಣೆ - ಇವೆರಡೂ ಹವಳ ಲೋಕಗಳಲ್ಲೇ ಗರಿಷ್ಠ

6. ವಿಶಾಲ ಬಿಸಿ ಮರುಭೂಮಿಯೊಂದರ ಒಂದು ದೃಶ್ಯ ಚಿತ್ರ-6ರಲ್ಲಿದೆ. ಧರೆಯ ಯಾವ ಭೂ ಖಂಡದಲ್ಲಿ ಭಾರಿ ವಿಸ್ತಾರದ ಮರುಭೂಮಿ ಒಂದೂ ಇಲ್ಲ?

ಅ. ಉತ್ತರ ಅಮೆರಿಕ ಬ. ಯೂರೋಪ್ ಕ. ಆಫ್ರಿಕ⇒

ಡ. ದಕ್ಷಿಣ ಅಮೆರಿಕ→ಇ. ಏಷ್ಯಾ

7. ಪ್ರಪಂಚದ ಒಂದು ಭೂಪಟ ಚಿತ್ರ -7ರಲ್ಲಿದೆ. ಈ ಭೂಪಟದಲ್ಲಿ ಸಾಗರಗಳ ಮತ್ತು ನೆಲ ಪ್ರದೇಶಗಳ ಮೇಲಿನ ಒಂದೊಂದು ಪ್ರಬಲ ನೈಸರ್ಗಿಕ ವಿದ್ಯಮಾನಗಳ ನೆಲೆ ಮತ್ತು ದಿಕ್ಕುಗಳನ್ನು ಬಾಣಗಳ ಮೂಲಕ ಸೂಚಿಸಲಾಗಿದೆ. ಆ ಎರಡು ವಿದ್ಯಮಾನಗಳು ಯಾವುವು? ಈ ಪಟ್ಟಿಯಲ್ಲಿ ಗುರುತಿಸಿ‌:

ಅ. ಭೂ ಖಂಡಗಳ ಚಲನೆ→→ಬ. ಪ್ರಮುಖ ಮಾರುತಗಳು
ಕ. ಅತಿ ಹೆಚ್ಚು ಮಳೆಯ ಪ್ರದೇಶಗಳು
ಡ. ಅತ್ಯಧಿಕ ಚಂಡಮಾರುತಗಳು ಮೈದಳೆವ ಪ್ರದೇಶಗಳು
ಇ. ಸಾಗರ ಪ್ರವಾಹಗಳು
ಈ. ಅತ್ಯಂತ ಹೆಚ್ಚು ಟಾರ್ನೆಡೋಗಳು ಉದ್ಭವಿಸುವ ನೆಲೆಗಳು

8. ಅಗ್ನಿ ಪರ್ವತ ಸಂಬಂಧಿ ರುದ್ರ, ರಮ್ಯ ದೃಶ್ಯವೊಂದು ಚಿತ್ರ-8ರಲ್ಲಿದೆ. ಈ ದೃಶ್ಯ ಇವುಗಳಲ್ಲಿ ಯಾವುದು ಗೊತ್ತೇ?

ಅ. ಜ್ವಾಲಾಮುಖಿ ಸ್ಫೋಟ ಬ. ಲಾವಾ ಪ್ರವಾಹ
ಕ. ಲಾವಾ ಸರೋವರ ಡ. ಜ್ವಾಲಾಮುಖಿ ಬಾಯಿ ಇ. ಕುದಿಜಲದ ಬುಗ್ಗೆ

9. ಚಳಿಗಾಲದ ಅತ್ಯಂತ ಶೀತಲ ದಿನಗಳಲ್ಲಿ ಕೆಲ ದೇಶ-ಪ್ರದೇಶಗಳ ನದಿಗಳು ಮತ್ತು ಜಲಪಾತಗಳು ಹೆಪ್ಪುಗಟ್ಟಿ ನಿಲ್ಲುತ್ತವೆ. ಅಂತಹದೊಂದು ಘನೀಕೃತ ಜಲಪಾತ ಚಿತ್ರ-9ರಲ್ಲಿದೆ. ಈ ಬಗೆಯ ನೀರ್ಗಲ್ಲ ಜಲಪಾತಗಳನ್ನು ಕಾಣಬಹುದಾದ ರಾಷ್ಟ್ರ ಪ್ರದೇಶಗಳು ಈ ಪಟ್ಟಿಯಲ್ಲಿ ಯಾವುವು?

ಅ. ಇಟಲಿ ಬ. ಚಿಲಿ ಕ. ನಾರ್ವೇ ಡ. ಕೊಲಂಬಿಯಾ

ಇ. ಐಸ್ ಲ್ಯಾಂಡ್ ಈ. ಆಸ್ಟ್ರೇಲಿಯಾ ಉ. ಕೆನಡ ಟ. ಈಜಿಪ್ಟ್
ಣ. ಯು.ಎಸ್.ಎ.

10. ನೈಸರ್ಗಿಕವಾಗಿಯೇ ಬಹು ವರ್ಣಗಳ ಪಟ್ಟೆಗಳಿಂದ ಅಲಂಕೃತವಾದ, ಹಾಗಾಗಿ ಕಾಮನ ಬಿಲ್ಲಿನ ಪರ್ವತಗಳು ಎಂದೇ ಹೆಸರಾಗಿರುವ ಸೋಜಿಗದ ಪರ್ವತಗಳ ಒಂದು ದೃಶ್ಯ ಚಿತ್ರ-10ರಲ್ಲಿದೆ. ಇಂಥ ಪರ್ವತಗಳಿಗೆ ಅತ್ಯಂತ ಪ್ರಸಿದ್ಧವಾಗಿರುವ ಎರಡು ರಾಷ್ಟ್ರಗಳು ಯಾವುವು? ಕೆಳಗಿನ ಪಟ್ಟಿಯಲ್ಲಿ ಪತ್ತೆ ಮಾಡಿ:

ಅ. ವೆನಿಜೂಯೆಲಾ ಬ. ಪೆರು ಕ. ಇಂಗ್ಲೆಂಡ್ ಡ. ಜಪಾನ್

ಇ. ಚೈನಾ ಈ. ನ್ಯೂಜಿಲೆಂಡ್ ಉ. ಶ್ರೀಲಂಕಾ

11. ಧರೆಯ ಮಹಾವೃಕ್ಷಗಳ ಎರಡು ವಿಧಗಳು ಚಿತ್ರ -11 ಮತ್ತು ಚಿತ್ರ - 12ರಲ್ಲಿವೆ. ಈ ವೃಕ್ಷಗಳು ಅತ್ಯಂತ ಎತ್ತರದ ಮತ್ತು ಅತ್ಯಂತ ದೀರ್ಘ ಆಯುಷ್ಯದ ವಿಶ್ವ ದಾಖಲೆಗಳನ್ನು ಸೃಜಿಸಿವೆ. ಇವೆರಡೂ ವೃಕ್ಷ ವಿಧಗಳನ್ನು ಗುರುತಿಸಬಲ್ಲಿರಾ?

ಅ. ಸಿಡಾರ್ ಬ. ತೇಗ ಕ. ನೀಲಗಿರಿ ಡ. ರೆಡ್ ವುಡ್
ಇ. ಚೆಸ್ಟ್ ನಟ್ ಈ. ಮಹಾಘನಿ ಉ. ಪೈನ್ ಟ. ಸಿಲ್ವರ್ ಓಕ್

12. ಹಲವಾರು ಅತ್ಯದ್ಭುತ ನಿಸರ್ಗ ನೆಲೆಗಳನ್ನು ಹೊಂದಿರುವ, ಆ ಮೂಲಕ ವಿಶ್ವ ಪ್ರಸಿದ್ಧವಾಗಿರುವ ಆಫ್ರಿಕದ ತಾಂಜಾನಿಯಾ ದೇಶದ ಒಂದು ಪ್ರಕೃತಿ ದೃಶ್ಯ ಚಿತ್ರ-13ರಲ್ಲಿದೆ. ಈ ಕೆಳಗೆ ಹೆಸರಿಸಿರುವ ಜಗತ್‌ಪ್ರಸಿದ್ಧ ನಿಸರ್ಗ ತಾಣಗಳಲ್ಲಿ ಯಾವುದು ತಾಂಜಾನಿಯಾ ದೇಶದಲ್ಲಿಲ್ಲ?

ಅ. ಕಿಲಿಮಂಜಾರೋ ಅಗ್ನಿ ಪರ್ವತ→ಬ. ಸೆರೆಂಗೆಟಿ ರಾಷ್ಟ್ರೀಯ ಉದ್ಯಾನ
ಕ. ಕ್ರೂಗರ್ ರಾಷ್ಟ್ರೀಯ ಉದ್ಯಾನ→ಡ. ವಿಕ್ಟೋರಿಯಾ ಸರೋವರ
ಇ. ಸೆಲಸ್ ಅಭಯಾರಣ್ಯ→ಈ. ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನ

13. ನಮ್ಮ ದೇಶದ ಕೆಲವು ನಿಸರ್ಗ ರಮ್ಯ ತಾಣಗಳನ್ನೂ, ಅವು ಇರುವ ರಾಜ್ಯಗಳನ್ನೂ ಇಲ್ಲಿ ಪಟ್ಟಿ ಮಾಡಿದೆ. ಯಾವ ತಾಣ ಯಾವ ರಾಜ್ಯದಲ್ಲಿದೆ - ಸರಿಹೊಂದಿಸಿ:

1. ಮುಳ್ಳಯ್ಯನ ಗಿರಿ→ಅ. ಕೇರಳ
2. ಖಜಿರಂಗಾ ರಾಷ್ಟ್ರೀಯ ಉದ್ಯಾನ→ಬ. ಜಮ್ಮು-ಕಾಶ್ಮೀರ
3. ಮುನ್ನಾರ್→ಕ. ಅಸ್ಸಾಂ
4. ಧನುಷ್ಕೋಟಿ→ಡ. ಉತ್ತರಾಖಂಡ್
5. ದಾಲ್ ಸರೋವರ→ಇ. ಕರ್ನಾಟಕ
6. ಹೂಗಳ ಕಣಿವೆ→ಈ. ತಮಿಳುನಾಡು

ಉತ್ತರಗಳು

1. ಅ. ಉತ್ತರ ಮತ್ತು ದಕ್ಷಿಣ ಅಮೆರಿಕ
ಬ. ಪೆಸಿಫಿಕ್ ಮತ್ತು ಅಟ್ಲಾಂಟಿಕ್

2. ಅ, ಕ, ಡ ಮತ್ತು ಇ (ಇವು ಧ್ರುವ ಪ್ರದೇಶಗಳ ಸನಿಹದಲ್ಲಿಲ್ಲ)

3. ಕ. ಸಿಲಿಕಾ

4. ಅ. ದಕ್ಷಿಣ ಅಮೆರಿಕ‌; ಬ. ಆಂಡಿಸ್ ಪರ್ವತ ಪಂಕ್ತಿ; ಕ. 1,100 ಉಪನದಿಗಳು

5. ಡ. ಗರಿಷ್ಠ ಜೀವಿ ವೈವಿಧ್ಯ ಮತ್ತು ದಟ್ಟಣೆ

6. ಬ. ಯೂರೋಪ್

7. ಬ ಮತ್ತು ಇ

8. ಕ. ಲಾವಾ ಸರೋವರ

9. ಕ, ಇ, ಉ ಮತ್ತು ಣ

10. ಬ ಮತ್ತು ಇ

11. ಕ್ರಮವಾಗಿ ರೆಡ್ ವುಡ್ ಮತ್ತು ಪೈನ್

12. ಕ ಮತ್ತು ಈ

13. 1 - ಇ ; 2 - ಕ ; 3 - ಅ ; 4 - ಈ ; 5 - ಬ ; 6 - ಡ