ತೈವಾನ್‌ನ ಯಾಂಗ್ ಶುವಾಂಗ್-ಜಿ ಐತಿಹಾಸಿಕ ಪ್ರೇಮಕಥನಕ್ಕೆ ಬೂಕರ್‌ ಪ್ರಶಸ್ತಿ

1930ರ ದಶಕದ ಜಪಾನ್ ಆಕ್ರಮಿತ ತೈವಾನ್‌ನ ಐತಿಹಾಸಿಕ ಹಿನ್ನೆಲೆಯುಳ್ಳ ‘ತೈವಾನ್ ಟ್ರಾವೆಲಾಗ್’ ಕಾದಂಬರಿಯು ಅಂತರರಾಷ್ಟ್ರೀಯ ಬೂಕರ್ ಪ್ರಶಸ್ತಿಯನ್ನು ಗೆದ್ದಿದೆ.

ಈ ಕಾದಂಬರಿಯು ಬೂಕರ್ ಪ್ರಶಸ್ತಿಯನ್ನು ಗೆದ್ದ ಮೊದಲ ಮ್ಯಾಂಡರಿನ್ ಚೈನೀಸ್ ಭಾಷೆಯ ಕೃತಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಈ ಕಾದಂಬರಿಯನ್ನು ಲೇಖಕಿ ಯಾಂಗ್ ಶುವಾಂಗ್-ಜಿ ಬರೆದಿದ್ದು, ಲಿನ್ ಕಿಂಗ್ ಅವರು ಇದಕ್ಕೆ ಅನುವಾದ ಮಾಡಿದ್ದಾರೆ.

ಅಂತರರಾಷ್ಟ್ರೀಯ ಬೂಕರ್ ಪ್ರಶಸ್ತಿಯು ಅಂದಾಜು 64 ಲಕ್ಷ ರೂಪಾಯಿಗಳ (50 ಸಾವಿರ ಪೌಂಡ್) ನಗದು ಬಹುಮಾನವನ್ನು ಒಳಗೊಂಡಿದೆ.

ಕೃತಿಯು ವಿಭಿನ್ನ ಕಥಾವಸ್ತು ಮತ್ತು ಭಾಷೆಯ ಪ್ರಯೋಗಶೀಲತೆಯಿಂದ ಕೂಡಿದೆ ಎಂದು ತೀರ್ಪುಗಾರರ ಸಮಿತಿ ಶ್ಲಾಘಿಸಿದೆ.