<p><strong>ಚೆನ್ನೈ</strong>: ಡಿಎಂಕೆ, ಸಿಪಿಎಂ, ವಿಸಿಕೆ ಮತ್ತು ನಟ ಕಮಲ್ ಹಾಸನ್ ಅವರ ಎಂಎನ್ಎಂ ಪಕ್ಷಗಳು ಒಗ್ಗೂಡಿ ಮಾಡಿಕೊಂಡಿರುವ ಜಾತ್ಯತೀತ ಪ್ರಗತಿಪರ ಮೈತ್ರಿಕೂಟದಲ್ಲಿ (ಎಸ್ಪಿಎ) ಸೀಟು ಹಂಚಿಕೆ ಪ್ರಕ್ರಿಯೆಯು ಕಗ್ಗಂಟಾಗಿದೆ. ಸಣ್ಣ ಪಕ್ಷಗಳು ಡಿಎಂಕೆ ಕುರಿತು ಬೇಸರಗೊಂಡಿವೆ.</p><p>ಈ ಪಕ್ಷಗಳೊಂದಿಗೆ ಮಾತುಕತೆ ಮುಗಿದ ಬಳಿಕ ನಟ ವಿಜಯಕಾಂತ್ ಅವರ ಡಿಎಂಡಿಕೆ ಪಕ್ಷದೊಂದಿಗೆ ಡಿಎಂಕೆ ಮಾತುಕತೆ ನಡೆಸಲಿದೆ. ಡಿಎಂಡಿಕೆ ಪಕ್ಷಕ್ಕೆ ಎಷ್ಟು ಸೀಟು ನೀಡಲಾಗುತ್ತದೆ ಎಂಬುದನ್ನು ಡಿಎಂಕೆ ಬಹಿರಂಗ ಮಾಡಿಲ್ಲ. ಇದೇ ವಿಚಾರ ಸಿಪಿಎಂ ಸೇರಿ ಇತರ ಪಕ್ಷಗಳಿಗೆ ಬೇಸರ ತರಿಸಿದೆ.</p><p>2021ರ ಚುನಾವಣೆಯಲ್ಲಿ 6 ಸ್ಥಾನಗಳಲ್ಲಿ ಸಿಪಿಎಂ ಸ್ಪರ್ಧಿಸಿತ್ತು. ಈ ಬಾರಿ 5 ಸ್ಥಾನಗಳಿಗೆ ಒಪ್ಪಿಕೊಳ್ಳುವಂತೆ ಡಿಎಂಕೆ ಕೇಳಿಕೊಳ್ಳುತ್ತಿದೆ. ಅಂತೆಯೇ ವಿಸಿಕೆ ಪಕ್ಷಕ್ಕೆ ಕೂಡ ಕಳೆದ ಬಾರಿಗಿಂತ ಒಂದು ಸ್ಥಾನ ಕಡಿಮೆ, ಅಂದರೆ 7 ಸ್ಥಾನಗಳಿಗೆ ಒಪ್ಪಿಕೊಳ್ಳುವಂತೆ ಡಿಎಂಕೆ ಹೇಳುತ್ತಿದೆ. ಆದರೆ, 10 ಕ್ಷೇತ್ರಗಳಲ್ಲಿ ಸ್ಪರ್ಧಿಸಲು ಅವಕಾಶ ನೀಡಬೇಕು ಎಂಬುದು ವಿಸಿಕೆ ಆಗ್ರಹ.</p><p>ಇನ್ನಷ್ಟು ಪಕ್ಷಗಳು ಮೈತ್ರಿಕೂಟವನ್ನು ಸೇರಿಕೊಂಡಿವೆ. ಆದ್ದರಿಂದ ಎಲ್ಲ ಪಕ್ಷಗಳಿಗೆ ಕಡಿಮೆ ಸೀಟುಗಳು ದೊರೆಯಲಿವೆ ಎನ್ನುತ್ತಿದೆ ಡಿಎಂಕೆ. ಆದರೆ, ‘ಕಾಂಗ್ರೆಸ್ಗೆ ಮಾತ್ರ ಕಳೆದ ಬಾರಿಗಿಂತ 3 ಸೀಟು ಹೆಚ್ಚಿಗೆ ನೀಡಲಾಗಿದೆ. ಇದರೊಂದಿಗೆ ಒಂದು ರಾಜ್ಯಸಭೆ ಸೀಟನ್ನೂ ನೀಡಲಾಗಿದೆ. ಆದ್ದರಿಂದ ನಮಗೂ ಹೆಚ್ಚಿನ ಸೀಟು ನೀಡಿ’ ಎನ್ನುತ್ತಿವೆ ಸಣ್ಣ ಪಕ್ಷಗಳು.</p><p>‘ಆರು ಸೀಟುಗಳು ಬೇಕು ಎಂದು ಸಿಪಿಎಂ ಹಟ ಹಿಡಿದರೆ, ನಾವು ಕೊಡಲೇಬೇಕಾಗುತ್ತದೆ. ವಿಸಿಕೆ ಪಕ್ಷಕ್ಕೆ 8 ಸೀಟುಗಳನ್ನು ನೀಡುವ ಯೋಜನೆ ಇದೆ. ನಮ್ಮ ಮೈತ್ರಿ ಪಕ್ಷಗಳ ಸೀಟುಗಳನ್ನು ಕಡಿತ ಮಾಡುತ್ತಿದ್ದೇವೆ ಎಂದಲ್ಲ. ಕಳೆದ ಬಾರಿ ಚುನಾವಣೆಯ ಹೋಲಿಕೆಯಲ್ಲಿ ನಮ್ಮ ಸೀಟುಗಳು ಕೂಡ ಕಡಿತಗೊಂಡಿವೆ. ನಾವೂ ಕಡಿಮೆ ಸೀಟುಗಳಲ್ಲಿಯೇ ಸ್ಪರ್ಧಿಸುತ್ತಿದ್ದೇವೆ’ ಎಂದು ಡಿಎಂಕೆ ನಾಯಕರೊಬ್ಬರು ಹೇಳಿದರು.</p><p>ಎಂಎನ್ಎಂ ಪಕ್ಷದವರು ನಮ್ಮ ಪಕ್ಷದ ಚಿಹ್ನೆಯಲ್ಲಿಯೇ ಸ್ಪರ್ಧಿಸಲಿ ಎನ್ನುತ್ತಿದೆ ಡಿಎಂಕೆ. ಆದರೆ, ಹೀಗೆ ಮಾಡಿದರೆ ನಮ್ಮ ಸ್ವಂತಿಕೆಗೆ ಹೊಡೆದ ಬೀಳಲಿದೆ ಎನ್ನುವುದು ಎಂಎನ್ಎಂ ಪ್ರತಿಕ್ರಿಯೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ</strong>: ಡಿಎಂಕೆ, ಸಿಪಿಎಂ, ವಿಸಿಕೆ ಮತ್ತು ನಟ ಕಮಲ್ ಹಾಸನ್ ಅವರ ಎಂಎನ್ಎಂ ಪಕ್ಷಗಳು ಒಗ್ಗೂಡಿ ಮಾಡಿಕೊಂಡಿರುವ ಜಾತ್ಯತೀತ ಪ್ರಗತಿಪರ ಮೈತ್ರಿಕೂಟದಲ್ಲಿ (ಎಸ್ಪಿಎ) ಸೀಟು ಹಂಚಿಕೆ ಪ್ರಕ್ರಿಯೆಯು ಕಗ್ಗಂಟಾಗಿದೆ. ಸಣ್ಣ ಪಕ್ಷಗಳು ಡಿಎಂಕೆ ಕುರಿತು ಬೇಸರಗೊಂಡಿವೆ.</p><p>ಈ ಪಕ್ಷಗಳೊಂದಿಗೆ ಮಾತುಕತೆ ಮುಗಿದ ಬಳಿಕ ನಟ ವಿಜಯಕಾಂತ್ ಅವರ ಡಿಎಂಡಿಕೆ ಪಕ್ಷದೊಂದಿಗೆ ಡಿಎಂಕೆ ಮಾತುಕತೆ ನಡೆಸಲಿದೆ. ಡಿಎಂಡಿಕೆ ಪಕ್ಷಕ್ಕೆ ಎಷ್ಟು ಸೀಟು ನೀಡಲಾಗುತ್ತದೆ ಎಂಬುದನ್ನು ಡಿಎಂಕೆ ಬಹಿರಂಗ ಮಾಡಿಲ್ಲ. ಇದೇ ವಿಚಾರ ಸಿಪಿಎಂ ಸೇರಿ ಇತರ ಪಕ್ಷಗಳಿಗೆ ಬೇಸರ ತರಿಸಿದೆ.</p><p>2021ರ ಚುನಾವಣೆಯಲ್ಲಿ 6 ಸ್ಥಾನಗಳಲ್ಲಿ ಸಿಪಿಎಂ ಸ್ಪರ್ಧಿಸಿತ್ತು. ಈ ಬಾರಿ 5 ಸ್ಥಾನಗಳಿಗೆ ಒಪ್ಪಿಕೊಳ್ಳುವಂತೆ ಡಿಎಂಕೆ ಕೇಳಿಕೊಳ್ಳುತ್ತಿದೆ. ಅಂತೆಯೇ ವಿಸಿಕೆ ಪಕ್ಷಕ್ಕೆ ಕೂಡ ಕಳೆದ ಬಾರಿಗಿಂತ ಒಂದು ಸ್ಥಾನ ಕಡಿಮೆ, ಅಂದರೆ 7 ಸ್ಥಾನಗಳಿಗೆ ಒಪ್ಪಿಕೊಳ್ಳುವಂತೆ ಡಿಎಂಕೆ ಹೇಳುತ್ತಿದೆ. ಆದರೆ, 10 ಕ್ಷೇತ್ರಗಳಲ್ಲಿ ಸ್ಪರ್ಧಿಸಲು ಅವಕಾಶ ನೀಡಬೇಕು ಎಂಬುದು ವಿಸಿಕೆ ಆಗ್ರಹ.</p><p>ಇನ್ನಷ್ಟು ಪಕ್ಷಗಳು ಮೈತ್ರಿಕೂಟವನ್ನು ಸೇರಿಕೊಂಡಿವೆ. ಆದ್ದರಿಂದ ಎಲ್ಲ ಪಕ್ಷಗಳಿಗೆ ಕಡಿಮೆ ಸೀಟುಗಳು ದೊರೆಯಲಿವೆ ಎನ್ನುತ್ತಿದೆ ಡಿಎಂಕೆ. ಆದರೆ, ‘ಕಾಂಗ್ರೆಸ್ಗೆ ಮಾತ್ರ ಕಳೆದ ಬಾರಿಗಿಂತ 3 ಸೀಟು ಹೆಚ್ಚಿಗೆ ನೀಡಲಾಗಿದೆ. ಇದರೊಂದಿಗೆ ಒಂದು ರಾಜ್ಯಸಭೆ ಸೀಟನ್ನೂ ನೀಡಲಾಗಿದೆ. ಆದ್ದರಿಂದ ನಮಗೂ ಹೆಚ್ಚಿನ ಸೀಟು ನೀಡಿ’ ಎನ್ನುತ್ತಿವೆ ಸಣ್ಣ ಪಕ್ಷಗಳು.</p><p>‘ಆರು ಸೀಟುಗಳು ಬೇಕು ಎಂದು ಸಿಪಿಎಂ ಹಟ ಹಿಡಿದರೆ, ನಾವು ಕೊಡಲೇಬೇಕಾಗುತ್ತದೆ. ವಿಸಿಕೆ ಪಕ್ಷಕ್ಕೆ 8 ಸೀಟುಗಳನ್ನು ನೀಡುವ ಯೋಜನೆ ಇದೆ. ನಮ್ಮ ಮೈತ್ರಿ ಪಕ್ಷಗಳ ಸೀಟುಗಳನ್ನು ಕಡಿತ ಮಾಡುತ್ತಿದ್ದೇವೆ ಎಂದಲ್ಲ. ಕಳೆದ ಬಾರಿ ಚುನಾವಣೆಯ ಹೋಲಿಕೆಯಲ್ಲಿ ನಮ್ಮ ಸೀಟುಗಳು ಕೂಡ ಕಡಿತಗೊಂಡಿವೆ. ನಾವೂ ಕಡಿಮೆ ಸೀಟುಗಳಲ್ಲಿಯೇ ಸ್ಪರ್ಧಿಸುತ್ತಿದ್ದೇವೆ’ ಎಂದು ಡಿಎಂಕೆ ನಾಯಕರೊಬ್ಬರು ಹೇಳಿದರು.</p><p>ಎಂಎನ್ಎಂ ಪಕ್ಷದವರು ನಮ್ಮ ಪಕ್ಷದ ಚಿಹ್ನೆಯಲ್ಲಿಯೇ ಸ್ಪರ್ಧಿಸಲಿ ಎನ್ನುತ್ತಿದೆ ಡಿಎಂಕೆ. ಆದರೆ, ಹೀಗೆ ಮಾಡಿದರೆ ನಮ್ಮ ಸ್ವಂತಿಕೆಗೆ ಹೊಡೆದ ಬೀಳಲಿದೆ ಎನ್ನುವುದು ಎಂಎನ್ಎಂ ಪ್ರತಿಕ್ರಿಯೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
