<p><strong>ನವದೆಹಲಿ</strong>: ಇರಾನ್ನಿಂದ ತೈಲ ಹೊತ್ತು ಸಾಗುತ್ತಿದ್ದ ಟ್ಯಾಂಕರ್ ಸಂಚಾರದ ಮಧ್ಯದಲ್ಲಿ ದಿಢೀರ್ ಮಾರ್ಗ ಬದಲಿಸಿದ್ದು, ಚೀನಾ ಕಡೆಗೆ ಹೊರಟಿದೆ. ಕಳೆದ 7 ವರ್ಷಗಳಲ್ಲಿ ಮೊದಲ ಬಾರಿಗೆ ಈ ರೀತಿಯಾಗಿದ್ದು, ಇರಾನ್ನಿಂದ ತೈಲ ಸರಬರಾಜಿನ ಸವಾಲನ್ನು ಎತ್ತಿ ತೋರಿಸುತ್ತಿದೆ ಎಂದು ವರದಿ ತಿಳಿಸಿದೆ.</p><p>2002ರಲ್ಲಿ ತಯಾರಿಸಲಾದ 80,000 ಟನ್ನಿಂದ 1,20,000 ಟನ್ವರೆಗೆ ಸರಕು ಸಾಗಣೆ ಸಾಮರ್ಥ್ಯದ ‘ಪಿಂಗ್ ಶನ್’ ಎಂಬ ಹೆಸರಿನ ಹಡಗು ಇದಾಗಿದ್ದು, ಭಾರತದ ಕಡೆ ಹೊರಟಿದ್ದ ಆ ಹಡಗು ಈಗ ಚೀನಾದ ಡೊಂಗ್ಯಿಂಗ್ ಬಳಿ ಸಂಚಾರ ನಡೆಸುತ್ತಿದೆ.</p><p>ಹಡಗು ಗುಜರಾತ್ನ ವಡೀನಾರ್ಗೆ ತೆರಳಬೇಕಿತ್ತು. ಪ್ರಯಾಣ ಆರಂಭವಾದಾಗ ಭಾರತದ ಕಡೆಗೆ ಸಂಚರಿಸುವ ಸಂಕೇತ ತೋರಿಸಿತ್ತು ಎಂದು ಶಿಪ್ ಟ್ರ್ಯಾಕಿಂಗ್ ಸಂಸ್ಥೆ ಕೆಪ್ಲರ್ ಹೇಳಿದೆ.</p><p>ವಾಣಿಜ್ಯ ಹಡಗುಗಗಳಲ್ಲಿ ಟ್ರ್ಯಾಕಿಂಗ್ ವ್ಯವಸ್ಥೆ ಅಳವಡಿಕೆಯನ್ನು ಕಡ್ಡಾಯಗೊಳಿಸಲಾಗಿದ್ದು, ಸದ್ಯ ಈ ಹಡಗು ಮತ್ತೆ ಮಾರ್ಗ ಬದಲಿಸುವ ಸೂಚನೆ ಇಲ್ಲ ಎಂದು ವರದಿ ತಿಳಿಸಿದೆ.</p><p>‘ಕಳೆದ ಮೂರು ದಿನಗಳಿಂದ ಭಾರತದ ವಡೀನಾರ್ಗೆ ಹೊರಟಿದ್ದ ಇರಾನ್ ಮೂಲದ ಕಚ್ಚಾ ತೈಲ ಸಾಗಣೆಯ ಹಡಗು ‘ಪಿಂಗ್ ಶನ್’ ಗಮ್ಯಸ್ಥಾನಕ್ಕೆ ಸ್ವಲ್ಪ ದೂರದಲ್ಲಿರುವಾಗಲೇ ಮಾರ್ಗ ಬದಲಿಸಿ ಚೀನಾ ಕಡೆಗೆ ಹೊರಟಿದೆ’ ಎಂದು ಕೆಪ್ಲರ್ನ ಮುಖ್ಯ ಸಂಶೋಧನಾ ವಿಶ್ಲೇಷಕ ಸುಮಿತ್ ರಿಟೋಲಿಯಾ ತಿಳಿಸಿದ್ದಾರೆ.</p><p>ವಿವಿಧ ದೇಶಗಳಿಂದ ತೈಲ ಖರೀದಿಗೆ ಇದ್ದ ನಿರ್ಬಂಧದ ಮೇಲೆ ಅಮೆರಿಕ ಇತ್ತೀಚೆಗೆ ವಿನಾಯಿತಿ ಘೋಷಿಸಿದ ಬಳಿಕ 2019ರಿಂದ ಇದೇ ಮೊದಲ ಬಾರಿಗೆ ಪಿಂಗ್ ಶನ್ ಹಡಗಿನ ಮೂಲಕ ಭಾರತವು ತೈಲ ಖರೀದಿ ಮಾಡಿದಂತಿದೆ ಎಂದು ವರದಿ ತಿಳಿಸಿದೆ. </p><p>ರಿಟೋಲಿಯಾ ಅವರ ಪ್ರಕಾರ, ತೈಲ ಖರೀದಿದಾರರು ಪಾವತಿ ನಿಯಮಗಳಲ್ಲಿ ಬದಲಾವಣೆ ಮಾಡಿಕೊಂಡಿರುವುದರಿಂದ ಹಡಗು ಮಾರ್ಗ ಬದಲಿಸಿದಂತೆ ಕಾಣುತ್ತಿದೆ. ಆದರೆ, ತೈಲ ಖರೀದಿದಾರರು ಮತ್ತು ಮಾರಾಟಗಾರರ ಮಾಹಿತಿ ಲಭ್ಯವಾಗಿಲ್ಲ.</p><p>ವಡೀನಾರ್ ನಗರವು ರಷ್ಯಾದ ತೈಲ ದೈತ್ಯ ರೋಸ್ನೆಫ್ಟ್ ಬೆಂಬಲಿತ ನಯಾರಾ ಎನರ್ಜಿ ತೈಲ ಸಂಸ್ಕರಣಾಗಾರದ ನೆಲೆಯಾಗಿದ್ದು, ವರ್ಷಕ್ಕೆ 20 ಮಿಲಿಯನ್ ಟನ್ ತೈಲ ಸಂಸ್ಕರಣೆ ಮಾಡಲಾಗುತ್ತದೆ.</p><p>ಈ ರೀತಿ ತೈಲ ಹಡಗಿನ ಮಾರ್ಗ ಬದಲಾವಣೆಯು ಸಾಮಾನ್ಯವಲ್ಲ. ಜಾಗತಿಕ ಉದ್ವಿಗ್ನತೆ ನಡುವೆ ಸರಬರಾಜು ಮತ್ತು ಪಾವತಿ ವ್ಯವಸ್ಥೆಯ ಗೊಂದಲದಿಂದಾಗಿ ಈ ಬದಲಾವಣೆ ಆದಂತಿದೆ ಎಂದು ಅವರು ಹೇಳಿದ್ದಾರೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಇರಾನ್ನಿಂದ ತೈಲ ಹೊತ್ತು ಸಾಗುತ್ತಿದ್ದ ಟ್ಯಾಂಕರ್ ಸಂಚಾರದ ಮಧ್ಯದಲ್ಲಿ ದಿಢೀರ್ ಮಾರ್ಗ ಬದಲಿಸಿದ್ದು, ಚೀನಾ ಕಡೆಗೆ ಹೊರಟಿದೆ. ಕಳೆದ 7 ವರ್ಷಗಳಲ್ಲಿ ಮೊದಲ ಬಾರಿಗೆ ಈ ರೀತಿಯಾಗಿದ್ದು, ಇರಾನ್ನಿಂದ ತೈಲ ಸರಬರಾಜಿನ ಸವಾಲನ್ನು ಎತ್ತಿ ತೋರಿಸುತ್ತಿದೆ ಎಂದು ವರದಿ ತಿಳಿಸಿದೆ.</p><p>2002ರಲ್ಲಿ ತಯಾರಿಸಲಾದ 80,000 ಟನ್ನಿಂದ 1,20,000 ಟನ್ವರೆಗೆ ಸರಕು ಸಾಗಣೆ ಸಾಮರ್ಥ್ಯದ ‘ಪಿಂಗ್ ಶನ್’ ಎಂಬ ಹೆಸರಿನ ಹಡಗು ಇದಾಗಿದ್ದು, ಭಾರತದ ಕಡೆ ಹೊರಟಿದ್ದ ಆ ಹಡಗು ಈಗ ಚೀನಾದ ಡೊಂಗ್ಯಿಂಗ್ ಬಳಿ ಸಂಚಾರ ನಡೆಸುತ್ತಿದೆ.</p><p>ಹಡಗು ಗುಜರಾತ್ನ ವಡೀನಾರ್ಗೆ ತೆರಳಬೇಕಿತ್ತು. ಪ್ರಯಾಣ ಆರಂಭವಾದಾಗ ಭಾರತದ ಕಡೆಗೆ ಸಂಚರಿಸುವ ಸಂಕೇತ ತೋರಿಸಿತ್ತು ಎಂದು ಶಿಪ್ ಟ್ರ್ಯಾಕಿಂಗ್ ಸಂಸ್ಥೆ ಕೆಪ್ಲರ್ ಹೇಳಿದೆ.</p><p>ವಾಣಿಜ್ಯ ಹಡಗುಗಗಳಲ್ಲಿ ಟ್ರ್ಯಾಕಿಂಗ್ ವ್ಯವಸ್ಥೆ ಅಳವಡಿಕೆಯನ್ನು ಕಡ್ಡಾಯಗೊಳಿಸಲಾಗಿದ್ದು, ಸದ್ಯ ಈ ಹಡಗು ಮತ್ತೆ ಮಾರ್ಗ ಬದಲಿಸುವ ಸೂಚನೆ ಇಲ್ಲ ಎಂದು ವರದಿ ತಿಳಿಸಿದೆ.</p><p>‘ಕಳೆದ ಮೂರು ದಿನಗಳಿಂದ ಭಾರತದ ವಡೀನಾರ್ಗೆ ಹೊರಟಿದ್ದ ಇರಾನ್ ಮೂಲದ ಕಚ್ಚಾ ತೈಲ ಸಾಗಣೆಯ ಹಡಗು ‘ಪಿಂಗ್ ಶನ್’ ಗಮ್ಯಸ್ಥಾನಕ್ಕೆ ಸ್ವಲ್ಪ ದೂರದಲ್ಲಿರುವಾಗಲೇ ಮಾರ್ಗ ಬದಲಿಸಿ ಚೀನಾ ಕಡೆಗೆ ಹೊರಟಿದೆ’ ಎಂದು ಕೆಪ್ಲರ್ನ ಮುಖ್ಯ ಸಂಶೋಧನಾ ವಿಶ್ಲೇಷಕ ಸುಮಿತ್ ರಿಟೋಲಿಯಾ ತಿಳಿಸಿದ್ದಾರೆ.</p><p>ವಿವಿಧ ದೇಶಗಳಿಂದ ತೈಲ ಖರೀದಿಗೆ ಇದ್ದ ನಿರ್ಬಂಧದ ಮೇಲೆ ಅಮೆರಿಕ ಇತ್ತೀಚೆಗೆ ವಿನಾಯಿತಿ ಘೋಷಿಸಿದ ಬಳಿಕ 2019ರಿಂದ ಇದೇ ಮೊದಲ ಬಾರಿಗೆ ಪಿಂಗ್ ಶನ್ ಹಡಗಿನ ಮೂಲಕ ಭಾರತವು ತೈಲ ಖರೀದಿ ಮಾಡಿದಂತಿದೆ ಎಂದು ವರದಿ ತಿಳಿಸಿದೆ. </p><p>ರಿಟೋಲಿಯಾ ಅವರ ಪ್ರಕಾರ, ತೈಲ ಖರೀದಿದಾರರು ಪಾವತಿ ನಿಯಮಗಳಲ್ಲಿ ಬದಲಾವಣೆ ಮಾಡಿಕೊಂಡಿರುವುದರಿಂದ ಹಡಗು ಮಾರ್ಗ ಬದಲಿಸಿದಂತೆ ಕಾಣುತ್ತಿದೆ. ಆದರೆ, ತೈಲ ಖರೀದಿದಾರರು ಮತ್ತು ಮಾರಾಟಗಾರರ ಮಾಹಿತಿ ಲಭ್ಯವಾಗಿಲ್ಲ.</p><p>ವಡೀನಾರ್ ನಗರವು ರಷ್ಯಾದ ತೈಲ ದೈತ್ಯ ರೋಸ್ನೆಫ್ಟ್ ಬೆಂಬಲಿತ ನಯಾರಾ ಎನರ್ಜಿ ತೈಲ ಸಂಸ್ಕರಣಾಗಾರದ ನೆಲೆಯಾಗಿದ್ದು, ವರ್ಷಕ್ಕೆ 20 ಮಿಲಿಯನ್ ಟನ್ ತೈಲ ಸಂಸ್ಕರಣೆ ಮಾಡಲಾಗುತ್ತದೆ.</p><p>ಈ ರೀತಿ ತೈಲ ಹಡಗಿನ ಮಾರ್ಗ ಬದಲಾವಣೆಯು ಸಾಮಾನ್ಯವಲ್ಲ. ಜಾಗತಿಕ ಉದ್ವಿಗ್ನತೆ ನಡುವೆ ಸರಬರಾಜು ಮತ್ತು ಪಾವತಿ ವ್ಯವಸ್ಥೆಯ ಗೊಂದಲದಿಂದಾಗಿ ಈ ಬದಲಾವಣೆ ಆದಂತಿದೆ ಎಂದು ಅವರು ಹೇಳಿದ್ದಾರೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
