7

ಮದುವೆ ಆಗುವುದಾಗಿ ₹55 ಸಾವಿರ ಪಡೆದು ವಂಚನೆ: ಯುವತಿ ದೂರು

Published:
Updated:

ಬೆಂಗಳೂರು: ಮದುವೆ ಆಗುವುದಾಗಿ ಹೇಳಿ ಯುವತಿಯನ್ನು ನಂಬಿಸಿದ್ದ ರಮೇಶ್‌ ಚಂದ್ರ ಎಂಬಾತ, ಅವರಿಂದ ₹55 ಸಾವಿರ ಪಡೆದು ವಂಚಿಸಿದ್ದಾನೆ.

ಈ ಸಂಬಂಧ ಯುವತಿಯ ಸಂಬಂಧಿ, ನಗರದ ಸೈಬರ್ ಕ್ರೈಂ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ.

ಗಂಡು ಹುಡುಕುತ್ತಿದ್ದ ಯುವತಿ, ವೈವಾಹಿಕ ಜಾಲತಾಣವೊಂದರಲ್ಲಿ ಸ್ವ–ವಿವರ ಅಪ್‌ಲೋಡ್‌ ಮಾಡಿದ್ದರು. ಅದನ್ನು ನೋಡಿದ್ದ ರಮೇಶ್‌ ಚಂದ್ರ, ಯುವತಿಗೆ ಸಂದೇಶ ಕಳುಹಿಸಿದ್ದ. ಮದುವೆ ಆಗುವುದಾಗಿ ಹೇಳಿದ್ದ ಎಂದು ಪೊಲೀಸರು ಹೇಳಿದರು.

ಮೊಬೈಲ್ ನಂಬರ್ ವಿನಿಮಯ ಮಾಡಿಕೊಂಡಿದ್ದ ಅವರಿಬ್ಬರು, ಕೆಲ ತಿಂಗಳು ಚಾಟ್‌ ಮಾಡಿದ್ದರು. ಜೂನ್ 7ರಂದು ಯುವತಿಗೆ ಕರೆ ಮಾಡಿದ್ದ ರಮೇಶ್‌, ‘ದೆಹಲಿಯಿಂದ ಬೆಂಗಳೂರಿಗೆ ಬರಬೇಕು. ನನಗೆ ತುರ್ತಾಗಿ ಹಣ ಬೇಕು’ ಎಂದಿದ್ದ. ಅದನ್ನು ನಂಬಿದ್ದ ಯುವತಿ, ಆರೋಪಿ ನೀಡಿದ್ದ ಎಸ್‌ಬಿಐ ಬ್ಯಾಂಕ್‌ನ ಖಾತೆಗೆ ₹55 ಲಕ್ಷ ಜಮೆ ಮಾಡಿದ್ದರು ಎಂದು ಹೇಳಿದರು.

ಹಣ ಖಾತೆಗೆ ಜಮೆ ಆಗುತ್ತಿದ್ದಂತೆ, ಆರೋಪಿಯು ಮೊಬೈಲ್ ಸ್ವಿಚ್ಡ್‌ ಆಫ್‌ ಮಾಡಿಕೊಂಡು ತಲೆಮರೆಸಿಕೊಂಡಿದ್ದಾನೆ ಎಂದರು.

ಕೆಲಸದ ಆಮಿಷವೊಡ್ಡಿ ವಂಚನೆ;ಟಾಟಾ ಗ್ರೂಪ್ ಕಂಪನಿಯಲ್ಲಿ ಕೆಲಸ ಕೊಡಿಸುವುದಾಗಿ ನಂಬಿಸಿದ್ದ ಅಪರಿಚಿತನೊಬ್ಬ, ನಗರದ ನಿವಾಸಿ ಫಿಲಿಪ್ ಎಂಬುವರಿಂದ ₹69 ಸಾವಿರ ಪಡೆದು ವಂಚಿಸಿದ್ದಾನೆ.

ಈ ಸಂಬಂಧ ಫಿಲಿಪ್, ಸೈಬರ್‌ ಕ್ರೈಂ ಠಾಣೆಗೆ ದೂರು ನೀಡಿದ್ದಾರೆ.

ಆರೋಪಿಯು ಟಾಟಾ ಗ್ರೂಪ್‌ ಕಂಪನಿಯ ಹೆಸರಿನಲ್ಲಿ ದೂರುದಾರರಿಗೆ ಇ–ಮೇಲ್‌ ಕಳುಹಿಸಿದ್ದರು. ಅದು ನಿಜವೆಂದು ನಂಬಿದ್ದ ಫಿಲಿಪ್, ಸ್ವ–ವಿವರ ಕಳುಹಿಸಿದ್ದರು. ಅದಕ್ಕೆ ಪ್ರತಿಕ್ರಿಯಿಸಿದ್ದ ಆರೋಪಿ, ಶುಲ್ಕಗಳನ್ನು ಪಾವತಿಸಿದರೆ ಕೆಲಸ ಕೊಡಿಸುವುದಾಗಿ ಹೇಳಿದ್ದ. ನಂತರ, ಪಿಟಿಎಂ ಮೂಲಕ ಹಂತ ಹಂತವಾಗಿ ಹಣ ಪಡೆದುಕೊಂಡಿದ್ದ. ಬಳಿಕ, ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎಂದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry