ನವದೆಹಲಿ: ಶಂಭು ಗಡಿಯಲ್ಲಿ ರಸ್ತೆಗಳನ್ನು ಮತ್ತೆ ಭಾಗಶಃ ತೆರೆಯಲು ಪಂಜಾಬ್ ಮತ್ತು ಹರಿಯಾಣದ ಪೊಲೀಸ್ ಮುಖ್ಯಸ್ಥರು ಅಕ್ಕಪಕ್ಕದ ಜಿಲ್ಲೆಗಳ ಎಸ್ಪಿಗಳ ಜೊತೆ ವಾರದಲ್ಲಿ ಸಭೆ ನಡೆಸಬೇಕು ಎಂದು ಸುಪ್ರೀಂ ಕೋರ್ಟ್ ಸೋಮವಾರ ಹೇಳಿದೆ.
ಆಂಬುಲೆನ್ಸ್ಗಳು, ಅಗತ್ಯ ಸೇವೆಗಳ ವಾಹನಗಳು ಹಾಗೂ ಸ್ಥಳೀಯರ ಓಡಾಟಕ್ಕೆ ಅನುವು ಮಾಡಿಕೊಡಲು ಈ ಕ್ರಮಕ್ಕೆ ಮುಂದಾಗಬೇಕು ಎಂದು ಅದು ಸೂಚಿಸಿದೆ.
ಹೆದ್ದಾರಿಗಳು ಇರುವುದು ಟ್ರ್ಯಾಕ್ಟರ್ಗಳನ್ನು, ಟ್ರಾಲಿಗಳನ್ನು ಅಥವಾ ಜೆಸಿಬಿಗಳನ್ನು ನಿಲ್ಲಿಸಲು ಅಲ್ಲ ಎಂದು ಹೇಳಿರುವ ಕೋರ್ಟ್, ರೈತರು ಆ ಗಡಿಯಲ್ಲಿ ಬೀಡುಬಿಟ್ಟಿರುವ ಸಮಸ್ಯೆಗೆ ಸೌಹಾರ್ದಯುತವಾದ ಪರಿಹಾರವೊಂದು ಸಾಧ್ಯವಾಗಬಹುದು ಎಂಬ ಆಶಯ ವ್ಯಕ್ತಪಡಿಸಿದೆ. ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆ ಒದಗಿಸುವುದಕ್ಕೆ ಕಾನೂನಿನ ಖಾತರಿ ನೀಡಬೇಕು ಎಂಬ ಬೇಡಿಕೆಯೊಂದಿಗೆ ರೈತರು ಗಡಿಯಲ್ಲಿ ಬೀಡುಬಿಟ್ಟಿದ್ದಾರೆ.
ಆಂಬುಲೆನ್ಸ್ಗಳು, ಅಗತ್ಯ ಸೇವೆಗಳ ವಾಹನಗಳು ಹಾಗೂ ಸ್ಥಳೀಯರ ಸಂಚಾರಕ್ಕೆ ಶಂಭು ಗಡಿಯನ್ನು ಭಾಗಶಃ ತೆರೆಯುವ ಅಗತ್ಯ ಇದೆ ಎಂದು ವಿಭಾಗೀಯ ಪೀಠವು ಹೇಳಿದೆ.
