ದಳಪತಿ ವಿಜಯ್ ಅವರ ₹80 ಕೋಟಿ ಮೌಲ್ಯದ ಐಷಾರಾಮಿ ಬಂಗಲೆ ಹೀಗಿದೆ

ಚೆನ್ನೈ: ಕಾಲಿವುಡ್ನ ದಳಪತಿ ವಿಜಯ್ ಅವರು 2024ರ ಫೆಬ್ರುವರಿ 2ರಂದು ‘ತಮಿಳಗ ವೆಟ್ರಿ ಕಳಗಂ’ (ಟಿವಿಕೆ) ಪಕ್ಷವನ್ನು ಸ್ಥಾಪಿಸುವ ಮೂಲಕ ರಾಜಕೀಯಕ್ಕೆ ಪದಾರ್ಪಣೆ ಮಾಡಿದ್ದರು.

ಜಾತ್ಯತೀತ ಮತ್ತು ಸಮಾನತೆಯ ತತ್ವಗಳ ಆಧಾರದ ಮೇಲೆ 2026ರ ತಮಿಳುನಾಡು ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸುವುದು ಅವರ ಗುರಿಯಾಗಿತ್ತು. ಅದರಂತೆ ವಿಜಯ್ ಅವರ ತಮಿಳಗ ವೆಟ್ರಿ ಕಳಗಂ (ಟಿವಿಕೆ) ಪಕ್ಷವು ಗೆಲುವು ಸಾಧಿಸಿದೆ. ಈ ಮೂಲಕ 59 ವರ್ಷಗಳ ಡಿಎಂಕೆ-ಎಐಎಡಿಎಂಕೆ ಆಡಳಿತಕ್ಕೆ ಸವಾಲೆಸೆದು ಇತಿಹಾಸ ನಿರ್ಮಿಸಿದೆ.

.ದಳಪತಿ ವಿಜಯ್ ಭಾವಚಿತ್ರವಿರುವ ಸೀರೆ ತೊಟ್ಟು ಮಹಿಳೆಯ ಫೋಟೊಶೂಟ್.ದಳಪತಿ ವಿಜಯ್ ಜಯಕ್ಕೆ ಶುಭ ಹಾರೈಸಿದ ಶಿವಣ್ಣ. ಟಿವಿಕೆ ಮತ್ತು ಎಐಎಡಿಎಂಕೆ ನಡುವಿನ ಈ ರಾಜಕೀಯ ಜಿದ್ದಾಜಿದ್ದಿನ ನಡುವೆಯೇ, ಚೆನ್ನೈನಲ್ಲಿರುವ ವಿಜಯ್ ಅವರ ಐಷಾರಾಮಿ ನಿವಾಸದ ಹೊರಗೆ ಭದ್ರತೆಯನ್ನು ಹೆಚ್ಚಿಸಲಾಗಿದೆ. ವರದಿಯ ಪ್ರಕಾರ, ಸಮುದ್ರ ತೀರದಲ್ಲಿರುವ ವಿಜಯ್ ಅವರ ಈ ಬಂಗಲೆಯ ಮೌಲ್ಯ ಸುಮಾರು ₹70 ರಿಂದ ₹80 ಕೋಟಿ ಎಂದು ಅಂದಾಜಿಸಲಾಗಿದೆ.

. ವಿಜಯ್ ಅವರ ₹80 ಕೋಟಿಯ ಬಂಗಲೆ ಹೇಗಿದೆ?

ಚೆನ್ನೈನ ನೀಲಂಕಾರೈನಲ್ಲಿರುವ ಕ್ಯಾಸುರಿನಾ ಡ್ರೈವ್ ಸ್ಟ್ರೀಟ್ನಲ್ಲಿರುವ ಈ ನಿವಾಸವು ಬಂಗಾಳ ಕೊಲ್ಲಿಯ ಸುಂದರ ಕಡಲತೀರದಲ್ಲಿದೆ. ಈ ಪ್ರದೇಶವು ಅತ್ಯಂತ ದುಬಾರಿ ವಸತಿ ಪ್ರದೇಶವೆಂದು ಗುರುತಿಸಲ್ಪಟ್ಟಿದೆ. ಆಧುನಿಕ ವಿನ್ಯಾಸದ ಈ ಬಂಗಲೆಗೆ ಬೃಹತ್ ಗೇಟ್ ಅನ್ನು ಅಳವಡಿಸಲಾಗಿದ್ದು, ಮನೆಯ ಒಳಭಾಗದಲ್ಲಿ ಖಾಸಗಿ ಜಿಮ್, ಈಜುಕೊಳ ಮತ್ತು ಸುಂದರವಾದ ಉದ್ಯಾನವನವಿದೆ.

. ಇಂಟರನೆಟ್ನಲ್ಲಿ ಲಭ್ಯವಿರುವ ಕೆಲವು ಫೋಟೋಗಳ ಪ್ರಕಾರ, ಈ ಮನೆಯು ಸಂಪೂರ್ಣವಾಗಿ ಗಾಜಿನ ಕಿಟಕಿಗಳನ್ನು ಹೊಂದಿದೆ. ಇದು ಮನೆಗೆ ಸಾಕಷ್ಟು ನೈಸರ್ಗಿಕ ಬೆಳಕು ಬರುವಂತೆ ಮಾಡುತ್ತದೆ. ಮನೆಯ ಒಳಾಂಗಣ ಆಧುನಿಕ ಶೈಲಿಯ ವಿನ್ಯಾಸವನ್ನು ಒಳಗೊಂಡಿದೆ. ಐವರಿ ಸೋಫಾಗಳು, ಆಯ್ದ ಕಲಾಕೃತಿಗಳು ಮತ್ತು ಮರದ ಪ್ಯಾನೆಲಿಂಗ್ ಮನೆಯ ಅಂದವನ್ನು ಹೆಚ್ಚಿಸಿವೆ.

ವಿಜಯ್ ಅವರ ಬಳಿ ರೋಲ್ಸ್ ರಾಯ್ಸ್ ಘೋಸ್ಟ್, ಆಡಿ ಎ8 ಎಲ್, ಬಿಎಂಡಬ್ಲ್ಯು 7-ಸೀರೀಸ್, ಬಿಎಂಡಬ್ಲ್ಯು ಎಕ್ಸ್6, ಮರ್ಸಿಡಿಸ್ ಬೆಂಜ್ ಜಿಎಲ್ಎ, ಲ್ಯಾಂಡ್ ರೋವರ್ ರೇಂಜ್ ರೋವರ್ ಇವೊಕ್, ಬಿಎಂಡಬ್ಲ್ಯು-5 ಸಿರೀಸ್, ಫೋರ್ಡ್ ಮಸ್ಟಾಂಗ್, ವೋಲ್ವೋ ಎಕ್ಸ್ಸಿ 90, ಬೆಂಜ್ ಇ 350 ಡಿ, ಮುಂತಾದ ಐಷಾರಾಮಿ ಕಾರುಗಳಿವೆ.