<p><strong>ಅಮ್ಮಾನ್/ಬೈರೂತ್</strong>: ಸಿರಿಯಾದ ವಾಯವ್ಯ ಭಾಗದಲ್ಲಿ ಹಲವು ಸೈನಿಕರನ್ನು ಹತ್ಯೆ ಮಾಡಿರುವ ಬಂಡುಕೋರರು, ಅಲೆಪ್ಪೊ ನಗರವನ್ನು ತಮ್ಮ ಹಿಡಿತಕ್ಕೆ ಪಡೆದಿದ್ದಾರೆ ಎಂದು ಸೇನೆಯು ಶನಿವಾರ ತಿಳಿಸಿದೆ.</p><p>ವಾರದ ಆರಂಭದಲ್ಲಿ ಅಚ್ಚರಿಯ ದಾಳಿ ಪ್ರಾರಂಭಿಸಿದ್ದ ಹಯಾತ್ ತಹ್ರಿರ್ ಅಲ್– ಶಾಮ್ (ಎಚ್ಟಿಎಸ್) ಸಂಘಟನೆಯ ಬಂಡುಕೋರರು, ವಾರಾಂತ್ಯದೊಳಗೆ ಅಲೆಪ್ಪೊ ನಗರದ ಬಹುಭಾಗವನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಹೇಳಿದೆ. ಬಂಡುಕೋರರ ಹಠಾತ್ ದಾಳಿಯಿಂದ ಜನರ ಜೀವ ಕಾಪಾಡಲು ಹಾಗೂ ದೇಶದ ರಕ್ಷಣೆಗಾಗಿ ಸೇನೆಯು ಪ್ರತಿ ದಾಳಿ ಆರಂಭಿಸಿದೆ. </p>.<blockquote>ರಷ್ಯಾದಿಂದ ವಾಯು ದಾಳಿ</blockquote>.<p>ಅಲೆಪ್ಪೊ ಸೇರಿದಂತೆ ಅದರ ಉಪನಗರಗಳನ್ನು ಬಂಡುಕೋರರು ಶುಕ್ರವಾರ ವಶಪಡಿಸಿಕೊಂಡಿದ್ದು, ಈ ನೆಲೆಗಳ ಮೇಲೆ ರಷ್ಯಾ ಹಾಗೂ ಸಿರಿಯಾದ ಜೆಟ್ಗಳು ಶನಿವಾರ ಬಾಂಬ್ ದಾಳಿ ನಡೆಸಿವೆ.</p><p>ಬಂಡುಕೋರರ ತಾಣಗಳನ್ನು ಗುರಿಯಾಗಿಸಿ ರಷ್ಯಾ ಸೇನೆ ವಾಯು ದಾಳಿ ನಡೆಸಿದ್ದು 2016ರ ಬಳಿಕ ಇದೇ ಮೊದಲು. ಬಂಡುಕೋರರು ನೆಲೆಸಿರುವ ಹಳ್ಳಿ ಮತ್ತು ಪಟ್ಟಣಗಳನ್ನು ಗುರಿಯಾಗಿಸಿಕೊಂಡೇ ಈ ದಾಳಿ ನಡೆದಿದೆ.</p><p>ನಗರದ ಬಹುತೇಕ ಪ್ರದೇಶಗಳು, ಸರ್ಕಾರಿ ಕಚೇರಿಗಳು ಹಾಗೂ ಕಾರಾಗೃಹಗಳ ಮೇಲೆ ಎಚ್ಟಿಎಸ್ ಹಾಗೂ ಇದಕ್ಕೆ ಸಂಬಂಧಿಸಿದ ಸಂಘಟನೆಗಳು ಹಿಡಿತ ಸಾಧಿಸಿವೆ ಎಂದು ಬ್ರಿಟನ್ ಮೂಲದ ಸಿರಿಯನ್ ಮಾನವ ಹಕ್ಕುಗಳ ವೀಕ್ಷಣಾಲಯ ಹೇಳಿದೆ.</p><p>ಬಂಡುಕೋರರ ನೆಲೆಗಳ ಮೇಲೆ ನಿರಂತರವಾಗಿ ಬಾಂಬ್ ದಾಳಿ ನಡೆಸುತ್ತಿರುವುದರಿಂದ, ಅವರಿಗೆ ತಮ್ಮದೇ ಆದ ಭದ್ರ ನೆಲೆಗಳನ್ನು ಸ್ಥಾಪಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಸೇನೆಯು ತಿಳಿಸಿದೆ.</p><p>ಅಲ್ಕೈದಾ ಉಗ್ರ ಸಂಘಟನೆಯ ಸಿರಿಯಾದ ಶಾಖೆ ಎಚ್ಟಿಎಸ್. ಈ ಬಂಡುಕೋರರ ಒಕ್ಕೂಟವು ಸಿರಿಯಾದ ವಾಯವ್ಯ ಭಾಗದಲ್ಲಿನ ಇದ್ಲಿಬ್ ಪ್ರಾಂತ್ಯದ ಮೇಲೆ ನಿಯಂತ್ರಣ ಹೊಂದಿದೆ. ನೆರೆಯ ಅಲೆಪ್ಪೊ, ಹಮಾ, ಲಟಕಿಯಾ ಪ್ರಾಂತ್ಯಗಳಲ್ಲೂ ಪ್ರಾಬಲ್ಯ ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಮ್ಮಾನ್/ಬೈರೂತ್</strong>: ಸಿರಿಯಾದ ವಾಯವ್ಯ ಭಾಗದಲ್ಲಿ ಹಲವು ಸೈನಿಕರನ್ನು ಹತ್ಯೆ ಮಾಡಿರುವ ಬಂಡುಕೋರರು, ಅಲೆಪ್ಪೊ ನಗರವನ್ನು ತಮ್ಮ ಹಿಡಿತಕ್ಕೆ ಪಡೆದಿದ್ದಾರೆ ಎಂದು ಸೇನೆಯು ಶನಿವಾರ ತಿಳಿಸಿದೆ.</p><p>ವಾರದ ಆರಂಭದಲ್ಲಿ ಅಚ್ಚರಿಯ ದಾಳಿ ಪ್ರಾರಂಭಿಸಿದ್ದ ಹಯಾತ್ ತಹ್ರಿರ್ ಅಲ್– ಶಾಮ್ (ಎಚ್ಟಿಎಸ್) ಸಂಘಟನೆಯ ಬಂಡುಕೋರರು, ವಾರಾಂತ್ಯದೊಳಗೆ ಅಲೆಪ್ಪೊ ನಗರದ ಬಹುಭಾಗವನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಹೇಳಿದೆ. ಬಂಡುಕೋರರ ಹಠಾತ್ ದಾಳಿಯಿಂದ ಜನರ ಜೀವ ಕಾಪಾಡಲು ಹಾಗೂ ದೇಶದ ರಕ್ಷಣೆಗಾಗಿ ಸೇನೆಯು ಪ್ರತಿ ದಾಳಿ ಆರಂಭಿಸಿದೆ. </p>.<blockquote>ರಷ್ಯಾದಿಂದ ವಾಯು ದಾಳಿ</blockquote>.<p>ಅಲೆಪ್ಪೊ ಸೇರಿದಂತೆ ಅದರ ಉಪನಗರಗಳನ್ನು ಬಂಡುಕೋರರು ಶುಕ್ರವಾರ ವಶಪಡಿಸಿಕೊಂಡಿದ್ದು, ಈ ನೆಲೆಗಳ ಮೇಲೆ ರಷ್ಯಾ ಹಾಗೂ ಸಿರಿಯಾದ ಜೆಟ್ಗಳು ಶನಿವಾರ ಬಾಂಬ್ ದಾಳಿ ನಡೆಸಿವೆ.</p><p>ಬಂಡುಕೋರರ ತಾಣಗಳನ್ನು ಗುರಿಯಾಗಿಸಿ ರಷ್ಯಾ ಸೇನೆ ವಾಯು ದಾಳಿ ನಡೆಸಿದ್ದು 2016ರ ಬಳಿಕ ಇದೇ ಮೊದಲು. ಬಂಡುಕೋರರು ನೆಲೆಸಿರುವ ಹಳ್ಳಿ ಮತ್ತು ಪಟ್ಟಣಗಳನ್ನು ಗುರಿಯಾಗಿಸಿಕೊಂಡೇ ಈ ದಾಳಿ ನಡೆದಿದೆ.</p><p>ನಗರದ ಬಹುತೇಕ ಪ್ರದೇಶಗಳು, ಸರ್ಕಾರಿ ಕಚೇರಿಗಳು ಹಾಗೂ ಕಾರಾಗೃಹಗಳ ಮೇಲೆ ಎಚ್ಟಿಎಸ್ ಹಾಗೂ ಇದಕ್ಕೆ ಸಂಬಂಧಿಸಿದ ಸಂಘಟನೆಗಳು ಹಿಡಿತ ಸಾಧಿಸಿವೆ ಎಂದು ಬ್ರಿಟನ್ ಮೂಲದ ಸಿರಿಯನ್ ಮಾನವ ಹಕ್ಕುಗಳ ವೀಕ್ಷಣಾಲಯ ಹೇಳಿದೆ.</p><p>ಬಂಡುಕೋರರ ನೆಲೆಗಳ ಮೇಲೆ ನಿರಂತರವಾಗಿ ಬಾಂಬ್ ದಾಳಿ ನಡೆಸುತ್ತಿರುವುದರಿಂದ, ಅವರಿಗೆ ತಮ್ಮದೇ ಆದ ಭದ್ರ ನೆಲೆಗಳನ್ನು ಸ್ಥಾಪಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಸೇನೆಯು ತಿಳಿಸಿದೆ.</p><p>ಅಲ್ಕೈದಾ ಉಗ್ರ ಸಂಘಟನೆಯ ಸಿರಿಯಾದ ಶಾಖೆ ಎಚ್ಟಿಎಸ್. ಈ ಬಂಡುಕೋರರ ಒಕ್ಕೂಟವು ಸಿರಿಯಾದ ವಾಯವ್ಯ ಭಾಗದಲ್ಲಿನ ಇದ್ಲಿಬ್ ಪ್ರಾಂತ್ಯದ ಮೇಲೆ ನಿಯಂತ್ರಣ ಹೊಂದಿದೆ. ನೆರೆಯ ಅಲೆಪ್ಪೊ, ಹಮಾ, ಲಟಕಿಯಾ ಪ್ರಾಂತ್ಯಗಳಲ್ಲೂ ಪ್ರಾಬಲ್ಯ ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
