ಅಮೆರಿಕ ಸೇನಾ ನೆಲೆಗಳ ಮೇಲೆ ದಾಳಿಗೆ ಚೀನಾದ ಗೂಢಾಚಾರ ಉಪಗ್ರಹ ಬಳಸಿದ್ದ ಇರಾನ್!

ಇರಾನ್‌ನ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC), ಚೀನಾದ ಅರ್ಥ್ ಐ ಕಂಪನಿಯ 'TEE-01B' ಎಂಬ ಗೂಢಚಾರ ಉಪಗ್ರಹವನ್ನು ಪಡೆದುಕೊಂಡಿದೆ.

ಇರಾನ್ ಸೌದಿ ಅರೇಬಿಯಾ, ಬಹರೇನ್, ಜೋರ್ಡಾನ್ ಮತ್ತು ಇರಾಕ್‌ನಲ್ಲಿರುವ ಅಮೆರಿಕದ ಪ್ರಮುಖ ಸೇನಾ ನೆಲೆಗಳ ಚಲನವಲನಗಳನ್ನು ಪತ್ತೆಹಚ್ಚಲು ಈ ಉಪಗ್ರಹವನ್ನು ಬಳಸಿದೆ.

ಮಾರ್ಚ್ ತಿಂಗಳಲ್ಲಿ ನಡೆದ ಡ್ರೋನ್ ಮತ್ತು ಕ್ಷಿಪಣಿ ದಾಳಿಗಳಿಗೂ ಮುನ್ನ ಹಾಗೂ ನಂತರದ ಸೂಕ್ಷ್ಮ ಚಿತ್ರಗಳನ್ನು ಈ ಉಪಗ್ರಹದ ಮೂಲಕ ಸೆರೆಹಿಡಿಯಲಾಗಿದೆ.

ಚೀನಾ 'ಇನ್-ಆರ್ಬಿಟ್ ಡೆಲಿವರಿ' ಮಾದರಿಯನ್ನು ಅನುಸರಿಸಿ, ಕಕ್ಷೆಗೆ ಸೇರಿದ ಬಾಹ್ಯಾಕಾಶ ನೌಕೆಯನ್ನು ನೇರವಾಗಿ ಇರಾನ್‌ನಂತಹ ವಿದೇಶಿ ಗ್ರಾಹಕರಿಗೆ ಹಸ್ತಾಂತರಿಸಿದೆ.

ಸೇನಾ ನೆಲೆಗಳಲ್ಲದೆ, ಯುಎಇಯ ಕಂಟೈನರ್ ಪೋರ್ಟ್ ಮತ್ತು ಬಹರೇನ್‌ನಂತಹ ದೇಶಗಳ ಪ್ರಮುಖ ನಾಗರಿಕ ಮೂಲಸೌಕರ್ಯಗಳ ಮೇಲೂ ಈ ಉಪಗ್ರಹ ನಿಗಾ ಇರಿಸಿದೆ.