ನವದೆಹಲಿ: ಮೂರು ದಿನಗಳ ಆಸ್ಟ್ರೇಲಿಯಾ ಪ್ರವಾಸಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರು, ಅಲ್ಲಿನ ಪ್ರಧಾನಿ ಆ್ಯಂಟೊನಿ ಅಲ್ಬೆನೀಸ್‌ ಅವರನ್ನು ಈ ವರ್ಷ ಭಾರತದಲ್ಲಿ ನಡೆಯಲಿರುವ ಕ್ರಿಕೆಟ್‌ ವಿಶ್ವಕಪ್‌ ಹಾಗೂ ದೀಪಾವಳಿ ಆಚರಣೆಗೆ ಆಹ್ವಾನಿಸಿದ್ದಾರೆ.
ಅಕ್ಟೋಬರ್‌ ಹಾಗೂ ನವೆಂಬರ್‌ನಲ್ಲಿ ಕ್ರಿಕೆಟ್‌ ವಿಶ್ವಕಪ್‌ ನಡೆಯಲಿದ್ದು, ಭಾರತ ಆತಿಥ್ಯ ವಹಿಸಿದೆ. ನವೆಂಬರ್‌ 12 ರಂದು ದೀಪಾವಳಿ ಹಬ್ಬ ಇದೆ.
ಸಿಡ್ನಿಯಲ್ಲಿ ನಡೆದ ಜಂಟಿ ಪ‌ತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ, ಭಾರತ ಹಾಗೂ ಆಸ್ಟ್ರೇಲಿಯ ನಡುವಣ ಸಂಬಂಧ ಟಿ–20 ಮಾದರಿಗೆ ಪ್ರವೇಶಿಸಿದೆ ಎಂದು ಹೇಳಿದರು.
#WATCH | I invite PM Anthony Albanese and all Australian cricket fans to India for the Cricket World Cup this year. At that time, you will also get to see the grand Diwali celebration in India: PM Modi in a joint press briefing with Australian PM Anthony Albanese pic.twitter.com/vtRl7THehm
‘ನಾನು ಪ್ರಧಾನ ಮಂತ್ರಿ ಆ್ಯಂಟೊನಿ ಅಲ್ಬೆನಿಸ್‌ ಹಾಗೂ ಆಸ್ಟ್ರೇಲಿಯಾದ ಎಲ್ಲಾ ಕ್ರಿಕೆಟ್‌ ಪ್ರೇಮಿಗಳನ್ನು ಈ ವರ್ಷ ನಡೆಯುವ ಕ್ರಿಕೆಟ್‌ ವಿಶ್ವಕಪ್‌ಗೆ ಭಾರತಕ್ಕೆ ಆಹ್ವಾನಿಸುತ್ತಿದ್ದೇನೆ. ಆ ವೇಳೆಯಲ್ಲಿ ನೀವು ಭಾರತದಲ್ಲಿ ವೈಭವದ ದೀಪಾವಳಿ ಸಂಭ್ರಮಾಚರಣೆಯನ್ನೂ ನೀವು ನೋಡಬಹುದು‘ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.
