165 ಜನರ ಸಾವಿಗೆ ಕಾರಣವಾಗಿದ್ದ ಇರಾನ್‌ ಶಾಲೆ ಮೇಲಿನ ದಾಳಿಗೆ ಅಮೆರಿಕವೇ ಕಾರಣ!

ಫೆಬ್ರುವರಿ 28ರಂದು ದಕ್ಷಿಣ ಇರಾನ್‌ನ ಮಿನಾಬ್‌ನಲ್ಲಿರುವ ಶಾಲೆಯ ಮೇಲೆ ಅಮೆರಿಕ ಮತ್ತು ಇಸ್ರೇಲ್ ನಡೆಸಿದ ದಾಳಿಯಲ್ಲಿ 165 ಮಂದಿ ವಿದ್ಯಾರ್ಥಿಗಳು ಮತ್ತು ಶಿಕ್ಷಕರು ಮೃತಪಟ್ಟಿದ್ದಾರೆ.

ಅಮೆರಿಕದ ಸೆಂಟ್ರಲ್ ಕಮಾಂಡ್ ಹಳೆಯ ಗುಪ್ತಚರ ದತ್ತಾಂಶವನ್ನು ಬಳಸಿದ ಪರಿಣಾಮ, ರೆವೊಲ್ಯೂಷನರಿ ಗಾರ್ಡ್‌ ಸೇನಾ ನೆಲೆಗೆ ಬದಲಾಗಿ ಶಾಲೆಗೆ ಕ್ಷಿಪಣಿ ಅಪ್ಪಳಿಸಿದೆ.

ಶಾಲೆಯ ಮೇಲೆ ಪತ್ತೆಯಾದ ಯುದ್ಧಸಾಮಗ್ರಿ ಅಮೆರಿಕದ ತಮಾಹಾಕ್ ಕ್ರೂಸ್ ಕ್ಷಿಪಣಿಯಾಗಿದೆ ಎಂದು ಬೆಲ್ಲಿಂಗ್‌ಕ್ಯಾಟ್‌ ಸಂಸ್ಥೆ ವಿಶ್ಲೇಷಿಸಿದ್ದು, ಇದು ಅಮೆರಿಕದ ತಪ್ಪಿಗೆ ಬಲವಾದ ಸಾಕ್ಷಿಯಾಗಿದೆ.

ಈ ದುರಂತಕ್ಕೆ ಇರಾನ್ ದೇಶವೇ ಕಾರಣ ಎಂದು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆರೋಪಿಸಿದ್ದರು, ಆದರೆ ಲಭ್ಯವಿರುವ ವಿಡಿಯೊ ಸಾಕ್ಷ್ಯಗಳು ಅವರ ಹೇಳಿಕೆಗೆ ವಿರುದ್ಧವಾಗಿವೆ.