25 ವರ್ಷಗಳ ಹಿಂದೆ | ಗುರುವಾರ, ಜೂನ್ 8, 1995

ಸಮಿತಿಯ ಈ ಶಿಫಾರಸನ್ನು ರಾಜ್ಯ ವಿದ್ಯುತ್‌ ಮಂಡಲಿಗಳು ಜಾರಿಗೆ ತಂದದ್ದೇ ಆದರೆ ಅವುಗಳ ಆರ್ಥಿಕ ಪರಿಸ್ಥಿತಿ ಸುಧಾರಿಸುವುದಲ್ಲದೆ ಒಂದು ವರ್ಷಕ್ಕೆ ಸರಿಸುಮಾರು ರೂ. 1,943 ಕೋಟಿ ಆದಾಯ ಬರಲಿರುವುದಾಗಿ ಲೆಕ್ಕಾಚಾರ ಹಾಕಲಾಗಿದೆ.

ಹುಬ್ಬಳ್ಳಿ– ಬೆಂಗಳೂರು ಶತಾಬ್ದಿ ಎಕ್ಸ್‌ಪ್ರೆಸ್‌ 11ರಿಂದ
ಬೆಂಗಳೂರು, ಜೂನ್‌ 7– ಹುಬ್ಬಳ್ಳಿ– ಬೆಂಗಳೂರು ನಡುವಿನ ಶರವೇಗ ಸಂಚಾರದ ಸಂಪೂರ್ಣ ಹವಾನಿಯಂತ್ರಿತ ‘ಶತಾಬ್ದಿ ಎಕ್ಸ್‌ಪ್ರೆಸ್‌’ ರೈಲು ಸಂಚಾರ ಇದೇ 11ರಿಂದ ಆರಂಭವಾಗಲಿದೆ.

ಹುಬ್ಬಳ್ಳಿ– ಬೆಂಗಳೂರು ಮಧ್ಯೆದಾವಣಗೆರೆಯನ್ನು ಹೊರತುಪಡಿಸಿ ಬೇರೆಲ್ಲೂ ನಿಲ್ಲದ ಒಟ್ಟು ಏಳೂವರೆ ಗಂಟೆಯಲ್ಲಿ ಆ ಕಡೆಯಿಂದ ಬೆಂಗಳೂರನ್ನು ಅಥವಾ ಈ ಕಡೆಯಿಂದ ಹುಬ್ಬಳ್ಳಿಯನ್ನು ತಲುಪುವಂತೆ ಅದರ ಸಂಚಾರದ ವ್ಯವಸ್ಥೆಯಾಗಿದೆ ಎಂದು ದಕ್ಷಿಣ ರೈಲ್ವೆ ತಿಳಿಸಿದೆ.