ಕಾಂಗ್ರೆಸ್ ವಿವಿಧ ಘಟಕಗಳಿಗೆ ಸಂದರ್ಶನ ನಡೆಸಿ ಅಧ್ಯಕ್ಷರ ಆಯ್ಕೆ

ರಾಜ್ಯ ಘಟಕದ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿ ಅತೀ ಹೆಚ್ಚು ಮತಗಳನ್ನು ಪಡೆದ ಮೂವರನ್ನು ಎಐಸಿಸಿ ಪ್ರತಿನಿಧಿಗಳು ಸಂದರ್ಶನ ನಡೆಸಿ ಒಬ್ಬರನ್ನು ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಿದ್ದಾರೆ. ಉಳಿದ ಇಬ್ಬರಿಗೆ ಅಧ್ಯಕ್ಷರ ನಂತರದ ಸ್ಥಾನದ ಹೊಣೆ ನೀಡಲಾಗುತ್ತದೆ.

ಅಧ್ಯಕ್ಷ ಸ್ಥಾನಕ್ಕೆ ಎಚ್.ಎಸ್. ಮಂಜುನಾಥ ಗೌಡ, ದೀಪಿಕಾ ರೆಡ್ಡಿ, ಅಬ್ದುಲ್ ದೇಸಾಯಿ ಸೇರಿ 14 ಮಂದಿ ಸ್ಪರ್ಧೆಯಲ್ಲಿದ್ದಾರೆ. ರಾಜ್ಯ ಘಟಕದಲ್ಲಿ 47 ಪ್ರಧಾನ ಕಾರ್ಯದರ್ಶಿಗಳ ಸ್ಥಾನವಿದ್ದು, 170 ಮಂದಿ ಸ್ಪರ್ಧೆಯಲ್ಲಿದ್ದಾರೆ. ಜೊತೆಗೆ, 41 ಜಿಲ್ಲಾ ಘಟಕ, 224 ವಿಧಾನಸಭಾ ಕ್ಷೇತ್ರ ಘಟಕ, 464 ಬ್ಲಾಕ್ ಘಟದ ಅಧ್ಯಕ್ಷ ಸ್ಥಾನಗಳಿಗೂ ಮತದಾನ ನಡೆದಿದೆ.

ಪ್ರಾಥಮಿಕ ಮಾಹಿತಿ ಪ್ರಕಾರ 25,84,770 ಮಂದಿ ಯುವ ಕಾಂಗ್ರೆಸ್ ಸದಸ್ಯತ್ವ ಪಡೆಯುವ ಜೊತೆಗೆ ಮತದಾನ ಪ್ರಕ್ರಿಯೆಯಲ್ಲಿಯೂ ಭಾಗವಹಿಸಿದ್ದಾರೆ. ಮುಂದಿನ ಒಂದು ತಿಂಗಳಲ್ಲಿ ಸದಸ್ಯತ್ವ ಪಡೆದವರ ದಾಖಲೆ ಪರಿಶೀಲನೆ ನಡೆಯಲಿದೆ. ಚುನಾವಣೆ ಆಯೋಗ ನೀಡಿದ ಮತದಾರರ ಗುರುತಿನ ಚೀಟಿ, ಸದಸ್ಯತ್ವ ಪಡೆದವರ ಭಾವಚಿತ್ರ, ಹುಟ್ಟಿದ ದಿನ ಎಲ್ಲವನ್ನೂ ಪರಿಶೀಲಿಸಿ ಸದಸ್ಯತ್ವ ಪಟ್ಟಿ ಸಿದ್ಧಪಡಿಸಲಾಗುವುದು ಎಂದು ಯುವ ಕಾಂಗ್ರೆಸ್‌ ಮೂಲಗಳು ತಿಳಿಸಿವೆ.