ಅನುಭವ ಮಂಟಪ| ಕೆಪಿಎಸ್‌ಸಿ: ಪ್ರತಿ ವರ್ಷ ಪರೀಕ್ಷೆ ನಡೆಸುವುದೇ ಪರಿಹಾರ

ಯುಪಿಎಸ್‌ಸಿಯ ಪರೀಕ್ಷೆಗಳು ಕಠಿಣವಾಗಿದ್ದರೂ, ಪ್ರತಿ ವರ್ಷ ಪರೀಕ್ಷೆಗಳು ನಡೆಯುತ್ತವೆ. ಯಶಸ್ಸು ಕಂಡರೆ, ಉನ್ನತ ಸರ್ಕಾರಿ ನೌಕರಿ ಖಚಿತ. ಆದರೆ, ಕೆಪಿಎಸ್‌ಸಿಯಲ್ಲಿರುವುದು ಸೀಮಿತ ಅವಕಾಶಗಳು, ಸೀಮಿತ ಹುದ್ದೆಗಳು. ಹುದ್ದೆಗಳಿಗೆ ಬೇಡಿಕೆ ಹೆಚ್ಚಿರುತ್ತದೆ. ಆದರೆ, ನೇಮಕಾತಿ ಅಧಿಸೂಚನೆ ಎಂದು ಹೊರಬೀಳುತ್ತದೆ ಎನ್ನುವುದು, ಮುಂದಿನ ನೇಮಕಾತಿ–ಪರೀಕ್ಷೆ ಎಂದು ನಡೆಯುತ್ತದೆ ಎನ್ನುವುದು ಅನಿಶ್ಚಿತವಾಗಿರುತ್ತದೆ. ಕೆಪಿಎಸ್‌ಸಿಯನ್ನು ಕಾಡುತ್ತಿರುವ ಸಮಸ್ಯೆಗಳು ಸಾಮಾಜಿಕ ನಿರೀಕ್ಷೆ ಮತ್ತು ಮಾನಸಿಕ ಒತ್ತಡಗಳ ಸಮ್ಮಿಶ್ರಣವಾಗಿವೆ.