ಅರಸು, ದೇವೇಗೌಡ, ಬಿಎಸ್‌ವೈ: ಅವಧಿಗೂ ಮುನ್ನ ರಾಜೀನಾಮೆ ನೀಡಿದ ಮುಖ್ಯಮಂತ್ರಿಗಳಿವರು

ಪಕ್ಷದೊಳಗೆ ಉಂಟಾದ ಭಿನ್ನಮತ ಹಾಗೂ ಹೈಕಮಾಂಡ್ ಸೂಚನೆಗಳ ಕಾರಣದಿಂದ ನಿಜಲಿಂಗಪ್ಪ, ಡಿ. ದೇವರಾಜ ಅರಸು ಮತ್ತು ಬಂಗಾರಪ್ಪನಂತಹ ನಾಯಕರು ಅಧಿಕಾರ ಕಳೆದುಕೊಳ್ಳಬೇಕಾಯಿತು.

ಮೈತ್ರಿ ಸರ್ಕಾರಗಳಲ್ಲಿನ ಅಪನಂಬಿಕೆ ಮತ್ತು ಶಾಸಕರ ರಾಜೀನಾಮೆಗಳಿಂದ ಧರಂ ಸಿಂಗ್, ಎಚ್.ಡಿ. ಕುಮಾರಸ್ವಾಮಿ ಮುಂತಾದವರ ಸರ್ಕಾರಗಳು ಅವಧಿಗೂ ಮುನ್ನವೇ ಪತನಗೊಂಡವು.

1996ರಲ್ಲಿ ಎಚ್.ಡಿ. ದೇವೇಗೌಡರು ಯುನೈಟೆಡ್ ಫ್ರಂಟ್‌ನ ಬೆಂಬಲದೊಂದಿಗೆ ಭಾರತದ ಪ್ರಧಾನ ಮಂತ್ರಿಯಾಗಲು ಆಯ್ಕೆಯಾದಾಗ, ಸಿಎಂ ಸ್ಥಾನಕ್ಕೆ ರಾಜೀನಾಮೆ ನೀಡಿದರು.

ದೂರವಾಣಿ ಕದ್ದಾಲಿಕೆ ಆರೋಪದ ಮೇಲೆ ರಾಮಕೃಷ್ಣ ಹೆಗಡೆ ಮತ್ತು ಭ್ರಷ್ಟಾಚಾರದ ಆರೋಪಗಳ ಹಿನ್ನೆಲೆಯಲ್ಲಿ ಬಿ.ಎಸ್. ಯಡಿಯೂರಪ್ಪನವರು ನೈತಿಕ ಹೊಣೆ ಹೊತ್ತು ಹುದ್ದೆಯಿಂದ ಕೆಳಗಿಳಿಯಬೇಕಾಯಿತು.

ಕೋಮು ಸಂಘರ್ಷ ಅಥವಾ ಪಕ್ಷದ ವರಿಷ್ಠರ ನೇರ ಹಸ್ತಕ್ಷೇಪದಂತಹ ಘಟನೆಗಳು ವೀರೇಂದ್ರ ಪಾಟೀಲ್ ಹಾಗೂ ಇತರ ನಾಯಕರ ರಾಜೀನಾಮೆಗೆ ಮುಖ್ಯ ಕಾರಣಗಳಾದವು.