<p><strong>ಚೆನ್ನೈ :</strong> ತಮಿಳುನಾಡು ಮುಖ್ಯಮಂತ್ರಿ ಜೋಸೆಫ್ ವಿಜಯ್ ಅವರು ಶುಕ್ರವಾರ ತಮ್ಮ ಸಂಪುಟ ವಿಸ್ತರಣೆ ಮಾಡಿದರು. ಐಯುಎಂಎಲ್ ಪಕ್ಷದ ಎ.ಎಮ್. ಶಹಜಹಾನ್ ಮತ್ತು ವಿಸಿಕೆ ಪಕ್ಷದ ವಣ್ಣಿ ಅರಸು ನೂತನ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.</p>.<p>ಲೋಕಭವನದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ರಾಜ್ಯಪಾಲ ರಾಜೇಂದ್ರ ವಿಶ್ವನಾಥ್ ಅರ್ಲೇಕರ್ ಅವರು ನೂತನ ಸಚಿವರಿಗೆ ಅಧಿಕಾರ ಗೋಪ್ಯತೆ ಬೋಧಿಸಿದರು.</p>.<p>ಇಬ್ಬರು ಶಾಸಕರ ಸೇರ್ಪಡೆ ಮೂಲಕ ವಿಜಯ್ ಅವರ ಸಂಪುಟ ಪೂರ್ಣ ಪ್ರಮಾಣದಲ್ಲಿ ( ಮುಖ್ಯಮಂತ್ರಿ ಸೇರಿ 35ಮಂದಿ) ರಚನೆ ಆದಂತಾಗಿದೆ.</p>.<p>ಗುರುವಾರ ಕಾಂಗ್ರೆಸ್ನ ಇಬ್ಬರು ಸೇರಿ 23 ಶಾಸಕರು ಸಂಪುಟ ಸೇರಿದ್ದರು. ಶುಕ್ರವಾರ ಶಹಜಹಾನ್ ಮತ್ತು ವಣ್ಣಿ ಅರಸು ಅವರ ಸೇರ್ಪಡೆ ಮೂಲಕ ಮೈತ್ರಿ ಪಕ್ಷಗಳ ಸಚಿವರ ಸಂಖ್ಯೆ ನಾಲ್ಕಕ್ಕೆ ಏರಿಕೆ ಆಗಿದೆ.</p>.<p>ಪಾಪನಾಶಂ ಕ್ಷೇತ್ರದ 57 ವರ್ಷದ ಶಹಜಹಾನ್ ಅವರಿಗೆ ಅಲ್ಪಸಂಖ್ಯಾತ ಕಲ್ಯಾಣ ಇಲಾಖೆ, ಟಿಂಡಿವಾನಂ ಕ್ಷೇತ್ರದ ವಣ್ಣಿ ಅರಸು ಅವರಿಗೆ ಸಾಮಾಜಿಕ ನ್ಯಾಯ ಇಲಾಖೆ ಹಂಚಿಕೆ ಮಾಡಲಾಗಿದೆ.</p>.<p>ತಮಿಳುನಾಡು ಇತಿಹಾಸದಲ್ಲಿ ವಿಸಿಕೆ ಮತ್ತು ಐಯುಎಂಎಲ್ ಶಾಸಕರು ಸಂಪುಟ ಸೇರಿದ್ದು ಇದೇ ಮೊದಲ ಬಾರಿ. 1967ರ ನಂತರ ಇದೇ ಮೊದಲ ಬಾರಿ ಕಾಂಗ್ರೆಸ್ ಪಕ್ಷ ತಮಿಳುನಾಡು ಸರ್ಕಾರದಲ್ಲಿ ಭಾಗಿಯಾಗಿದೆ.</p>.<p>ವಿಜಯ್ ಅವರು ದಲಿತ ಸಮುದಾಯದ ಎಂಟು ಮಂದಿ, ಬ್ರಾಹ್ಮಣ ಸಮುದಾಯದ ಇಬ್ಬರಿಗೆ ಸಂಪುಟದಲ್ಲಿ ಅವಕಾಶ ಕಲ್ಪಿಸಿದ್ದಾರೆ. ನಾಲ್ವರು ಮಹಿಳೆಯರಿಗೆ ಪ್ರಾತಿನಿಧ್ಯ ಸಿಕ್ಕಿದೆ. 11ಕ್ಕೂ ಹೆಚ್ಚು ಸಚಿವರು 40 ವರ್ಷದ ಒಳಗಿನವರು. ಇಬ್ಬರು ಮಹಿಳಾ ಮಂತ್ರಿಗಳು 30 ವರ್ಷ ಒಳಗಿನವರು.</p>.<div><blockquote>ನಮ್ಮ ಪಕ್ಷ ಮೊದಲ ಬಾರಿ ಮೈತ್ರಿ ಪಕ್ಷದ ಭಾಗವಾಗಿದೆ. 1999ರಲ್ಲಿ ಮೂಪನಾರ್ ಅವರು ಸರ್ಕಾರದಲ್ಲಿ ಭಾಗಿಯಾಗಲು ಆಹ್ವಾನಿಸಿದ್ದರು. ಇದೀಗ ಟಿವಿಕೆ ನೀಡಿದ ಆಹ್ವಾನವನ್ನು ಒಪ್ಪಿ ಸರ್ಕಾರ ಸೇರಿದ್ದೇವೆ. ಇದು ಬಹುತೇಕ ಕಾರ್ಯಕರ್ತರ ಆಶಯವಾಗಿತ್ತು</blockquote><span class="attribution">– ತೋಲ್ ತಿರುಮಾವಲವನ್ ವಿಸಿಕೆ ಅಧ್ಯಕ್ಷ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ :</strong> ತಮಿಳುನಾಡು ಮುಖ್ಯಮಂತ್ರಿ ಜೋಸೆಫ್ ವಿಜಯ್ ಅವರು ಶುಕ್ರವಾರ ತಮ್ಮ ಸಂಪುಟ ವಿಸ್ತರಣೆ ಮಾಡಿದರು. ಐಯುಎಂಎಲ್ ಪಕ್ಷದ ಎ.ಎಮ್. ಶಹಜಹಾನ್ ಮತ್ತು ವಿಸಿಕೆ ಪಕ್ಷದ ವಣ್ಣಿ ಅರಸು ನೂತನ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.</p>.<p>ಲೋಕಭವನದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ರಾಜ್ಯಪಾಲ ರಾಜೇಂದ್ರ ವಿಶ್ವನಾಥ್ ಅರ್ಲೇಕರ್ ಅವರು ನೂತನ ಸಚಿವರಿಗೆ ಅಧಿಕಾರ ಗೋಪ್ಯತೆ ಬೋಧಿಸಿದರು.</p>.<p>ಇಬ್ಬರು ಶಾಸಕರ ಸೇರ್ಪಡೆ ಮೂಲಕ ವಿಜಯ್ ಅವರ ಸಂಪುಟ ಪೂರ್ಣ ಪ್ರಮಾಣದಲ್ಲಿ ( ಮುಖ್ಯಮಂತ್ರಿ ಸೇರಿ 35ಮಂದಿ) ರಚನೆ ಆದಂತಾಗಿದೆ.</p>.<p>ಗುರುವಾರ ಕಾಂಗ್ರೆಸ್ನ ಇಬ್ಬರು ಸೇರಿ 23 ಶಾಸಕರು ಸಂಪುಟ ಸೇರಿದ್ದರು. ಶುಕ್ರವಾರ ಶಹಜಹಾನ್ ಮತ್ತು ವಣ್ಣಿ ಅರಸು ಅವರ ಸೇರ್ಪಡೆ ಮೂಲಕ ಮೈತ್ರಿ ಪಕ್ಷಗಳ ಸಚಿವರ ಸಂಖ್ಯೆ ನಾಲ್ಕಕ್ಕೆ ಏರಿಕೆ ಆಗಿದೆ.</p>.<p>ಪಾಪನಾಶಂ ಕ್ಷೇತ್ರದ 57 ವರ್ಷದ ಶಹಜಹಾನ್ ಅವರಿಗೆ ಅಲ್ಪಸಂಖ್ಯಾತ ಕಲ್ಯಾಣ ಇಲಾಖೆ, ಟಿಂಡಿವಾನಂ ಕ್ಷೇತ್ರದ ವಣ್ಣಿ ಅರಸು ಅವರಿಗೆ ಸಾಮಾಜಿಕ ನ್ಯಾಯ ಇಲಾಖೆ ಹಂಚಿಕೆ ಮಾಡಲಾಗಿದೆ.</p>.<p>ತಮಿಳುನಾಡು ಇತಿಹಾಸದಲ್ಲಿ ವಿಸಿಕೆ ಮತ್ತು ಐಯುಎಂಎಲ್ ಶಾಸಕರು ಸಂಪುಟ ಸೇರಿದ್ದು ಇದೇ ಮೊದಲ ಬಾರಿ. 1967ರ ನಂತರ ಇದೇ ಮೊದಲ ಬಾರಿ ಕಾಂಗ್ರೆಸ್ ಪಕ್ಷ ತಮಿಳುನಾಡು ಸರ್ಕಾರದಲ್ಲಿ ಭಾಗಿಯಾಗಿದೆ.</p>.<p>ವಿಜಯ್ ಅವರು ದಲಿತ ಸಮುದಾಯದ ಎಂಟು ಮಂದಿ, ಬ್ರಾಹ್ಮಣ ಸಮುದಾಯದ ಇಬ್ಬರಿಗೆ ಸಂಪುಟದಲ್ಲಿ ಅವಕಾಶ ಕಲ್ಪಿಸಿದ್ದಾರೆ. ನಾಲ್ವರು ಮಹಿಳೆಯರಿಗೆ ಪ್ರಾತಿನಿಧ್ಯ ಸಿಕ್ಕಿದೆ. 11ಕ್ಕೂ ಹೆಚ್ಚು ಸಚಿವರು 40 ವರ್ಷದ ಒಳಗಿನವರು. ಇಬ್ಬರು ಮಹಿಳಾ ಮಂತ್ರಿಗಳು 30 ವರ್ಷ ಒಳಗಿನವರು.</p>.<div><blockquote>ನಮ್ಮ ಪಕ್ಷ ಮೊದಲ ಬಾರಿ ಮೈತ್ರಿ ಪಕ್ಷದ ಭಾಗವಾಗಿದೆ. 1999ರಲ್ಲಿ ಮೂಪನಾರ್ ಅವರು ಸರ್ಕಾರದಲ್ಲಿ ಭಾಗಿಯಾಗಲು ಆಹ್ವಾನಿಸಿದ್ದರು. ಇದೀಗ ಟಿವಿಕೆ ನೀಡಿದ ಆಹ್ವಾನವನ್ನು ಒಪ್ಪಿ ಸರ್ಕಾರ ಸೇರಿದ್ದೇವೆ. ಇದು ಬಹುತೇಕ ಕಾರ್ಯಕರ್ತರ ಆಶಯವಾಗಿತ್ತು</blockquote><span class="attribution">– ತೋಲ್ ತಿರುಮಾವಲವನ್ ವಿಸಿಕೆ ಅಧ್ಯಕ್ಷ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>