ಅವಳು ಯುದ್ಧದಲ್ಲಿಯೇ ಹುಟ್ಟಿದಳು, ಯುದ್ಧದಲ್ಲಿಯೇ ಸತ್ತಳು!

ಬೆಂಗಳೂರು : ಯುದ್ಧದ ಭೀಕರತೆಗೆ ಕೊನೆಯೇ ಇಲ್ಲ ಎಂಬುದನ್ನು ಇತಿಹಾಸ ಪದೇ ಪದೇ ಪಾಠ ಕಲಿಸುತ್ತದೆ. ಆದರೆ, ಯುದ್ಧಗಳೂ ಪದೇ ಪದೇ ಆಗುತ್ತಲೇ ಇವೆ.

ಇಂತಹ ಯುದ್ಧಗಳ ಭೀಕರತೆಯ ಸಾಕ್ಷಿಗೆ ಮತ್ತೊಂದು ಸೇರ್ಪಡೆ ಇನ್ನೂ ಎರಡು ವರ್ಷ ತುಂಬದ ಲೆಬನಾನ್ನ ಪುಟ್ಟ ಕಂದಮ್ಮ ಅಲಿನ್ಳ ದುರಂತ ಅಂತ್ಯ!

ಹೌದು, ಇರಾನ್–ಇಸ್ರೇಲ್ನ ಹೊಡೆದಾಟಕ್ಕೆ ಇನ್ನೇನು ವಿರಾಮ ಸಿಕ್ಕಿತು ಎನ್ನುವ ಮಧ್ಯದಲ್ಲಿಯೇ ಹಿಜ್ಬುಲ್ಲಾಗಳ ಮೇಲೆ ಕುಪಿತಗೊಂಡು ಇಸ್ರೇಲ್, ಲೆಬನಾನ್ ಮೇಲೆ ತನ್ನ ಪರಾಕ್ರಮ ತೋರಿಸುತ್ತಿದೆ.

ಕಳೆದ ಬುಧವಾರ ಇಸ್ರೇಲ್, ಶಿಫ್ರಾ ಹಾಗೂ ದಕ್ಷಿಣ ಲೆಬನಾನ್ನ ಹಲವೆಡೆ ನಡೆಸಿದ ಕ್ಷಿಪಣಿ, ಬಾಂಬ್ಗಳ ಸುರಿಮಳೆಗೆ ಮಹಿಳೆಯರು, ಮಕ್ಕಳು ಸೇರಿದಂತೆ 250 ಜನ ಒಂದೇ ಏಟಿಗೆ ಉಸಿರು ನಿಲ್ಲಿಸಿದ್ದರು.

ಅಮೆರಿಕ ಘೋಷಿಸಿದ್ದ ಕದನ ವಿರಾಮ ಲೆಬನಾನ್ಗೆ ಅನ್ವಯಿಸುವುದಿಲ್ಲ ಎಂದು ತಿಳಿದ ಇಸ್ರೇಲ್, ಇನ್ನೂ ಸಹ ಲೆಬನಾನ್ ಮೇಲೆ ದಾಳಿಗಳನ್ನು ಮುಂದುವರಿಸಿದೆ. ಇದರಿಂದ ಕಳೆದ ನಾಲ್ಕೈದು ದಿನಗಳಲ್ಲಿ ಮೃತ ಲೆಬನಾನಿಗಳ ಸಂಖ್ಯೆ 350ಕ್ಕೂ ಹೆಚ್ಚು.

. ಅವಳು ಯುದ್ಧದಲ್ಲಿಯೇ ಹುಟ್ಟಿದಳು, ಯುದ್ಧದಲ್ಲಿಯೇ ಸತ್ತಳು!

ಇಸ್ರೇಲ್ ನಡೆಸುತ್ತಿರುವ ಭೀಕರ ದಾಳಿಗೆ ಲೆಬನಾನಿಗರು ತತ್ತರಿಸಿ ಹೋಗಿದ್ದಾರೆ. ಆದರೆ, ಈ ಒಂದು ಘಟನೆ ಇಡೀ ಜಗತ್ತಿನ ಅಂತಃಕರಣವನ್ನೇ ಕಲುಕಿದೆ.

ಬುಧವಾರ ನಡೆದ ದಾಳಿಯಲ್ಲಿ ಶಿಫ್ರಾದ 45 ವರ್ಷದ ವ್ಯಕ್ತಿ ಸಯೀದ್ ಎನ್ನುವರು ಹತ್ಯೆಯಾಗಿದ್ದರು. ಹಾಗೇ ಅವರ ಕುಟುಂಬದ ಕೆಲವರು ಮೃತರಾಗಿದ್ದರು, ಹಲವರು ಗಾಯಗೊಂಡಿದ್ದರು.

ತೀವ್ರ ದುಃಖದ ನಡುವೆಯೇ ಸಯೀದ್ ಕುಟುಂಬದ ಅಳಿದುಳಿದವರು ಸಯೀದ್ ಅವರ ಅಂತ್ಯಕ್ರಿಯೆ ಮಾಡಲು ನೋಡುತ್ತಿದ್ದರು.

ಇತ್ತ ‘ಪಾಕಿಸ್ತಾನದಲ್ಲಿ ಇರಾನ್–ಅಮೆರಿಕ ಕದನ ವಿರಾಮದ ಮಾತುಕತೆ ನಡೆಯುತ್ತಿದೆ ಇನ್ನೇನು ನಮ್ಮ ಮೇಲೆ ದಾಳಿಯಾಗಲಿಕ್ಕಿಲ್ಲ’ ಎಂದು ಸಂತ್ರಸ್ತರು ಒಂದು ದೀರ್ಘ ಉಸಿರು ತೆಗೆದುಕೊಂಡಿದ್ದರು.

ಈ ಬೆಳವಣಿಗೆಯಿಂದ ಶನಿವಾರ ಅಂದರೆ ಮಾರ್ಚ್ 11 ರಂದು ಶಿಫ್ರಾದಲ್ಲಿ ಸಯೀದ್ ಸೇರಿ ಹಲವರ ಅಂತ್ಯಕ್ರಿಯೆ ಮಾಡಲು ಜನ ಸಿದ್ದತೆ ನಡೆಸಿದ್ದರು. ಅದರಲ್ಲಿ ಸಯೀದ್ ಅವರ ಇನ್ನೂ 2 ವರ್ಷ ತುಂಬದ ಮಗಳು ಅಲಿನ್ ಗಾಯಗಳಿಗೆ ಬ್ಯಾಂಡೇಜ್ ಹಾಕಿಸಿಕೊಂಡು ತನ್ನ ತಂದೆಗೆ ಅಂತಿಮ ನಮನ ಸಲ್ಲಿಸಲು ಸ್ಥಳಕ್ಕೆ ಹೋಗಿದ್ದಳು.

ಆದರೆ.. ಅಲ್ಲಿ ಅಲಿನ್ಳ ಅಜ್ಜ, ಅಜ್ಜಿ ಆಕಾಶ ನೋಡುತ್ತಾ ಚೀರಿದರು.. ಆಗ ಬಿದ್ದಿದ್ದು ಮತ್ತೆ ಇಸ್ರೇಲ್ನ ಬಾಂಬುಗಳು!

ಅಲ್ಲಿಗೆ ಬದುಕು ತಿಳಿಯದ ಬಾಂಬುಗಳು ಘೋರ ಆಕ್ರಂದನದ ನಡುವೆ ಇನ್ನೂ ಬದುಕೇ ನೋಡದ ಅಲಿನ್ಳ ಕಥೆಯನ್ನೂ ಮುಗಿಸಿದ್ದವು.

ಗಾಯಗೊಂಡ ಅಲಿನ್ ಅಜ್ಜ ಆಸ್ಪತ್ರೆಯಲ್ಲಿ ಅಲಿನ್ಳ ಮೃತದೇಹವನ್ನು ಅಂಗೈಯಲ್ಲಿ ಹಿಡಿದು ಕಣ್ಣೀರು ಹಾಕುತ್ತಾ ‘ಅವಳು ಯುದ್ಧದಲ್ಲಿಯೇ ಹುಟ್ಟಿದಳು, ಯುದ್ಧದಲ್ಲಿಯೇ ಸತ್ತಳು’ ಎಂದು ಸ್ಮಶಾನದ ಕಡೆ ನಡೆದರು.

ಮಿಯಾ ಖಲೀಫಾ ಕಣ್ಣೀರು

ಇರಾನ್ ಬೆಂಬಲಿತ ಹಿಜ್ಬುಲ್ಲಾ ಸಶಸ್ತ್ರ ಪಡೆಗಳ ಮೇಲೆ ಇಸ್ರೇಲ್ 2024ರಿಂದ ದಾಳಿಗಳನ್ನು ತೀವ್ರಗೊಳಿಸಿದೆ. ಅದರಲ್ಲೂ ಕಳೆದ ಫೆಬ್ರುವರಿ 28 ರಂದು ಆರಂಭವಾದ ಇರಾನ್– ಇಸ್ರೇಲ್ ಯುದ್ಧದ ತರುವಾಯ ಮಾರ್ಚ್ 4ರಿಂದ ಹಿಜ್ಬುಲ್ಲಾಗಳೂ ಇಸ್ರೇಲ್ ಮೇಲೆ ರಾಕೆಟ್ ದಾಳಿಗಳನ್ನು ಆರಂಭಿಸಿದರು. ಇದರಿಂದ ಕೆರಳಿ ಕೆಂಡವಾಗಿರುವ ಇಸ್ರೇಲ್ ಲೆಬನಾನ್ ಮೈಮೇಲೆಯೇ ಎಗರಿದೆ.

ಲೆಬನಾನ್ ಮೇಲೆ ಇಸ್ರೇಲ್ ನಡೆಸಿರುವ ಭೀಕರ ದಾಳಿಗೆ ವ್ಯಾಪಕ ಖಂಡನೆ ವ್ಯಕ್ತವಾಗಿದೆ. 250 ಜನ ಮೃತರಾದ ಮಾರನೇ ದಿನ ಅಮೆರಿಕದಲ್ಲಿ ಮಾಜಿ ಪೋರ್ನ್ ಸ್ಟಾರ್ ಮಿಯಾ ಖಲೀಫಾ ವಿಡಿಯೊ ಮಾಡಿ ಕಣ್ಣೀರು ಹಾಕಿದ್ದರು. ಏಕೆ ಮುಗ್ಧ ಜನರನ್ನು ಸಾಯಿಸುತ್ತಿದ್ದಿರಾ ಎಂದು ಪ್ರಶ್ನಿಸಿದ್ದರು.

---

ಆಧಾರ

ರಾಯಿಟರ್ಸ್ ಸುದ್ದಿಸಂಸ್ಥೆ

.ಮಣಿಪುರದಲ್ಲಿ ದಾಳಿ: ಇಬ್ಬರು ಮಕ್ಕಳು ಬಲಿ.ಇರಾನ್ ಮೇಲೆ ಬಂಕರ್ ಬಾಂಬ್ ದಾಳಿ ನಡೆಸಿದ ಅಮೆರಿಕ. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅವಳು ಯುದ್ಧದಲ್ಲಿಯೇ ಹುಟ್ಟಿದಳು, ಯುದ್ಧದಲ್ಲಿಯೇ ಸತ್ತಳು!

ಚಿನಕುರುಳಿ: ಗುರುವಾರ, 21 ಮೇ 2026

ಗುಂಡಣ್ಣ ಕಾರ್ಟೂನು: ಗುರುವಾರ, 21 ಮೇ 2026

ಚುರುಮುರಿ: ಜರ್ನಲಿಸ್ಟ್‌ ಜವಾಬ್ದಾರಿ!

ದಿನ ಭವಿಷ್ಯ: ಸಂತಾನದ ಅಪೇಕ್ಷಿಗಳಿಗೆ ಶುಭ ಫಲ ಪ್ರಾಪ್ತಿ

ಐಪಿಎಲ್‌ | ಟೈಟನ್ಸ್‌ಗೆ ನಿರಾಯಾಸ ಗೆಲುವು: ಪ್ಲೇ ಆಫ್‌ ರೇಸ್‌ನಿಂದ ಹೊರಬಿದ್ದ CSK

ಡೋಪಿಂಗ್: ಬಾನವೀರ್ ಸಿಂಗ್‌ ಏಳು ವರ್ಷ ನಿಷೇಧ

IPL 2026: ಚೆನ್ನೈ ಗೆಲುವಿಗೆ 230 ರನ್‌ಗಳ ಕಠಿಣ ಗುರಿ ಒಡ್ಡಿದ ಗುಜರಾತ್

ಕೊಹ್ಲಿ–ಅಭಿಷೇಕ್ ಅಬ್ಬರಕ್ಕೆ ವೇದಿಕೆ ಸಜ್ಜು: ಅಗ್ರಸ್ಥಾನಕ್ಕಾಗಿ RCB-SRH ಕಾದಾಟ

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಚಿನಕುರುಳಿ: ಗುರುವಾರ, 21 ಮೇ 2026

ಗುಂಡಣ್ಣ ಕಾರ್ಟೂನು: ಗುರುವಾರ, 21 ಮೇ 2026

ಚುರುಮುರಿ: ಜರ್ನಲಿಸ್ಟ್‌ ಜವಾಬ್ದಾರಿ!

ದಿನ ಭವಿಷ್ಯ: ಸಂತಾನದ ಅಪೇಕ್ಷಿಗಳಿಗೆ ಶುಭ ಫಲ ಪ್ರಾಪ್ತಿ