ಢಾಕಾ: ಬಾಂಗ್ಲಾದೇಶದ ಮಾಜಿ ಸ್ಪೀಕರ್ ಶಿರಿನ್ ಶರ್ಮಿನ್ ಚೌಧರಿ (46) ಮತ್ತು ಮಾಜಿ ಸಚಿವ ಟಿಪು ಮುನ್ಷಿ (74) ಅವರನ್ನು ಚಿನ್ನಾಭರಣ ತಯಾರಕರೊಬ್ಬರ ಕೊಲೆ ಪ್ರಕರಣದಲ್ಲಿ ಬಂಧಿಸಲಾಗಿದೆ ಎಂದು ಮಾಧ್ಯಮಗಳು ಗುರುವಾರ ವರದಿ ಮಾಡಿವೆ.
ಮೀಸಲು ಕೋಟಾ ವಿಷಯಕ್ಕೆ ಸಂಬಂಧಿಸಿದಂತೆ ಬಾಂಗ್ಲಾದೇಶದಲ್ಲಿ ನಡೆದ ಹಿಂಸಾಚಾರದ ಸಂದರ್ಭದಲ್ಲಿ ಚಿನ್ನಾಭರಣ ತಯಾರಕ ಮುಸ್ಲಿಂ ಉದ್ದೀನ್ ಮಿಲೋನ್ (38) ಅವರ ಕೊಲೆಯಾಗಿತ್ತು. ಈ ಸಂಬಂಧ ಸ್ಪೀಕರ್, ಮಾಜಿ ಸಚಿವ ಸೇರಿದಂತೆ 17 ಜನರ ವಿರುದ್ಧ ಪ್ರಕರಣ ದಾಖಲಾಗಿದೆ.
ಶಿರಿನ್ ಶರ್ಮಿನ್ ಚೌಧರಿ ಅವರು ಬಾಂಗ್ಲಾದೇಶದ ಮೊದಲ ಮಹಿಳಾ ಸ್ಪೀಕರ್ ಆಗಿ 2013ರಿಂದ 2024ರ ಆಗಸ್ಟ್ವರೆಗೆ ಕಾರ್ಯ ನಿರ್ವಹಿಸಿದ್ದರು.
