ಸೋಚಿ: ‘ಹೊರಗಡೆ ಹೋದಾಗಲೆಲ್ಲ ಜನರು ನನ್ನನ್ನು ಗುರುತಿಸುತ್ತಾರೆ. ಅದರಲ್ಲೂ ಮಕ್ಕಳು ವಿಶೇಷ ಪ್ರೀತಿ ವ್ಯಕ್ತಪಡಿಸುತ್ತಾರೆ. ಇದೇ ಕಾರಣಕ್ಕೆ ಮಕ್ಕಳಿಗೆ ಫುಟ್ಬಾಲ್ ಹೇಳಿಕೊಡುತ್ತೇನೆ. ಅದು ನನಗೆ ಖುಷಿ ನೀಡುವ ಕೆಲಸ’ – ರಷ್ಯಾದ ಹಿರಿಯ ಫುಟ್ಬಾಲ್ ಆಟಗಾರ ಅಲೆಕ್ಸಾಂಡರ್ ಪನೋವ್ ಅವರ ಮಾತುಗಳಿವು. ಇಲ್ಲಿನ ಫಿಶ್ತ್ ಕ್ರೀಡಾಂಗಣದಲ್ಲಿ ಜೂನ್ 18ರಂದು ನಡೆಯುವ ಬೆಲ್ಜಿಯಂ ಹಾಗೂ ಪನಾಮಾ ನಡುವಣ ಪಂದ್ಯವನ್ನು ವೀಕ್ಷಿಸಲು ಅವರು ಇಲ್ಲಿಗೆ ಬಂದಿಳಿದಿದ್ದಾರೆ.