7

ವಿಶ್ವ ಪರಿಸರ ದಿನವನ್ನು ‘ವಿಶ್ವ ಅಸ್ತಿತ್ವ ದಿನ’ ಎನ್ನೋಣವೇ?: ಗೌತಮ್‌ ‘ಗಂಭೀರ’ ಆಲೋಚನೆ

Published:
Updated:
ವಿಶ್ವ ಪರಿಸರ ದಿನವನ್ನು ‘ವಿಶ್ವ ಅಸ್ತಿತ್ವ ದಿನ’ ಎನ್ನೋಣವೇ?: ಗೌತಮ್‌ ‘ಗಂಭೀರ’ ಆಲೋಚನೆ

ನವದೆಹಲಿ: ಭಾರತ ಕ್ರಿಕೆಟ್‌ ತಂಡದ ಹಿರಿಯ ಆಟಗಾರ ಗೌತಮ್‌ ಗಂಭೀರ್‌ ಅವರು, ನಾನು ವಿಶ್ವ ಪರಿಸರ ದಿನದ ಹೆಸರನ್ನು ವಿಶ್ವ ಅಸ್ತಿತ್ವ ದಿನವಾಗಿ ಬದಲಿಸಬಹುದೆಂದು ಆಲೋಚಿಸಿದೆ ಎಂದು ಟ್ವೀಟ್‌ ಮಾಡಿದ್ದಾರೆ.

‘ವಿಶ್ವ ಪರಿಸರ ದಿನದ ಹೆಸರನ್ನು ವಿಶ್ವ ಅಸ್ತಿತ್ವ ದಿನವಾಗಿ ಬದಲಿಸಬಹುದೆಂದು ಆಲೋಚಿಸಿದೆ. ಬಹುಶಃ ಆಗ ನಾವು ಎಚ್ಚರಗೇಡಿತನ ತುತ್ತತುದಿ ತಲುಪಿದ್ದೇವೆ ಮತ್ತು ದುರಾಸೆಯಿಂದ ವಿಪತ್ತು ತಂದೊಡ್ಡಿಕೊಳ್ಳುತ್ತಿರುವುದು ನಮಗೆ ಅರಿವಾಗಬಹುದು. ಶಿಮ್ಲಾದಲ್ಲಿ ಉಂಟಾಗಿರುವ ನೀರಿನ ಅಭಾವದ ಕಡೆಗೊಮ್ಮೆ ನೋಡಿ’ ಎಂದು ಟ್ವೀಟಿಸಿದ್ದಾರೆ.

ಹಲವು ಜನಪರ ನಿಲುವುಗಳ ಕಾರಣಕ್ಕೆ ಕ್ರೀಡೆಯಾಚೆಗೂ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿರುವ ಗಂಭೀರ್‌ ಪರಿಸರ ಕಾಳಜಿ ದೃಷ್ಟಿಯಿಂದ ಈ ರೀತಿ ಪೋಸ್ಟ್‌ ಮಾಡಿದ್ದಾರೆ.

ಇದಕ್ಕೆ 10 ಸಾವಿರಕ್ಕೂ ಹೆಚ್ಚು ಜನ ಲೈಕ್‌ ಒತ್ತಿದ್ದು,  2.1 ಸಾವಿರ ಜನರು ಹಂಚಿಕೊಂಡಿದ್ದಾರೆ.

2017ರಲ್ಲಿ ಛತ್ತೀಸ್‌ಗಢದ ಸುಕ್ಮಾದಲ್ಲಿ ಸಿಆರ್‌ಪಿಎಫ್‌ ಯೋಧರನ್ನು ಗುರಿಯಾಗಿರಿಸಿ ನಕ್ಸಲ್‌ ದಾಳಿ ನಡೆದಿದ್ದು. ಘಟನೆಯಲ್ಲಿ ಹುತಾತ್ಮರಾಗಿದ್ದ 25 ಯೋಧರ ಮಕ್ಕಳ ಸಂಪೂರ್ಣ ಶೈಕ್ಷಣಿಕ ವೆಚ್ಚ ಭರಿಸುವುದಾಗಿ ಗಂಭೀರ್‌ ಘೋಷಿಸಿದ್ದರು.

‍‍[Related]

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry