ಸಡಗರದ ಈದ್‌ ಉಲ್‌ ಫಿತ್ರ್‌

7
ನಗರದಾದ್ಯಂತ ಸಂಭ್ರಮ; ಸಾಮೂಹಿಕ ಪ್ರಾರ್ಥನೆ, ಗಣ್ಯರು ಭಾಗಿ

ಸಡಗರದ ಈದ್‌ ಉಲ್‌ ಫಿತ್ರ್‌

Published:
Updated:
ಸಡಗರದ ಈದ್‌ ಉಲ್‌ ಫಿತ್ರ್‌

ಬೆಂಗಳೂರು: ಈದ್‌ ಉಲ್‌ ಫಿತ್ರ್‌ನ್ನು ನಗರದಾದ್ಯಂತ ಶನಿವಾರ ಸಂಭ್ರಮದಿಂದ ಆಚರಿಸಲಾಯಿತು. ಒಂದು ತಿಂಗಳ ಉಪವಾಸ ಆಚರಿಸಿದ ಮುಸ್ಲಿಮರು, ಶುಕ್ರವಾರ ರಾತ್ರಿ ಚಂದ್ರದರ್ಶನ ಆದ ಬಳಿಕ ಆಹಾರ ಸ್ವೀಕರಿಸಿ ವ್ರತ ಅಂತ್ಯಗೊಳಿಸಿದರು.

ಹೊಸಬಟ್ಟೆಗಳನ್ನು ಧರಿಸಿ, ಪ್ರಾರ್ಥನೆಗಾಗಿ ಈದ್ಗಾಗಳತ್ತ ಬೆಳಿಗ್ಗೆಯಿಂದಲೇ ತೆರಳಿದರು. ಮಾರುಕಟ್ಟೆ ಪ್ರದೇಶ, ಕೆಲವು ಮುಖ್ಯ ರಸ್ತೆಗಳಲ್ಲೇ ಸಾಮೂಹಿಕ ಪ್ರಾರ್ಥನೆ ನಡೆಯಿತು. ಬೆಳಿಗ್ಗೆ 9 ಗಂಟೆ ಸುಮಾರಿಗೆ ಆರಂಭವಾದ ಪ್ರಾರ್ಥನೆ ಒಂದು ಗಂಟೆ ನಡೆಯಿತು. ಅಲ್ಲಾಹುವಿನ ಮೇಲಿನ ಭಕ್ತಿ, ತ್ಯಾಗದ ಮಹಿಮೆ, ಲೋಕ ಹಿತ ಬಯಸಿದ ನುಡಿಗಳು ಪ್ರಾರ್ಥನೆಯಲ್ಲಿ ಕೇಳಿಬಂದವು.

ಚಾಮರಾಜಪೇಟೆ, ಮೈಸೂರು ರಸ್ತೆ, ದಂಡು ರೈಲು ನಿಲ್ದಾಣ, ಕೆ.ಆರ್‌.ಮಾರುಕಟ್ಟೆ ಮಸೀದಿಗಳಲ್ಲಿ ಸಾವಿರಾರು ಮಂದಿ ಸಾಮೂಹಿಕ ಪ್ರಾರ್ಥನೆ

ಯಲ್ಲಿ ತೊಡಗಿದ್ದರು. ಬಳಿಕ ಪರಸ್ಪರ ಆಲಂಗಿಸಿಕೊಂಡು ಶುಭಾಶಯ ಕೋರಿದರು.

ಗಣ್ಯರು ಭಾಗಿ: ದಂಡು ನಿಲ್ದಾಣದ ಸಮೀಪದ ಈದ್ಗಾದಲ್ಲಿ ನಡೆದ ಪ್ರಾರ್ಥನೆಯಲ್ಲಿ ಉಪಮುಖ್ಯಮಂತ್ರಿ ಡಾ.ಜಿ.ಪರಮೇಶ್ವರ್‌, ವಿಧಾನ ಪರಿಷತ್‌ ಸದಸ್ಯರಾದ ರಿಜ್ವಾನ್‌ ಅರ್ಷದ್‌, ಸಿ.ಎಂ.ಇಬ್ರಾಹಿಂ, ಮಾಜಿ ಸಚಿವ ರೋಷನ್‌ಬೇಗ್‌, ಬಿಬಿಎಂಪಿ ಮೇಯರ್‌ ಆರ್‌. ಸಂಪತ್‌ರಾಜ್‌ ಪಾಲ್ಗೊಂಡಿದ್ದರು.

ಪ್ರಾರ್ಥನಾ ಸ್ಥಳಗಳಲ್ಲಿ ಹೊಸ ಮಸೀದಿ ನಿರ್ಮಾಣಕ್ಕೆ ಮತ್ತು ಸಮಾಜ ಕಲ್ಯಾಣ ಕಾರ್ಯಗಳಿಗೆ ದಾನ ಪಡೆಯುವವರು ಇದ್ದರು. ದಾನಧರ್ಮ ಈ ಹಬ್ಬದ ವಿಶೇಷ. ಬಡವರಿಗೆ ಹಣ್ಣುಹಂಪಲು, ಧಾನ್ಯ ದಾನ ನೀಡಲಾಯಿತು. ಮಾಂಸದ ಅಂಗಡಿಗಳಲ್ಲಿ ಬೇಡಿಕೆ ಹೆಚ್ಚಿತ್ತು. ಬಿರಿಯಾನಿ, ಸಿರ್‌ಕುರ್ಮಾ, ಒಣ ಖರ್ಜೂರದ ಪಾಯಸ, ಸಮೋಸ, ಸಲಾಡ್‌ ಖಾದ್ಯಗಳ ಘಮಲು ಹಬ್ಬ ಆಚರಿಸಿದವರ ಮನೆಗಳಿಂದ ಹೊರಸೂಸುತ್ತಿತ್ತು. ಎರಡು ದಿನ ರಜೆ ಬಂದ ಕಾರಣ ಸಂಚಾರ ದಟ್ಟಣೆ ಕಡಿಮೆ ಇತ್ತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry