ಕನೊ, ನೈಜೀರಿಯಾ: ‘ನೈಜೀರಿಯಾದ ಕೇಂದ್ರ ಹಾಗೂ ವಾಯವ್ಯ ಭಾಗದಲ್ಲಿ ಪ್ರತ್ಯೇಕ ದಾಳಿ ನಡೆಸಿರುವ ದುಷ್ಕರ್ಮಿಗಳು ಕ್ಯಾಥೋಲಿಕ್ ಪಾದ್ರಿಯೊಬ್ಬರನ್ನು ಭಾನುವಾರ ಸಜೀವ ದಹನ ಮಾಡಿದ್ದಾರೆ. ಐವರನ್ನು ಅಪಹರಿಸಿದ್ದಾರೆ’ ಎಂದು ಪೊಲೀಸರು ಹೇಳಿದ್ದಾರೆ.
‘ಕಾಫಿನ್–ಕೊರೊ ಗ್ರಾಮದ ಮೇಲೆ ದಾಳಿ ನಡೆಸಿರುವ ದುಷ್ಕರ್ಮಿಗಳು ಫಾದರ್ ಐಸಾಕ್ ಆಚಿ ಅವರ ಮನೆಗೆ ಬೆಂಕಿ ಹಚ್ಚಿ ಅವರನ್ನು ಸಜೀವವಾಗಿ ದಹಿಸಿದ್ದಾರೆ. ಪರಾರಿಯಾಗಲು ಯತ್ನಿಸಿದ್ದ ರೆವರೆಂಡ್ ಫಾದರ್ ಕಾಲಿನ್ಸ್ ಎಂಬುವವರ ಮೇಲೆ ಗುಂಡು ಹಾರಿಸಿ ಗಾಯಗೊಳಿಸಿದ್ದಾರೆ’ ಎಂದು ತಿಳಿಸಿದ್ದಾರೆ.