ತಮ್ಮ ಪಕ್ಷದ ಅಭ್ಯರ್ಥಿಯನ್ನು ಗೆಲ್ಲಿಸಲು ಇಡೀ ಸರ್ಕಾರದ ವ್ಯವಸ್ಥೆಯನ್ನೇ ತಮ್ಮ ಪರವಾಗಿ ಮಾಡಿಕೊಂಡಿರುವ ಶಾಸಕರಿಗೆ, ಸಿನಿಮಾ ನಟರ ಪ್ರಾಮಾಣಿಕತೆ ಬಗ್ಗೆ ಪ್ರಶ್ನಿಸುವ ನೈತಿಕತೆ ಎಲ್ಲಿದೆ? ಅವರ ಹೇಳಿಕೆಗಳನ್ನು ಗಮನಿಸಿದರೆ ದಬ್ಬಾಳಿಕೆ, ಅಧಿಕಾರದ ಅಮಲು, ದರ್ಪ ಎಲ್ಲವೂ ಕಾಣಿಸುತ್ತವೆ. ಶಾಸಕರ ಈ ಹೇಳಿಕೆಯ ಹಿಂದೆ, ಅವರಿಗೆ ಸಿನಿಮಾ ನಟರ ಪ್ರಭಾವದಿಂದ ಎಲ್ಲಿ ಸೋಲಾಗುವುದೆಂಬ ಹತಾಶೆಯಿದೆಯೋ ಅಥವಾ ಇಂಥ ಹೇಳಿಕೆಗಳಿಂದ ಮತದಾರರು ಮತ್ತು ಸಿನಿಮಾ ನಟರನ್ನು ಪ್ರಚೋದಿಸಿ ಬೇರೆಯವರಿಗೆ ಅನುಕೂಲ ಮಾಡಿಕೊಡಬೇಕೆಂಬ ಉದ್ದೇಶವಿದೆಯೋ ಎಂಬ ಸಂದೇಹ ಮೂಡುತ್ತದೆ.