ಫ್ರಾನ್ಸ್‌ ಚುರುಕಿನ ಆಟಕ್ಕೆ ಮಂಕಾದ ಆಸ್ಟ್ರೇಲಿಯಾ

7
ಸಿ ಗುಂಪಿನ ಪಂದ್ಯದಲ್ಲಿ ಪ್ರಬಲ ಪೈಪೋಟಿ; ಕಾಂಗರೂಗಳ ನಾಡಿನ ತಂಡದ ಬಲಿಷ್ಠ ರಕ್ಷಣಾ ಗೋಡೆ

ಫ್ರಾನ್ಸ್‌ ಚುರುಕಿನ ಆಟಕ್ಕೆ ಮಂಕಾದ ಆಸ್ಟ್ರೇಲಿಯಾ

Published:
Updated:
ಫ್ರಾನ್ಸ್‌ ಚುರುಕಿನ ಆಟಕ್ಕೆ ಮಂಕಾದ ಆಸ್ಟ್ರೇಲಿಯಾ

ಕಜಾನ್‌ (ಎಎಫ್‌ಪಿ): ಪ್ರಬಲ ಪೈಪೋಟಿ ನೀಡಿದ ಆಸ್ಟ್ರೇಲಿಯಾ ತಂಡವನ್ನು 2–1 ಗೋಲುಗಳಿಂದ ಮಣಿಸಿದ ಫ್ರಾನ್ಸ್‌ ತಂಡ ವಿಶ್ವಕಪ್‌ ಫುಟ್‌ಬಾಲ್‌ ಟೂರ್ನಿಯ ‘ಸಿ’ ಗುಂಪಿನ ಪಂದ್ಯದಲ್ಲಿ ಶನಿವಾರ ಶುಭಾರಂಭ ಮಾಡಿತು.

ಪೆನಾಲ್ಟಿ ಕಾರ್ನರ್ ಅವಕಾಶದಲ್ಲಿ ಆ್ಯಂಟೋಯ್ನ್‌ ಗ್ರೀಜ್‌ಮನ್‌ ಗಳಿಸಿದ ಗೋಲಿನ ಮೂಲಕ 58ನೇ ನಿಮಿಷದಲ್ಲಿ ಮುನ್ನಡೆ ಸಾಧಿಸಿದ ಫ್ರಾನ್ಸ್‌ಗೆ ಆಸ್ಟ್ರೇ

ಲಿಯಾ ನಾಲ್ಕು ನಿಮಿಷಗಳಲ್ಲಿ ತಿರುಗೇಟು ನೀಡಿತ್ತು. ಆದರೆ ಕೊನೆಯ 10 ನಿಮಿಷ ಬಾಕಿ ಇರುವಾಗ ನಿರ್ಣಾಯಕ ಗೋಲು ಗಳಿಸಿದ ಪೌಲ್‌ ಪೊಗ್ಬಾ ಫ್ರಾನ್ಸ್‌ಗೆ ಜಯಗಳಿಸಿಕೊಟ್ಟರು.

ಪಂದ್ಯದ ಆರಂಭದಿಂದಲೇ ಬಲಿಷ್ಠ ರಕ್ಷಣಾ ಗೋಡೆ ನಿರ್ಮಿಸಿದ ಆಸ್ಟ್ರೇಲಿಯಾ ತಂಡ ಎದುರಾಳಿಗಳನ್ನು ದಂಗು ಬಡಿಸಿದರು. ಗೋಲು ಗಳಿಸಲು ನಡೆ

ಸಿದ ಪ್ರಯತ್ನಗಳು ನಿರಂತರ ವಿಫಲಗೊಂಡಾಗ ಫ್ರಾನ್ಸ್ ಆಟಗಾರರು ಒತ್ತಡಕ್ಕೆ ಒಳಗಾದರು. ಗಾಯದ ಮೇಲೆ ಬರೆ ಎಳೆದಂತೆ ಒಲಿವಿಯರ್ ಗಿರೌಡ್‌ ತಲೆಗೆ ಪೆಟ್ಟು ಬಿತ್ತು. ಅದರಿಂದಾಗಿ ಅವರು ವಿಶ್ರಾಂತಿಗೆ ತೆರಳಿದರು.

ಅವರ ಬದಲಿಗೆ ಬಂದ ಆ್ಯಂಟೊಯ್ನ್‌ 58ನೇ ನಿಮಿಷದಲ್ಲಿ ಫುಟ್‌ಬಾಲ್ ಇತಿಹಾಸದ ಪುಸ್ತಕದಲ್ಲಿ ಹೆಸರು ದಾಖಲಿಸಿದರು.

ಚೆಂಡಿನ ಮೇಲೆ ಹಿಡಿತ ಸಾಧಿಸುವ ಪೈಪೋಟಿಯ ನಡುವೆ ‍ಪೆನಾಲ್ಟಿ ಬಾಕ್ಸ್ ಒಳಗೆ ಆಸ್ಟ್ರೇಲಿಯಾದ ಜೋಶ್‌ ರಿಸ್ಡನ್‌ ಅವರು ಆ್ಯಂಟೋಯ್ನ್‌ ಅವರನ್ನು ನೆಲಕ್ಕೆ ಬೀಳಿಸಿದರು. ಪೆನಾಲ್ಟಿ ಕಾರ್ನರ್ ಅವಕಾಶ ಪಡೆದುಕೊಂಡ ಫ್ರಾನ್ಸ್‌ ಮುನ್ನಡೆ ಸಾಧಿಸಿತು.

ಆದರೆ ನಾಲ್ಕು ನಿಮಿಷಗಳಲ್ಲಿ ಆಸ್ಟ್ರೇಲಿಯಾದ ನಾಯಕ ಮೈಲ್ ಜೆಡಿನಾಂಕ್ ಪ್ರತಿ ಗೋಲು ಗಳಿಸಿ ತಂಡ ಸಮಬಲ ಸಾಧಿಸಲು ನೆರವಾದರು. ಸ್ಯಾಮ್ಯುಯೆಲ್‌ ಉಮೆಟಿ ನೀಡಿದ ಪಾಸ್‌ನಲ್ಲಿ ನಿರಾಯಾಸವಾಗಿ ಗೋಲು ಗಳಿಸಿದ ಜೆಡಿನಾಂಕ್‌ ಆಸ್ಟ್ರೇಲಿಯಾದ ಪಾಳಯದಲ್ಲಿ ಸಂಭ್ರಮದ ಅಲೆ ಎಬ್ಬಿಸಿದರು.

ನಂತರ ಉಭಯ ತಂಡಗಳ ಆಕ್ರಮಣ ಬಿರುಸು ಪಡೆಯಿತು. 80ನೇ ನಿಮಿಷದಲ್ಲಿ ಪಾಲ್‌ ‍ಪೊಗ್ಬಾ ಸುಲಭವಾಗಿ ಚೆಂಡನ್ನು ಗುರಿ ಸೇರಿಸಿದರು.

ಅತಿ ಕಿರಿಯ ಆಟಗಾರ ಬಾಪೆ

ಈ ಪಂದ್ಯದಲ್ಲಿ ಫ್ರಾನ್ಸ್‌ನ ಕಲಿಯನ್ ಬಾಪೆ ದಾಖಲೆ ಬರೆದರು. ಪಂದ್ಯದ ಮೊದಲ ಕಿಕ್ ತೆಗೆದ ಅವರು ವಿಶ್ವಕಪ್‌ ಟೂರ್ನಿಯ ಪಂದ್ಯವೊಂದನ್ನು ಆರಂಭಿಸಿದ ಅತ್ಯಂತ ಕಿರಿಯ ಆಟಗಾರ ಎಂದೆನಿಸಿಕೊಂಡರು. ಅವರ ವಯಸ್ಸು ಈಗ 19 ವರ್ಷ, ಆರು ತಿಂಗಳು.

ಅಸಿಸ್ಟಂಟ್ ರೆಫರಿ ಸಿಸ್ಟಮ್‌

ಕಜಾನ್‌ (ಎಎಫ್‌ಪಿ): ವಿಶ್ವಕಪ್‌ನಲ್ಲಿ ಮೊದಲ ಬಾರಿ ವಿಡಿಯೊ ಅಸಿಸ್ಟಂಟ್ ರೆಫರಿ ಸಿಸ್ಟಮ್‌ (ವಿಎಆರ್‌) ಬಳಸಿದ ಪಂದ್ಯಕ್ಕೆ ಕಜನ್‌ ಕ್ರೀಡಾಂಗಣ ಸಾಕ್ಷಿಯಾಯಿತು.

ಶನಿವಾರ ನಡೆದ ಆಸ್ಟ್ರೇಲಿಯಾ ಮತ್ತು ಫ್ರಾನ್ಸ್ ತಂಡದ ನಡುವಿನ ಪಂದ್ಯದಲ್ಲಿ ಈ ಪದ್ಧತಿಯ ನೆರವು ಪಡೆದು ಮೊದಲ ಗೋಲು ಗಳಿಸಿದ ಆಟಗಾರ ಎಂಬ ಖ್ಯಾತಿ ಫ್ರಾನ್ಸ್‌ನ ಆ್ಯಂಟೋಯ್ನ್‌ ಗ್ರಿಜ್‌ಮನ್‌ ‍ಅವರ ಪಾಲಾಯಿತು.

ದ್ವಿತೀಯಾರ್ಧದಲ್ಲಿ ಪೆನಾಲ್ಟಿ ಬಾಕ್ಸ್ ಒಳಗೆ ಆ್ಯಂಟೋಯ್ನ್ ಅವರನ್ನು ಎದುರಾಳಿ ತಂಡದ ಆಟಗಾರ ಬೀಳಿಸಿದರು. ತಂಡದ ಮನವಿಗೆ ಸ್ಪಂದಿಸದ ರೆಫರಿ ಪೆನಾಲ್ಟಿ ಕಿಕ್‌ಗೆ ಅವಕಾಶ ನೀಡಲಿಲ್ಲ. ಹೀಗಾಗಿ ವಿಎಆರ್‌ ಮೊರೆ ಹೋಗಲಾಯಿತು. ಗ್ರೀಜ್‌ಮನ್ ಗೋಲು ಗಳಿಸಿ ಮಿಂಚಿದರು.

ವಿಎಆರ್ ಪದ್ಧತಿಯನ್ನು ಸೀರಿ ‘ಎ’ ಟೂರ್ನಿಗಳಲ್ಲಿ ಮತ್ತು ಬಂಡೆಸ್‌ಲಿಗಾದಲ್ಲಿ ಬಳಸಲಾಗುತ್ತಿದೆ. ಫಿಫಾ ಕಳೆದ ಬಾರಿ ನಡೆದ ಕಾನ್ಫೆಡರೇಷನ್ ಕಪ್‌ ಟೂರ್ನಿಯಲ್ಲಿ ಮೊದಲ ಬಾರಿ ಇದನ್ನು ಜಾರಿಗೆ ತಂದಿತ್ತು. ಈ ಬಾರಿ ವಿಶ್ವಕಪ್‌ನಲ್ಲೂ ಬಳಸಲು ನಿರ್ಧರಿಸಲಾಗಿತ್ತು.

‘ಇದು ಉತ್ತಮ ವಿಧಾನ. ಈ ಪಂದ್ಯದಲ್ಲಿ ಎದುರಾಳಿ ತಂಡದ ಆಟಗಾರ ನನ್ನ ಎಡಗಾಲನ್ನು ಹಿಡಿದು ನೆಲಕ್ಕೆ ಬೀಳಿಸಿದ್ದ. ಆದ್ದರಿಂದ ಅದು ಸ್ಪಷ್ಟವಾಗಿ ಪೆನಾಲ್ಟಿ ಅಗಿತ್ತು. ವಿಎಆರ್‌ ಪದ್ಧತಿಯಿಂದಾಗಿ ನಮಗೆ ಅದರ ಲಾಭ ಸಿಕ್ಕಿತು’ ಎಂದು ಗ್ರೀಜ್‌ಮನ್ ಹೇಳಿದರು.

ಕ್ರಿಕೆಟ್‌ನಲ್ಲಿ ಜಾರಿಯಾಗಿರುವ ಅಂಪೈರ್ ತೀರ್ಪು ಮರುಪರಿಶೀಲನಾ  ಪದ್ಧತಿ (ಯುಡಿಆರ್‌ಎಸ್)ಮಾದರಿಯಲ್ಲಿ ವಿಎಆರ್‌ ಬಳಸಲಾಗುತ್ತದೆ.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry