ಹೊರ್ಮುಜ್‌ ಮಾದರಿಯಲ್ಲೇ ಬಬ್‌–ಎಲ್‌–ಮಂಡೇಬ್‌ ಜಲಸಂಧಿಯಲ್ಲೂ ಕಾರ್ಯಾಚರಣೆ ನಡೆಸಲು ಹುಥಿ ಬಂಡುಕೋರರಿಗೆ ಇರಾನ್ ಉತ್ತೇಜನ ನೀಡುತ್ತದೆ. ಬಬ್‌–ಎಲ್‌–ಮಂಡೇಬ್‌ ಜಲಸಂಧಿಯು ಕಿರಿದಾದ ಸ್ಥಳದಲ್ಲಿ ಕೇವಲ 30 ಕಿಲೋಮೀಟರ್ ಅಗಲವಿದೆ. ಇದು ಮೆಡಿಟರೇನಿಯನ್ ಸಮುದ್ರ ಮತ್ತು ಹಿಂದೂ ಮಹಾಸಾಗರವನ್ನು ಸಂಪರ್ಕಿಸುವ ಪ್ರಮುಖ ಕೊಂಡಿಯಾಗಿದೆ. ಸೌದಿ ಅರೇಬಿಯಾದಿಂದ ನೆದರ್ಲ್ಯಾಂಡ್‌ಗೆ ಹೋಗುವ ತೈಲ ಟ್ಯಾಂಕರ್ ಕೆಂಪು ಸಮುದ್ರದ ಮೂಲಕ ಹೋದರೆ 12,000 ಕಿ.ಮೀ ಪ್ರಯಾಣಿಸಬೇಕು. ಆದರೆ, ಈ ಮಾರ್ಗ ಮುಚ್ಚಲ್ಪಟ್ಟರೆ, ಆಫ್ರಿಕಾ ಖಂಡವನ್ನು ಸುತ್ತಿಕೊಂಡು ನೌಕೆಗಳು 20,000 ಕಿ.ಮೀಗೂ ಹೆಚ್ಚು ದೂರ ಕ್ರಮಿಸಬೇಕಾಗುತ್ತದೆ.