ಬೆಕ್ಕಣ್ಣ ಬೆಳಗ್ಗೆಯೇ ಮೊಬೈಲು ಹಿಡಿದು ಕಮಲಕ್ಕನ ಮನೆ ಕೋಳಿಗಳಿಗೆ ಕರೆ ಮಾಡಿ ವಿಚಾರಣೆಯಲ್ಲಿ ತೊಡಗಿತ್ತು.
‘ಏನವ್ವಾ... ಸಿದ್ದಣ್ಣನ ಮ್ಯಾಗೆ ಎಸೆದ ಮೊಟ್ಟೆ ನಿಮ್ಮ ಕೋಳಿಗೂಡಿನದಂತೆ...’
ಬೆಕ್ಕಣ್ಣನ ಮಾತು ಮುಗಿಯುವ ಮೊದಲೇ ಕಮಲಕ್ಕನ ಮನೆ ಕೋಳಿಗಳ ಕೊಕ್ಕೋಕ್ಕೋ ಅಳು ಕೇಳಿತು.
‘ಇಲ್ಲ ಬೆಕ್ಕಣ್ಣ, ಆ ಮೊಟ್ಟೆ ನಮ್ಮ ಗೂಡಿಂ ದಲ್ಲ... ಕೈಮನೆಯವ್ರ ಕೋಳಿ ಗೂಡಿದಂಲೇ ಎತ್ತಿಕೊಂಡು, ಅವರ ಕಡೆಯವರೇ ಯಾರೋ ಬೇಕಂತಲೇ ಸಿದ್ದಣ್ಣನ ಮ್ಯಾಗೆ ಬಿಸಾಕವ್ರೆ’.
ಬೆಕ್ಕಣ್ಣನ ಮುಂದಿನ ಕರೆ ಕೈಮನೆಯ ಕೋಳಿಗಳಿಗೆ.
‘ಆಣೆ ಮಾಡಿ ಹೇಳ್ತೀವಿ, ಆ ಮೊಟ್ಟೆ ನಮ್ಮ ಗೂಡಿಂದಲ್ಲ. ಅದು ಕಮಲಕ್ಕನ ಮನೆ ಕೋಳಿ ಗೂಡಿಂದೇ. ನಮ್ ಕೋಳಿಗೂಡಿನ ಮೊಟ್ಟೇನ ನಮ್ ಸಿದ್ದಣ್ಣಂಗೆ ತಿನ್ನಾಕೆ ಕೊಡ್ತೀವೇ ಹೊರತು ಮೈಮ್ಯಾಗೆ ಬಿಸಾಕಾಕೆ ಯಾಕೆ ಕೊಡ್ತೀವಿ?’ ಕೈಮನೆಯ ಕೋಳಿಗಳು ವದರಿದವು.