ಸಚಿವ ಸಂಪುಟ ಪುನರಾಚನೆಯ ಕೂಗು: ಕಾಂಗ್ರೆಸ್ ಶಾಸಕರು ಇಂದು ದೆಹಲಿಗೆ

ಅಶೋಕ ಪಟ್ಟಣ ಅವರ ನೇತೃತ್ವದಲ್ಲಿ ಟಿ.ಬಿ. ಜಯಚಂದ್ರ, ಎನ್.ಎಚ್. ಕೋನರಡ್ಡಿ ಸೇರಿದಂತೆ 20ಕ್ಕೂ ಹೆಚ್ಚು ಕಾಂಗ್ರೆಸ್ ಶಾಸಕರು ಹೈಕಮಾಂಡ್ ಭೇಟಿಗಾಗಿ ದೆಹಲಿಗೆ ತೆರಳುತ್ತಿದ್ದಾರೆ.

ಸಂಪುಟದಲ್ಲಿ ಮೂರು ವರ್ಷ ಪೂರೈಸಿರುವ ಹಿನ್ನೆಲೆಯಲ್ಲಿ, ಮುಂದಿನ ಎರಡು ವರ್ಷಗಳ ರಾಜಕೀಯ ಅನಿವಾರ್ಯತೆ ಗಮನಿಸಿ ಹೊಸ ಶಾಸಕರಿಗೆ ಅವಕಾಶ ನೀಡಬೇಕೆಂದು ಹಿರಿಯರು ಒತ್ತಾಯಿಸುತ್ತಿದ್ದಾರೆ.

ಸಚಿವಾಲಯದಲ್ಲಿ ಕಳಪೆ ಸಾಧನೆ ತೋರಿದವರನ್ನು ಕೈಬಿಟ್ಟು, ಕನಿಷ್ಠ 20ರಿಂದ 25 ಹೊಸ ಮುಖಗಳಿಗೆ ಸ್ಥಾನ ಕಲ್ಪಿಸುವಂತೆ ಶಾಸಕರು ಹೈಕಮಾಂಡ್ ಅನ್ನು ಆಗ್ರಹಿಸಲಿದ್ದಾರೆ.

ಶಾಸಕರ ದೆಹಲಿ ಭೇಟಿಯ ವಿಚಾರವನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಗಮನಕ್ಕೆ ತರಲಾಗಿದ್ದು, ಅವರು ಈ ಪ್ರಕ್ರಿಯೆಗೆ ಸಮ್ಮತಿ ಸೂಚಿಸಿದ್ದಾರೆ.

2028ರ ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದ ಗೆಲುವಿಗಾಗಿ ಈಗಲೇ ಸಂಪುಟ ಪುನರಾಚನೆ ಮಾಡುವುದು ಅಗತ್ಯ ಎಂದು ಶಾಸಕರು ವಾದಿಸುತ್ತಿದ್ದಾರೆ.