ಆದರೆ 56ನೇ ನಿಮಿಷದಲ್ಲಿ ಡಿಫೆಂಡರ್ ಕೊಲಾರೊವ್ ಚೆಂಡನ್ನು ಗುರಿ ಮುಟ್ಟಿಸಿದರು. ಚೆಂಡನ್ನು ಡ್ರಿಬಲ್ ಮಾಡುತ್ತಾ ಎದುರಾಳಿ ಆವರಣ ಪ್ರವೇಶಿಸಿದ ಅವರನ್ನು ಕೋಸ್ಟರಿಕಾ ತಂಡದ ಆಟಗಾರ ಬೀಳಿಸಿದ. ಹೀಗಾಗಿ ಪಂದ್ಯದ ರೆಫರಿ ಸರ್ಬಿಯಾಗೆ ಫ್ರೀ ಕಿಕ್ ನೀಡಿದರು. ಈ ಅವಕಾಶವನ್ನು ಕೊಲಾರೊವ್ ಸದುಪಯೋಗಪಡಿಸಿಕೊಂಡರು. 25 ಮೀಟರ್ಸ್ ದೂರದಿಂದ ಅವರು ಒದ್ದ ಚೆಂಡು ಗಾಳಿಯಲ್ಲಿ ತೇಲಿಕೊಂಡು ಸಾಗಿ ಕೋಸ್ಟರಿಕಾ ತಂಡದ ಗೋಲು ಪೆಟ್ಟಿಗೆಯ ಬಲೆಗೆ ಮುತ್ತಿಕ್ಕಿತು.