ಬಮಾಕೊ, ಮಾಲಿ: ಪಶ್ಚಿಮ ಆಫ್ರಿಕಾದ ಮಾಲಿ ದೇಶದ ದಿಯಾ, ದಿಯಾಫರಾಬೆ ಗ್ರಾಮಗಳು ಹಾಗೂ ಕೌಮಾರಾ, ಮಸಿನಾ ಪಟ್ಟಣಗಳ ಮೇಲೆ ಇಸ್ಲಾಮಿಕ್ ಉಗ್ರಗಾಮಿಗಳು ನಡೆಸಿದ ಸಂಘಟಿತ ದಾಳಿಗಳಲ್ಲಿ 14 ಸೈನಿಕರು ಮೃತಪಟ್ಟು12ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ ಎಂದು ಸೇನೆ ತಿಳಿಸಿದೆ.
ಈ ಎಲ್ಲ ಸ್ಥಳಗಳಲ್ಲಿ ಸುಧಾರಿತ ಸ್ಫೋಟಕ ಸಾಧನಗಳನ್ನು ಸ್ಫೋಟಿಸಲಾಗಿದೆ ಎಂದು ಸೇನೆಯ ಸಾರ್ವಜನಿಕ ಸಂಪರ್ಕದ ನಿರ್ದೇಶಕ ಕರ್ನಲ್ ಸೌಲೆಮನೆ ಡೆಂಬೆಲೆ ಬುಧವಾರ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಈ ವಾರದ ಆರಂಭದಲ್ಲಿ ನಡೆದ ಇದೇ ಮಾದರಿಯ ದಾಳಿಯಲ್ಲಿ, ಮಾಲಿಯ ಪಡೆಗಳು 30ಕ್ಕೂ ಹೆಚ್ಚು ಭಯೋತ್ಪಾದಕರನ್ನು ಹತ್ಯೆಮಾಡಿದ್ದವು.