31ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಂಡ ಜಗತ್ತಿನ ಅತಿ ಹಿರಿಯ 'ನಾಯಿ'

ಬೊಬಿ 1992ರಲ್ಲಿ ಜನಿಸಿತ್ತು. ಸದ್ಯ ನಾಯಿಯು ನಡೆದಾಡಲು ಕಷ್ಟಪಡುತ್ತಿದೆ, ಅದರ ದೃಷ್ಟಿಯು ಮಂಜಾಗಿದೆ. ಹೆಚ್ಚು ಕಾಲ ಮಲಗೇ ಇರುತ್ತದೆ ಎಂದು ಮಾಲೀಕ ಲಿಯೊನಲ್‌ ಕೋಸ್ಟಾ ತಿಳಿಸಿದ್ದಾರೆ.

ಸ್ವಚ್ಛಂದ ಪರಿಸರದಲ್ಲಿ ಬದುಕಿದ್ದೇ ಈ ನಾಯಿಯ ದೀರ್ಘ ಬದುಕಿಗೆ ಕಾರಣ ಎಂದು ಹೇಳಲಾಗುತ್ತಿದೆ. ಈ ನಾಯಿಯನ್ನು ಚೈನ್‌ನಿಂದ ಕಟ್ಟಿ ಹಾಕಿದ್ದೇ ಇಲ್ಲ. ಅದು ಮುಕ್ತವಾಗಿ ಸುತ್ತಮುತ್ತಲಿನ ಕಾಡಿನಲ್ಲಿ ಸುತ್ತಾಡುತ್ತಿತ್ತು ಎಂದು ಅವರು ಹೇಳಿದ್ದಾರೆ.