ಇರಾನ್ ಸೇನೆ, ರಾಜತಾಂತ್ರಿಕ ನಿಯೋಗಗಳ ಮೇಲೆ ಐಆರ್‌ಜಿಸಿ ಹಿಡಿತ!

ಮೇಜರ್ ಜನರಲ್ ಅಹ್ಮದ್ ವಾಹಿದಿ ನೇತೃತ್ವದ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್‌ ಕೋರ್‌ (ಐಆರ್‌ಜಿಸಿ), ಇರಾನ್‌ನ ಪ್ರಮುಖ ಸೇನಾ ಮತ್ತು ರಾಜತಾಂತ್ರಿಕ ವ್ಯವಸ್ಥೆಗಳ ಮೇಲೆ ಸಂಪೂರ್ಣ ನಿಯಂತ್ರಣವನ್ನು ಪಡೆದುಕೊಂಡಿದೆ.

ಅಮೆರಿಕದೊಂದಿಗಿನ ಶಾಂತಿ ಮಾತುಕತೆಗಳನ್ನು ರದ್ದುಗೊಳಿಸಲು ಇರಾನ್ ನಿರ್ಧರಿಸಿದೆ ಮತ್ತು ಹೊರ್ಮುಜ್ ಜಲಸಂಧಿಯ ಮೇಲೆ ಕಠಿಣ ನಿಲುವು ತಳೆದಿದೆ.

ವಿದೇಶಾಂಗ ಸಚಿವ ಸೈಯದ್ ಅಬ್ಬಾಸ್‌ ಅರಾಗ್ಚಿ ಅವರಂತಹ ಮಂದಗಾಮಿ ನಾಯಕರನ್ನು ಅಧಿಕಾರದಿಂದ ಮೂಲೆಗುಂಪು ಮಾಡಲಾಗಿದ್ದು, ಕಠಿಣಪಂಥೀಯರ ಪ್ರಭಾವ ಹೆಚ್ಚಾಗಿದೆ.

ಹಡಗುಗಳನ್ನು ಗುರಿಯಾಗಿಸುವ ಮೂಲಕ ಜಲಸಂಧಿಯನ್ನು ದಿಗ್ಬಂಧನಕ್ಕೊಳಪಡಿಸಿರುವುದು ಪ್ರಾದೇಶಿಕ ಭದ್ರತೆಯಲ್ಲಿ ಹೆಚ್ಚಿನ ಅನಿಶ್ಚಿತತೆಯನ್ನು ಮೂಡಿಸಿದೆ.

ಅಯಾತೊಲ್ಲಾ ಅಲಿ ಖಮೇನಿ ಅವರ ಪುತ್ರ ಮೊಜ್ತಾಬಾ ಖಮೇನಿ ಅವರೊಂದಿಗೆ ವಾಹಿದಿ ಈಗ ಇರಾನ್‌ನ ಪ್ರಮುಖ ನಿರ್ಧಾರ ತೆಗೆದುಕೊಳ್ಳುವ ವ್ಯಕ್ತಿಗಳಾಗಿ ಹೊರಹೊಮ್ಮಿದ್ದಾರೆ.