ಟಿಎಂಸಿ ಶಾಸಕನ ಮನೆ, ನರ್ಸಿಂಗ್‌ ಹೋಂನಲ್ಲಿ ದಾಖಲೆಗಳ ಜಪ್ತಿ ಮಾಡಿದ ಇ.ಡಿ

ಇಲ್ಲಿನ ಸಿಥಿ ಪ್ರದೇಶದಲ್ಲಿರುವ ರಾಯ್‌ ಅವರ ಮನೆಗಳು ಹಾಗೂ ಅವುಗಳಿಗೆ ಹೊಂದಿಕೊಂಡಿರುವ ನರ್ಸಿಂಗ್‌ ಹೋಂನಲ್ಲಿ ಮಂಗಳವಾರ ಬೆಳಿಗ್ಗೆ ಇ.ಡಿ ಅಧಿಕಾರಿಗಳು ಶೋಧ ಕಾರ್ಯ ಆರಂಭಿಸಿದ್ದರು. ಬುಧವಾರ ತಡರಾತ್ರಿ 2 ಗಂಟೆಗೆ ಶೋಧ ಕಾರ್ಯ ಪೂರ್ಣಗೊಳಿಸಿ, ಪೆಟ್ಟಿಗೆ ತುಂಬ ದಾಖಲೆಗಳನ್ನು ಕೊಂಡೊಯ್ದರು ಎಂದು ಅಧಿಕಾರಿ ಹೇಳಿದ್ದಾರೆ.

ರಾಯ್‌ ಅವರಿಗೆ ಸೇರಿದ ಮನೆಗಳು ಹಾಗೂ ನರ್ಸಿಂಗ್‌ ಹೋಂ ಅಲ್ಲದೇ, ಔಷಧ ವ್ಯಾಪಾರಿಯೊಬ್ಬರ ಮನೆ ಹಾಗೂ ಇತರ ನಾಲ್ಕು ಸ್ಥಳಗಳಲ್ಲಿ ಕೂಡ ಅಧಿಕಾರಿಗಳು ಶೋಧ ನಡೆಸಿದ್ದಾರೆ.