<p>ಕಠ್ಮಂಡು: ನೇಪಾಳದ ಪರ್ವತಾರೋಹಿ ಕಾಮಿ ರೀಟಾ ಶೆರ್ಪಾ ಭಾನುವಾರ ವಿಶ್ವದ ಅತಿ ಎತ್ತರದ ಮೌಂಟ್ ಎವರೆಸ್ಟ್ ಶಿಖರವನ್ನು 32ನೇ ಬಾರಿಗೆ ಏರುವ ಮೂಲಕ ತಮ್ಮದೇ ವಿಶ್ವ ದಾಖಲೆಯನ್ನು ಮುರಿದು ಇತಿಹಾಸ ನಿರ್ಮಿಸಿದ್ದಾರೆ.</p><p>56 ವರ್ಷದ ಅನುಭವಿ ಪರ್ವತಾರೋಹಿ ಭಾನುವಾರ ಬೆಳಿಗ್ಗೆ 10:12ಕ್ಕೆ 8,849 ಮೀಟರ್ ಎತ್ತರದ ಶಿಖರವನ್ನು ಏರಿದ್ದಾರೆ ಎಂದು ನೇಪಾಳದ ಪ್ರವಾಸೋದ್ಯಮ ಇಲಾಖೆ ತಿಳಿಸಿದೆ.</p><p>‘14 ಪೀಕ್ಸ್ ಎಕ್ಸ್ಪೆಡಿಶನ್’ ಸಂಸ್ಥೆ ನಿರ್ವಹಿಸುವ ಪರ್ವತಾರೋಹಣದ ನೇತೃತ್ವ ವಹಿಸಿದ್ದರು ಎಂದು ಅದು ತಿಳಿಸಿದೆ.</p><p>ಎವರೆಸ್ಟ್ ಬೇಸ್ ಕ್ಯಾಂಪ್ನಲ್ಲಿರುವ ಇಲಾಖೆಯ ಕ್ಷೇತ್ರ ಕಚೇರಿಯಿಂದ ಯಶಸ್ವಿ ಆರೋಹಣವನ್ನು ದೃಢಪಡಿಸಲಾಗಿದೆ ಎಂದು ‘ದಿ ಕಠ್ಮಂಡು ಪೋಸ್ಟ್’ ವರದಿ ಮಾಡಿದೆ.</p><p>ಪ್ರವಾಸೋದ್ಯಮ ಇಲಾಖೆಯು ಶೆರ್ಪಾ ಅವರನ್ನು ಅಭಿನಂದಿಸಿದೆ. ಅವರ ಸಾಧನೆಯು ನೇಪಾಳದ ಪರ್ವತಾರೋಹಣ ವಲಯ ಮತ್ತು ಅದರ ಅಂತರರಾಷ್ಟ್ರೀಯ ಪ್ರೊಫೈಲ್ಗೆ ಗಮನಾರ್ಹ ಕೊಡುಗೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿದೆ.</p><p>1970ರ ಜನವರಿಯಲ್ಲಿ ಕೋಶಿ ಪ್ರಾಂತ್ಯದ ಸೋಲುಖುಂಬು ಜಿಲ್ಲೆಯ ಹಳ್ಳಿಯಲ್ಲಿ ಜನಿಸಿದ ಕಾಮಿ ರೀಟಾ, 1992ರಲ್ಲಿ ವೃತ್ತಿಪರ ಪರ್ವತಾರೋಹಿಯಾಗಿ ಈ ಶಿಖರ ಏರಲು ಆರಂಭಿಸಿದ್ದರು. 1994ರಲ್ಲಿ ಮೊದಲ ಬಾರಿಗೆ ಮೌಂಟ್ ಎವರೆಸ್ಟ್ ಏರಿದ್ದರು.</p><p>2025ರ ಮೇ 27ರಂದು ತಮ್ಮ 31ನೇ ಎವರೆಸ್ಟ್ ಆರೋಹಣವನ್ನು ಮಾಡಿದ್ದರು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಠ್ಮಂಡು: ನೇಪಾಳದ ಪರ್ವತಾರೋಹಿ ಕಾಮಿ ರೀಟಾ ಶೆರ್ಪಾ ಭಾನುವಾರ ವಿಶ್ವದ ಅತಿ ಎತ್ತರದ ಮೌಂಟ್ ಎವರೆಸ್ಟ್ ಶಿಖರವನ್ನು 32ನೇ ಬಾರಿಗೆ ಏರುವ ಮೂಲಕ ತಮ್ಮದೇ ವಿಶ್ವ ದಾಖಲೆಯನ್ನು ಮುರಿದು ಇತಿಹಾಸ ನಿರ್ಮಿಸಿದ್ದಾರೆ.</p><p>56 ವರ್ಷದ ಅನುಭವಿ ಪರ್ವತಾರೋಹಿ ಭಾನುವಾರ ಬೆಳಿಗ್ಗೆ 10:12ಕ್ಕೆ 8,849 ಮೀಟರ್ ಎತ್ತರದ ಶಿಖರವನ್ನು ಏರಿದ್ದಾರೆ ಎಂದು ನೇಪಾಳದ ಪ್ರವಾಸೋದ್ಯಮ ಇಲಾಖೆ ತಿಳಿಸಿದೆ.</p><p>‘14 ಪೀಕ್ಸ್ ಎಕ್ಸ್ಪೆಡಿಶನ್’ ಸಂಸ್ಥೆ ನಿರ್ವಹಿಸುವ ಪರ್ವತಾರೋಹಣದ ನೇತೃತ್ವ ವಹಿಸಿದ್ದರು ಎಂದು ಅದು ತಿಳಿಸಿದೆ.</p><p>ಎವರೆಸ್ಟ್ ಬೇಸ್ ಕ್ಯಾಂಪ್ನಲ್ಲಿರುವ ಇಲಾಖೆಯ ಕ್ಷೇತ್ರ ಕಚೇರಿಯಿಂದ ಯಶಸ್ವಿ ಆರೋಹಣವನ್ನು ದೃಢಪಡಿಸಲಾಗಿದೆ ಎಂದು ‘ದಿ ಕಠ್ಮಂಡು ಪೋಸ್ಟ್’ ವರದಿ ಮಾಡಿದೆ.</p><p>ಪ್ರವಾಸೋದ್ಯಮ ಇಲಾಖೆಯು ಶೆರ್ಪಾ ಅವರನ್ನು ಅಭಿನಂದಿಸಿದೆ. ಅವರ ಸಾಧನೆಯು ನೇಪಾಳದ ಪರ್ವತಾರೋಹಣ ವಲಯ ಮತ್ತು ಅದರ ಅಂತರರಾಷ್ಟ್ರೀಯ ಪ್ರೊಫೈಲ್ಗೆ ಗಮನಾರ್ಹ ಕೊಡುಗೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿದೆ.</p><p>1970ರ ಜನವರಿಯಲ್ಲಿ ಕೋಶಿ ಪ್ರಾಂತ್ಯದ ಸೋಲುಖುಂಬು ಜಿಲ್ಲೆಯ ಹಳ್ಳಿಯಲ್ಲಿ ಜನಿಸಿದ ಕಾಮಿ ರೀಟಾ, 1992ರಲ್ಲಿ ವೃತ್ತಿಪರ ಪರ್ವತಾರೋಹಿಯಾಗಿ ಈ ಶಿಖರ ಏರಲು ಆರಂಭಿಸಿದ್ದರು. 1994ರಲ್ಲಿ ಮೊದಲ ಬಾರಿಗೆ ಮೌಂಟ್ ಎವರೆಸ್ಟ್ ಏರಿದ್ದರು.</p><p>2025ರ ಮೇ 27ರಂದು ತಮ್ಮ 31ನೇ ಎವರೆಸ್ಟ್ ಆರೋಹಣವನ್ನು ಮಾಡಿದ್ದರು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
