7

ವೃದ್ಧರ ಪೀಡಕರಲ್ಲಿ ಪುತ್ರರಿಗೆ ಅಗ್ರಸ್ಥಾನ

Published:
Updated:
ವೃದ್ಧರ ಪೀಡಕರಲ್ಲಿ ಪುತ್ರರಿಗೆ ಅಗ್ರಸ್ಥಾನ

ಬೆಂಗಳೂರು: ‘ಭಾರತದಲ್ಲಿ ವಯೋವೃದ್ಧರನ್ನು ಪೀಡಿಸುವವರಲ್ಲಿ ಪುತ್ರಿಯರಿಗಿಂತ ಪುತ್ರರ ಸಂಖ್ಯೆ ಹೆಚ್ಚಿದೆ’ ಎಂದು ಹೆಲ್ಪೇಜ್‌ ಇಂಡಿಯಾ ಸಮೀಕ್ಷೆ ಹೇಳಿದೆ.

ಒಟ್ಟು 23 ನಗರಗಳ 5,014 ವೃದ್ಧರ ಅಭಿಪ್ರಾಯ ಸಂಗ್ರಹಿಸಿ ಈ ವರದಿ ಬಿಡುಗಡೆಮಾಡಲಾಗಿದೆ. ಭಾರತದಲ್ಲಿ ಶೇ 52ರಷ್ಟು ಪುತ್ರರು ಹಾಗೂ ಶೇ 34ರಷ್ಟು ಪುತ್ರಿಯರು ತಮ್ಮ ವೃದ್ಧ ಪೋಷಕರನ್ನು ಪೀಡಿಸುತ್ತಿದ್ದಾರೆ ಎಂದು ಸಮೀಕ್ಷೆ ಹೇಳುತ್ತದೆ.

ಇದರಲ್ಲಿ ಶೇ 50ರಷ್ಟು ಮಂದಿ ಕುಶಲಕರ್ಮಿಗಳು ಹಾಗೂ ವೃತ್ತಿನಿರತರು ಆಗಿದ್ದಾರೆ. ಶೇ 56ರಷ್ಟು ಮಂದಿ ವೃದ್ಧರನ್ನು ಅಗೌರವದಿಂದ ನಡೆಸಿ

ಕೊಂಡರೆ, ಶೇ 49ರಷ್ಟು ಜನರನ್ನು ಮೌಖಿಕವಾಗಿ ನಿಂದನೆ ಮಾಡಲಾಗುತ್ತಿದೆ.

ಶೇ 33ರಷ್ಟು ಮಂದಿ ನಿರ್ಲಕ್ಷ್ಯಕ್ಕೆ ಒಳಗಾಗಿದ್ದಾರೆ. ಇದರಲ್ಲಿ ಆರ್ಥಿಕ ಶೋಷಣೆ (ಶೇ 22), ಹಲ್ಲೆ (ಶೇ 12) ಕೂಡ ಸೇರಿದೆ.

ಶೇ 82ರಷ್ಟು ವೃದ್ಧರು ಪೀಡನೆಯ ಬಗ್ಗೆ ಬೇರೆಯವರೊಂದಿಗೆ ಹಂಚಿಕೊಳ್ಳುವುದಿಲ್ಲ. ಇದಕ್ಕೆ ಗೋಪ್ಯತೆ ಕಾಪಾಡುವುದು (ಶೇ 52) ಹಾಗೂ ತಿಳುವಳಿಕೆ ಇಲ್ಲದಿರುವುದು (ಶೇ 34) ಪ್ರಮುಖ ಕಾರಣವಾಗಿದೆ.

ದೂರವಾಣಿ ಹಾಗೂ ಕಂಪ್ಯೂಟರ್‌ನಲ್ಲಿ ಮಗ್ನವಾಗಿರುವುದು ಕೂಡ ಅಗೌರವದ ನಡೆ ಎಂದು ಶೇ 65ರಷ್ಟು ವೃದ್ಧರು ಅಭಿಪ್ರಾಯಪಟ್ಟಿದ್ದಾರೆ. ಮಕ್ಕಳು ತಮ್ಮೊಂದಿಗೆ ಸಮಯ ಕಳೆಯುತ್ತಿಲ್ಲ, ಇತರ ವಿಷಯಗಳಲ್ಲಿ ಮಗ್ನರಾಗಿರುತ್ತಾರೆ ಎಂದು ಅಲವತ್ತುಕೊಂಡಿದ್ದಾರೆ.

ಸಾಮಾಜಿಕ ಮಾಧ್ಯಮಗಳಿಂದ ತಮ್ಮ ನಡುವಿನ ಬಾಂಧವ್ಯ ಕಡಿಮೆಯಾಗಿದೆ ಎಂದು ವೃದ್ಧರು ಹೇಳಿಕೊಂಡಿದ್ದಾರೆ. ಶೇ 4ರಷ್ಟು ವೃದ್ಧರು ಮಾತ್ರ

ಅಂತರ್ಜಾಲವನ್ನು ಸ್ವಂತವಾಗಿ ಬಳಸಬಲ್ಲರು.

ವೃದ್ಧ ಪೀಡಕರ ಸಂಖ್ಯೆ

ಸ್ಥಳ,  ಪ್ರಮಾಣ (ಶೇಖಡಾವಾರು)

ಮಂಗಳೂರು, 47

ಅಹಮದಾಬಾದ್‌, 46

ಭೋಪಾಲ್‌, 39

ಅಮೃತಸರ, 35, ದೆಹಲಿ 33

ಕಾನ್ಪುರ, 30

ಚೆನ್ನೈ, 27,

ಬೆಂಗಳೂರು 26,

ಹೈದರಾಬಾದ್‌ 24

ಕೋಲ್ಕತ್ತ 23

ಮುಂಬೈ, 13

ಜಮ್ಮು, 12

 

ಉಳಿಯುವ ತಾಣ

ಕುಟುಂಬದೊಂದಿಗೆ, ಶೇ 95

ಸಂಗಾತಿಯೊಂದಿಗೆ, ಶೇ 4

ಒಬ್ಬಂಟಿ, ಶೇ 1

 

ಉದ್ಯೋಗದ ವಿವರ

ಸ್ವ ಉದ್ಯೋಗ, ಶೇ 25

ಉದ್ಯೋಗ, ಶೇ 63

ನಿವೃತ್ತಿ, ಶೇ 3

ಕೆಲಸ ಮಾಡದವರು, ಶೇ 6

***

ವೃದ್ಧರ ಪೀಡಕರಲ್ಲಿ ಮಂಗಳೂರಿಗೆ ದೇಶದಲ್ಲೇ ಮೊದಲ ಸ್ಥಾನ ಲಭಿಸಿದೆ. ಇಲ್ಲಿ ಶೇ 47ರಷ್ಟು ಜನರು ತಮ್ಮ ಪೋಷಕರಿಗೆ ಕಿರುಕುಳ ನೀಡಿದ್ದಾರೆ.

ಆ ನಂತರದ ಸ್ಥಾನ ಅಹಮದಾಬಾದ್‌ಗೆ ಸಿಕ್ಕಿದೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಅತಿ ಕಡಿಮೆ (ಶೇ12) ವೃದ್ಧರ ಪೀಡಕರು ಇದ್ದಾರೆ ಎಂದು ಸಮೀಕ್ಷೆ ಹೇಳಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry