ಸೋಮವಾರ, 2–6–1969

ಗುರುವಾರ , ಜೂನ್ 20, 2019
30 °C

ಸೋಮವಾರ, 2–6–1969

Published:
Updated:

ಮೈಸೂರು– ಮಹಾಷ್ಟ್ರ ಗಡಿ ವಿವಾದ: ಪಾಟಸ್ಕರ್ ಸೂತ್ರಕ್ಕೂ, ಪಿ.ಎಸ್.ಪಿ.ಗೂ ಸಂಬಂಧವಿಲ್ಲ– ದ್ವಿವೇದಿ
ಬೆಂಗಳೂರು, ಜೂನ್ 1– ‘ಮೈಸೂರು – ಮಹಾರಾಷ್ಟ್ರ ಗಡಿವಿವಾದ ಪರಿಹಾರಕ್ಕೆ ಪಾಟಸ್ಕರ್ ಅವರು ಸೂಚಿಸಿದ ಸೂತ್ರಕ್ಕೂ ತಮಗೂ ಯಾವುದೇ ಸಂಬಂಧವಿಲ್ಲ’ ಎಂದು ಲೋಕಸಭೆಯಲ್ಲಿ ಪಿ.ಎಸ್.ಪಿ. ಗುಂಪಿನ ನಾಯಕರಾಗಿರುವ ಶ್ರೀ ಎಸ್.ಎನ್. ದ್ವಿವೇದಿ ಅವರು ತಮ್ಮ ಪಕ್ಷದ ರಾಷ್ಟ್ರೀಯ ನಾಯಕತ್ವದ ನಿಲುವನ್ನು ಸ್ಪಷ್ಟಪಡಿಸಿದ್ದಾರೆ.

ಪಾಟಸ್ಕರ್ ಸೂತ್ರವನ್ನು ಬೆಂಬಲಿಸಿ ಪಕ್ಷದ ಅಧ್ಯಕ್ಷ ಶ್ರೀ ಎನ್.ಜಿ. ಗೋರೆಯವರು ಈಚೆಗೆ ಮೈಸೂರಿನಲ್ಲಿ ಮಾಡಿದರೆನ್ನಲಾದ ಹೇಳಿಕೆಯ ಬಗ್ಗೆ ಪತ್ರಿಕಾಗೋಷ್ಠಿಯಲ್ಲಿ ಅವರ ಗಮನ ಸೆಳೆದಾಗ ‘ಶ್ರೀ ಗೋರೆಯವರು ಹೇಳಿರುವುದು ಯಾವುದೇ ಗಡಿ ವಿವಾದದ ಪರಿಹಾರಕ್ಕೆ ಒಂದು ರೀತಿಯ ಸೂತ್ರವಿರಬೇಕು ಎಂದು ಮಾತ್ರ’ ಎಂದು ವಿಶದಪಡಿಸಿದರು.

‘ಮಹಾಜನ್ ವರದಿಯನ್ನು ಮೈಸೂರು ಒಪ್ಪಿದೆ, ಮಹಾರಾಷ್ಟ್ರ ಒಪ್ಪುತ್ತಿಲ್ಲ. ಆಯಾ ರಾಜ್ಯದ ಪಿ.ಎಸ್.ಪಿ ಶಾಖೆಗಳೂ ಆಯಾ ರಾಜ್ಯದ ನಿಲುವನ್ನು ಸಮರ್ಥಿಸಿದೆ. ಆದರೆ  ಪಿ.ಎಸ್‌.ಪಿ.ಯ ರಾಷ್ಟ್ರೀಯ ನಾಯಕತ್ವ ಪದವಿಯ ಬಗ್ಗೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ. ನಿರ್ಧಾರ ಕೈಗೊಳ್ಳಬೇಕಾಗಿರುವುದು ಕೇಂದ್ರ ಸರ್ಕಾರ ಎಂದು ದ್ವಿವೇದಿ ಹೇಳಿದರು.

ರಾಷ್ಟ್ರೀಯ ಆರೋಗ್ಯವಿಮಾ ಯೋಜನೆಗೆ ಶ್ರೀ ಗಿರಿ ಕರೆ
ಬೆಂಗಳೂರು, ಜೂನ್ 1– ಎಲ್ಲರಿಗೂ ಅನ್ವಯವಾಗುವ ರಾಷ್ಟ್ರೀಯ ಆರೋಗ್ಯ ವಿಮಾ ಯೋಜನೆಯನ್ನು ಪಡೆಯುವುದರ ಕಡೆಗೆ ಸರ್ವ ಪ್ರಯತ್ನವನ್ನೂ ಕ್ರೋಢೀಕರಿಸಲು ರಾಷ್ಟ್ರಪತಿ ಶ್ರೀ ವಿ.ವಿ. ಗಿರಿ ಅವರು ಇಂದು ಇಲ್ಲಿ ಕರೆಯಿತ್ತರು.

ಮಹಾಬೋಧಿ ಮೈತ್ರಿಮಂಡಲವು ನಗರದ ಪ್ರಮುಖ ಬಡಾವಣೆಯಾದ ಜಯನಗರದಲ್ಲಿ ಸ್ಥಾಪಿಸುವ ‘ಮೈತ್ರಿ ಮೆಡಿಕಲ್ ಮಿಷನ್’ ಜಯನಗರ ಮೆಡಿಕಲ್ ಕೇಂದ್ರ ಮತ್ತು ಚಂದಾ ಆರೋಗ್ಯ ಯೋಜನೆಯನ್ನು ಉದ್ಘಾಟಿಸಿದ ಅವರು ತಾವು 1952ರಲ್ಲಿ ಕೇಂದ್ರದ ಕಾರ್ಮಿಕ ಸಚಿವರಾಗಿದ್ದಾಗ ಕಾರ್ಯಗತವಾದ ನೌಕರರ ರಾಜ್ಯ ವಿಮಾ ಯೋಜನೆಯನ್ನು ಸ್ಮರಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !