ಬೀದರ್‌–ಕೊಲ್ಹಾಪುರ ರೈಲು ಸಂಚಾರ ಆರಂಭ

7

ಬೀದರ್‌–ಕೊಲ್ಹಾಪುರ ರೈಲು ಸಂಚಾರ ಆರಂಭ

Published:
Updated:
ಬೀದರ್‌–ಕೊಲ್ಹಾಪುರ ರೈಲು ಸಂಚಾರ ಆರಂಭ

ಬೀದರ್‌: ವಾರಕ್ಕೆ ಒಂದು ಬಾರಿ ಸಂಚರಿಸಲಿರುವ ಬೀದರ್‌–ಕೊಲ್ಹಾಪುರ ರೈಲಿಗೆ ಸಂಸದ ಭಗವಂತ ಖೂಬಾ ಇಲ್ಲಿನ ರೈಲು ನಿಲ್ದಾಣದಲ್ಲಿ ಗುರುವಾರ ಹಸಿರು ನಿಶಾನೆ ತೋರಿಸಿದರು.

‘ರಾಜ್ಯದ ಗಡಿ ಜಿಲ್ಲೆ ಹಾಗೂ ಮಹಾರಾಷ್ಟ್ರದ ಭಕ್ತರನ್ನು ಗಮನದಲ್ಲಿಟ್ಟುಕೊಂಡು ಹೊಸ ರೈಲು ಆರಂಭಿಸಲಾಗಿದ್ದು, ಒಟ್ಟು 20 ಕೋಚ್‌ಗಳಲ್ಲಿ 1,442 ಜನ ಸುಲಭವಾಗಿ ಪ್ರಯಾಣಿಸಬಹುದಾಗಿದೆ’ ಎಂದು ತಿಳಿಸಿದರು.

ರೈಲು ಪ್ರತಿ ಬುಧವಾರ (ಗಾಡಿ ಸಂಖ್ಯೆ 11416) ರಾತ್ರಿ 11.25ಕ್ಕೆ ಕೊಲ್ಹಾಪುರದಿಂದ ಹೊರಟು ಮಿರ್‌ಜ್, ಪಂಢರಪುರ, ಕುರದವಾಡಿ, ಉಸ್ಮಾನಾಬಾದ್, ಲಾತೂರ್‌, ಲಾತೂರ್ ರೋಡ್, ಉದಗಿರ, ಭಾಲ್ಕಿ ಮಾರ್ಗವಾಗಿ ಮರುದಿನ ಬೆಳಿಗ್ಗೆ 10.15ಕ್ಕೆ ಬೀದರ್ ತಲುಪಲಿದೆ.

ಪ್ರತಿ ಗುರುವಾರ ಬೆಳಿಗ್ಗೆ 11.45ಕ್ಕೆ  (ರೈಲು ಗಾಡಿ ಸಂಖ್ಯೆ 11415) ಬೀದರ್‌ನಿಂದ ಹೊರಟು ಭಾಲ್ಕಿ, ಉದಗಿರ, ಲಾತೂರ್‌ ರೋಡ್, ಲಾತೂರ್‌, ಉಸ್ಮಾನಾಬಾದ್, ಕುರದವಾಡಿ, ಪಂಢರಪುರ ಹಾಗೂ ಮಿರಜ್ ಮಾರ್ಗವಾಗಿ ಮಧ್ಯರಾತ್ರಿ 12.35ಕ್ಕೆ ಕೊಲ್ಹಾಪುರ ತಲುಪಲಿದೆ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry