₹ 11.24 ಕೋಟಿ ಮೌಲ್ಯದ ಸ್ವತ್ತುಗಳ ವಶ

‘₹ 1.39 ಕೋಟಿ ಮೌಲ್ಯದ 55,628 ಲೀಟರ್‌ ಮದ್ಯ, ₹ 19.74 ಲಕ್ಷ ಮೌಲ್ಯದ 20.30 ಕೆ.ಜಿ. ಮಾದಕವಸ್ತು, ₹ 6.72 ಕೋಟಿ ಮೌಲ್ಯದ 12.84 ಕೆ.ಜಿ. ಚಿನ್ನ, ₹ 6.68 ಲಕ್ಷ ಮೌಲ್ಯದ 11.60 ಕೆ.ಜಿ. ಬೆಳ್ಳಿ, ₹ 49 ಸಾವಿರ ಮೌಲ್ಯದ ಉಚಿತ ಕೊಡುಗೆಗಳನ್ನು ಮಂಗಳವಾರ ವಶಪಡಿಸಿಕೊಳ್ಳಲಾಗಿದೆ’ ಎಂದು ರಾಜ್ಯ ಮುಖ್ಯ ಚುನಾವಣಾಧಿಕಾರಿ ಮನೋಜ್‌ ಕುಮಾರ್‌ ಮೀನಾ ತಿಳಿಸಿದ್ದಾರೆ.

ಚುನಾವಣಾ ನೀತಿಸಂಹಿತೆ ಜಾರಿಯಾದ ದಿನದಿಂದ ಮಂಗಳವಾರದವರೆಗೆ ಒಟ್ಟು ₹ 323.09 ಕೋಟಿ ಮೌಲ್ಯದ ಸ್ವತ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಚುನಾವಣಾ ಅಕ್ರಮ ಆರೋಪದಡಿ 2,514 ಎಫ್‌ಐಆರ್‌ಗಳನ್ನು ದಾಖಲಿಸಲಾಗಿದೆ. ಅಬಕಾರಿ ಕಾಯ್ದೆ ಉಲ್ಲಂಘನೆ ಆರೋಪದಡಿ 30,132 ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.