ಚುನಾವಣೆ ಮುಗಿದ ತಕ್ಷಣ ಪ್ರಧಾನಿ ಮೋದಿಗೆ ‘ಬಿಕ್ಕಟ್ಟು’ ನೆನಪಿಗೆ ಬಂದಿದೆ: ಅಖಿಲೇಶ್

ಲಖನೌ : ಚುನಾವಣೆಗಳು ಮುಗಿದ ತಕ್ಷಣ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ 'ಬಿಕ್ಕಟ್ಟು' ನೆನಪಿಗೆ ಬಂದಿದೆ ಎಂದು ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್ ವ್ಯಂಗ್ಯವಾಡಿದ್ದಾರೆ.

ಪಶ್ಚಿಮ ಏಷ್ಯಾದ ಸಂಘರ್ಷದಿಂದ ಉಂಟಾಗುತ್ತಿರುವ ಸವಾಲುಗಳನ್ನು ಎದುರಿಸಲು ನಾಗರಿಕರು ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕು ಎಂಬ ಪ್ರಧಾನಿ ನರೇಂದ್ರ ಮೋದಿ ಹೇಳಿಕೆಯನ್ನು ಉಲ್ಲೇಖಿಸಿ ಅವರು ಟೀಕಿಸಿದ್ದಾರೆ.

ಭಾನುವಾರ ಸಿಕಂದರ್ಬಾದ್ನಲ್ಲಿ ನಡೆದ ಸಭೆಯಲ್ಲಿ, ಮನೆಯಿಂದಲೇ ಕೆಲಸ ಮಾಡುವುದಕ್ಕೆ(ವರ್ಕ್ ಫ್ರಮ್ ಹೋಮ್) ಆದ್ಯತೆ ನೀಡುವುದು, ಇಂಧನ ಬಳಕೆಯನ್ನು ಕಡಿತಗೊಳಿಸುವುದು, ಒಂದು ವರ್ಷದವರೆಗೆ ವಿದೇಶ ಪ್ರಯಾಣವನ್ನು ತಪ್ಪಿಸುವುದು, ಸ್ವದೇಶಿ ಉತ್ಪನ್ನಗಳನ್ನು ಅಳವಡಿಸಿಕೊಳ್ಳುವುದು, ಅಡುಗೆ ಎಣ್ಣೆಯ ಬಳಕೆಯನ್ನು ಕಡಿಮೆ ಮಾಡುವುದು, ನೈಸರ್ಗಿಕ ಕೃಷಿಗೆ ಬದಲಾಗುವುದು ಮತ್ತು ಚಿನ್ನದ ಖರೀದಿಯನ್ನು ನಿಯಂತ್ರಿಸುವಂತೆ ದೇಶದ ನಾಗರಿಕರಿಗೆ ಪ್ರಧಾನಿ ಮೋದಿ ಮನವಿ ಮಾಡಿದ್ದರು.

ಈ ಕುರಿತು ಎಕ್ಸ್ನಲ್ಲಿ ಪೋಸ್ಟ್ ಹಂಚಿಕೊಂಡು ಕೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿರುವ ಅಖಿಲೇಶ್, ‘ದೇಶಕ್ಕೆ ಒಂದೇ ಒಂದು ಬಿಕ್ಕಟ್ಟು ಇದೆ. ಅದರ ಹೆಸರು ಬಿಜೆಪಿ’ ಎಂದಿದ್ದಾರೆ.

‘ಇಷ್ಟೊಂದು ನಿರ್ಬಂಧಗಳನ್ನು ಹೇರಬೇಕಾದ ಪರಿಸ್ಥಿತಿ ಇದ್ದರೆ, ಐದು ಟ್ರಿಲಿಯನ್ ಡಾಲರ್ನ ಜುಮ್ಲಾ ಆರ್ಥಿಕತೆ ಹೇಗೆ ಸಾಧ್ಯವಾಗುತ್ತದೆ? ಬಿಜೆಪಿ ಸರ್ಕಾರದ ಕೈಯಿಂದ ಲಗಾಮು ಸಂಪೂರ್ಣವಾಗಿ ಜಾರಿಹೋದಂತೆ ತೋರುತ್ತಿದೆ. ಡಾಲರ್ ಮೌಲ್ಯ ಆಕಾಶ ಮುಟ್ಟುತ್ತಿದ್ದರೆ, ರೂಪಾಯಿ ಪಾತಾಳಕ್ಕೆ ಕುಸಿಯುತ್ತಿದೆ’ ಎಂದು ಹೇಳಿದ್ದಾರೆ.

‘ಸಾರ್ವಜನಿಕರು ಚಿನ್ನ ಖರೀದಿಸುತ್ತಿಲ್ಲ ಬದಲಾಗಿ ಬಿಜೆಪಿಯ ನಿಷ್ಠಾವಂತರು ತಮ್ಮ ಕಪ್ಪು ಹಣಕ್ಕೆ ಚಿನ್ನದ ಲೇಪನ ಮಾಡುವಲ್ಲಿ ನಿರತರಾಗಿದ್ದಾರೆ. ನನ್ನ ಮಾತು ತಪ್ಪೆಂದು ಎನಿಸಿದರೆ ಲಕ್ನೋದಿಂದ ಗೋರಖ್ಪುರದವರೆಗೆ ಅಥವಾ ಅಹಮದಾಬಾದ್ನಿಂದ ಗುವಾಹಟಿಯವರೆಗೆ ಒಮ್ಮೆ ಪರಿಶೀಲಿಸಿ’ ಎಂದು ಸವಾಲು ಹಾಕಿದ್ದಾರೆ.

‘ಬಿಜೆಪಿಯ ವೈಫಲ್ಯದ ಸಂಕೇತ’

‘ಚುನಾವಣಾ ಸಮಯದಲ್ಲಿ ಬಿಜೆಪಿ ನಾಯಕರು ಬಳಸುತ್ತಿದ್ದ ವಿಮಾನಗಳು ನೀರಿನಿಂದ ಹಾರುತ್ತಿದ್ದವೇ? ಅವರು ಹೋಟೆಲ್ಗಳಲ್ಲಿ ಉಳಿದುಕೊಳ್ಳುತ್ತಿರಲಿಲ್ಲವೇ? ಸಿಲಿಂಡರ್ ಬಳಸಿ ಊಟ ತಯಾರಿಸುತ್ತಿರಲಿಲ್ಲವೇ? ಬಿಜೆಪಿ ತನ್ನ ಚುನಾವಣಾ ಪ್ರಚಾರವನ್ನು ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಏಕೆ ಮಾಡಲಿಲ್ಲ? ಈ ಎಲ್ಲಾ ನಿರ್ಬಂಧಗಳು ಕೇವಲ ಸಾರ್ವಜನಿಕರಿಗಾಗಿ ಮಾತ್ರವೇ?’ ಎಂದು ಪ್ರಶ್ನಿಸಿದ್ದಾರೆ.

‘ತುರ್ತು ಪರಿಸ್ಥಿತಿಗಳಿಂದ ಜನರನ್ನು ಹೊರತರಲು ತನ್ನ ವಿಶಾಲ ಸಂಪನ್ಮೂಲಗಳನ್ನು ಬುದ್ಧಿವಂತಿಕೆಯಿಂದ ಬಳಸುವುದು ಸರ್ಕಾರದ ಕೆಲಸವೇ ಹೊರತು, ಭಯ ಅಥವಾ ಗೊಂದಲವನ್ನು ಹರಡುವುದಲ್ಲ’ ಎಂದಿದ್ದಾರೆ.

ಮುಂದುವರಿದು ,‘ಕೇಂದ್ರ ಬಿಜೆಪಿ ಸರ್ಕಾರವು ವಿದೇಶಾಂಗ ನೀತಿ ಮತ್ತು ದೇಶೀಯ ನೀತಿ ಎರಡರಲ್ಲೂ ವಿಫಲವಾಗಿದೆ. ಈ ಮನವಿಯು ಸರ್ಕಾರದ ವೈಫಲ್ಯದ ಸೂಚಕವಾಗಿದೆ. ಚುನಾವಣೆಗಳು ಮುಗಿದ ತಕ್ಷಣ ಬಿಜೆಪಿಯ ಲೋಪದೋಷಗಳು ಬೆಳಕಿಗೆ ಬಂದಿವೆ. ಅವರು(ಬಿಜೆಪಿ) ಚುನಾವಣಾ ಅಕ್ರಮಗಳ ಮೂಲಕ ರಾಜಕೀಯವನ್ನು ಕಲುಷಿತಗೊಳಿಸಿದ್ದಾರೆ, ದ್ವೇಷವನ್ನು ಹರಡುವ ಮೂಲಕ ಸಾಮಾಜಿಕ ಸಾಮರಸ್ಯವನ್ನು ಹಾಳು ಮಾಡಿದ್ದಾರೆ, ತಮ್ಮ ನಡವಳಿಕೆಯಿಂದ ಸಂಸ್ಕೃತಿ ಮತ್ತು ಮೌಲ್ಯಗಳನ್ನು ಮಲಿನಗೊಳಿಸಿದ್ದಾರೆ. ಈ ರೀತಿಯಾಗಿ, ಸಾಂಸ್ಕೃತಿಕ, ಧಾರ್ಮಿಕ, ರಾಜಕೀಯ, ಸಾಮಾಜಿಕ ಮತ್ತು ಆರ್ಥಿಕ ಹೀಗೆ ಪ್ರತಿಯೊಂದು ಕ್ಷೇತ್ರವನ್ನು ಧ್ವಂಸಗೊಳಿಸಿದ್ದಾರೆ’ ಎಂದು ಹೇಳಿದ್ದಾರೆ.

‘ದೇಶದ ಜನರಲ್ಲಿ ಉಕ್ಕಿ ಹರಿಯುತ್ತಿರುವ ಸಾರ್ವಜನಿಕ ಆಕ್ರೋಶದ ಅಲೆಗಳನ್ನು ಬಿಜೆಪಿಯು ಯಾವುದೇ ಚುನಾವಣಾ ಕಾಲದ ತಂತ್ರಗಳಿಂದ ನಿಯಂತ್ರಿಸಲು ಸಾಧ್ಯವಿಲ್ಲ. ಬಿಜೆಪಿಯ ಆಟ ಈಗ ಮುಗಿದಿದೆ’ ಎಂದು ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುನಾವಣೆ ಮುಗಿದ ತಕ್ಷಣ ಪ್ರಧಾನಿ ಮೋದಿಗೆ ‘ಬಿಕ್ಕಟ್ಟು’ ನೆನಪಿಗೆ ಬಂದಿದೆ: ಅಖಿಲೇಶ್

ಚಿನಕುರುಳಿ ಕಾರ್ಟೂನು: ಬುಧವಾರ, 17 ಜೂನ್ 2026

ಸುದ್ದಿ ಗುದ್ದು | ತಿಂಗಳೇಶ: ಬುಧವಾರ, 17 ಜೂನ್ 2026

ಚುರುಮುರಿ: ಮಂತ್ರಿಯ ಮಾಡೆನ್ನ...

ಗುಂಡಣ್ಣ ಕಾರ್ಟೂನು: ಬುಧವಾರ, 17 ಜೂನ್ 2026

T20 World Cup: ನೆದರ್ಲೆಂಡ್ಸ್‌ ವಿರುದ್ಧ ಭಾರತಕ್ಕೆ 95 ರನ್‌ಗಳ ಭರ್ಜರಿ ಗೆಲುವು

IND vs AFG: 170 ರನ್‌‌ಗಳ ಭರ್ಜರಿ ಜಯ, ಅಫ್ಗನ್ ವಿರುದ್ಧ ಸರಣಿ ಗೆದ್ದ ಭಾರತ

IND vs AFG: 400 ರನ್ ಸಾಧನೆ, ಗಿಲ್-ಇಶಾನ್ ಶತಕ, ಹಲವು ದಾಖಲೆ ಬರೆದ ಭಾರತ

ಮಹಿಳಾ ಟಿ20 ವಿಶ್ವಕಪ್|ಮಂದಾನ, ಶಫಾಲಿ ಅರ್ಧಶತಕ: ನೆದರ್ಲೆಂಡ್ಸ್‌ಗೆ 210 ರನ್ ಗುರಿ

ಒಳನೋಟ| ಮಾವು ಬೆಳೆದವರ ನೋವು: ಬೆಳೆಯೂ ಇಲ್ಲ, ಬೆಲೆಯೂ ಇಲ್ಲ,ವೆಚ್ಚವೂ ಸಿಗುತ್ತಿಲ್ಲ

ಒಳನೋಟ: ಜೈಲಿಗೆ ಬೇಕು ಸುಧಾರಣೆ

ಒಳನೋಟ| ಹಕ್ಕಿಲ್ಲದ ಹಕ್ಕಿಪಿಕ್ಕಿಗಳು: ಉತ್ತರ ಕರ್ನಾಟಕದಲ್ಲಿ ಇವರ ಸ್ಥಿತಿ ಶೋಚನೀಯ

ಒಳನೋಟ: ಪುರಾತತ್ವ ತಾಣ ಅನಾಥ, ಹಾಳು ಸುರಿಯುವ ಸ್ಮಾರಕಗಳು

ಚಿನಕುರುಳಿ ಕಾರ್ಟೂನು: ಬುಧವಾರ, 17 ಜೂನ್ 2026

ಸುದ್ದಿ ಗುದ್ದು | ತಿಂಗಳೇಶ: ಬುಧವಾರ, 17 ಜೂನ್ 2026

ಚುರುಮುರಿ: ಮಂತ್ರಿಯ ಮಾಡೆನ್ನ...

ಗುಂಡಣ್ಣ ಕಾರ್ಟೂನು: ಬುಧವಾರ, 17 ಜೂನ್ 2026