<p>ಟಿ.ವಿಯ ಲೈವ್ ಪ್ರೋಗ್ರಾಂನಲ್ಲಿ ಸುಮಿ, ಗುರೂಜಿಗೆ ಫೋನ್ ಮಾಡಿ ಕಷ್ಟ ಹೇಳಿಕೊಂಡಳು.</p>.<p>‘ಗುರೂಜಿ, ನನ್ನ ಮಗ ಸ್ಕೂಲ್ ಟೆಸ್ಟ್ನಲ್ಲಿ ಜಿಲ್ಲೆಗಳ ಸಂಖ್ಯೆ ಪ್ರಶ್ನೆಗೆ ತಪ್ಪು ಉತ್ತರ ಬರೆದು ಎರಡು ಮಾರ್ಕ್ಸ್ ಕಮ್ಮಿ ತೊಗೊಂಡಿದ್ದ’ ಅಂದಳು.</p>.<p>‘ಎಲ್ಲಾ ಕಡೆ ಜಿಲ್ಲೆಗಳ ವಿಭಜನೆ ಹೋರಾಟ ಶುರುವಾಗಿ ಜಿಲ್ಲೆಗಳ ಸಂಖ್ಯೆ ಬಗ್ಗೆ ದೊಡ್ಡವರಿಗೇ ಗೊಂದಲ ಆಗಿದೆ, ನಿಮ್ಮ ಮಗನಿಗೆ ಆಗದಿರುತ್ತಾ’ ಅಂದ್ರು ಗುರೂಜಿ.</p>.<p>‘ಇದಕ್ಕೆ ಪರಿಹಾರವೇನು ಗುರೂಜಿ?’</p>.<p>‘ಜಿಲ್ಲೆಗಳ ಹೆಸರನ್ನು ಹಂಡ್ರಡ್ ಟೈಮ್ಸ್ ಬರೆಸಿ, ಸಮಸ್ಯೆ ಪರಿಹಾರವಾಗುತ್ತೆ’.</p>.<p>‘ಥ್ಯಾಂಕ್ಯೂ ಗುರೂಜಿ. ಒಡವೆ ಖರೀದಿಸಲು ಈಗ ಟೈಮ್ ಚೆನ್ನಾಗಿದೆಯೇ ಗುರೂಜಿ?’</p>.<p>‘ಬೇಡವೇ ಬೇಡ, ಮಹಿಳೆಯರು ಚಿನ್ನ ಕೊಳ್ಳುವ ಸಂಪ್ರದಾಯ ಮುರಿಯಬೇಕು. ಚಿನ್ನ ಬೇಕೇಬೇಕು ಅನಿಸಿದರೆ ಪದವಿ ಪಡೆದು, ಕ್ರೀಡೆಯಲ್ಲಿ ಗೆದ್ದು ಚಿನ್ನದ ಪದಕ ಪಡೆಯಿರಿ’.</p>.<p>‘ರೋಹಿತ್ ಶರ್ಮಾನಂತೆ ತಾನೂ ರೆಕಾರ್ಡ್ ಮರಿಯುತ್ತೇನೆ ಎಂದು ಕ್ರಿಕೆಟ್ ಆಡಲು ಹೋಗಿ ಮಗ ಹಲ್ಲು ಮುರಿದುಕೊಂಡು ಬಂದ’.</p>.<p>‘ರೋಹಿತ್ ಶರ್ಮಾ ಬ್ಯಾಟ್ ಮುರಿಯೋವರೆಗೂ ದಾಖಲೆ ಮುರಿಯುತ್ತಲೇ ಇರುತ್ತಾನೆ. ನಿಮ್ಮ ಮಗನಿಗೆ ಒಳ್ಳೆ ಭವಿಷ್ಯವಿದೆ, ಮುಂದೆ ಏನನ್ನಾದರೂ ಮುರಿಯುತ್ತಾನೆ’.</p>.<p>‘ನನ್ನ ಮಗ ದೊಡ್ಡದೊಂದು ದಾಖಲೆ ಮುರಿಯುವಂತೆ ಆಶೀರ್ವಾದ ಮಾಡಿ ಗುರೂಜಿ’.</p>.<p>‘ಹೈ ಜಂಪ್, ಲಾಂಗ್ ಜಂಪ್ನಲ್ಲಿ ಯಾರೂ ಮುರಿಯದ ದಾಖಲೆ ಇದೆ, ಅದನ್ನ ನಿಮ್ಮ ಮಗ ಮುರಿಯುತ್ತಾನಾ?’ ಕೇಳಿದರು ಗುರೂಜಿ.</p>.<p>‘ಅಷ್ಟು ಉದ್ದ, ಅಷ್ಟು ಎತ್ತರ ಹಾರಿದ ದಾಖಲೆ ಯಾವುದು ಹೇಳಿ ಗುರೂಜಿ,<br />ಮಗನಿಗೆ ಮುರಿಯಲು ಹೇಳುತ್ತೇನೆ’ ಸುಮಿಗೆ ಕುತೂಹಲ.</p>.<p>‘ಆಂಜನೇಯ ಲಂಕೆಗೆ ಸಮುದ್ರ ಹಾರಿದ ದಾಖಲೆಯನ್ನು ಇನ್ನೂ ಯಾರೂ ಮುರಿದಿಲ್ಲ, ನಿಮ್ಮ ಮಗ...’</p>.<p>ಗುರೂಜಿ ಮಾತು ಮುಗಿಯುವ ಮೊದಲೇ ಸುಮಿ ಫೋನ್ ಕಟ್ ಮಾಡಿದಳು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p>ಟಿ.ವಿಯ ಲೈವ್ ಪ್ರೋಗ್ರಾಂನಲ್ಲಿ ಸುಮಿ, ಗುರೂಜಿಗೆ ಫೋನ್ ಮಾಡಿ ಕಷ್ಟ ಹೇಳಿಕೊಂಡಳು.</p>.<p>‘ಗುರೂಜಿ, ನನ್ನ ಮಗ ಸ್ಕೂಲ್ ಟೆಸ್ಟ್ನಲ್ಲಿ ಜಿಲ್ಲೆಗಳ ಸಂಖ್ಯೆ ಪ್ರಶ್ನೆಗೆ ತಪ್ಪು ಉತ್ತರ ಬರೆದು ಎರಡು ಮಾರ್ಕ್ಸ್ ಕಮ್ಮಿ ತೊಗೊಂಡಿದ್ದ’ ಅಂದಳು.</p>.<p>‘ಎಲ್ಲಾ ಕಡೆ ಜಿಲ್ಲೆಗಳ ವಿಭಜನೆ ಹೋರಾಟ ಶುರುವಾಗಿ ಜಿಲ್ಲೆಗಳ ಸಂಖ್ಯೆ ಬಗ್ಗೆ ದೊಡ್ಡವರಿಗೇ ಗೊಂದಲ ಆಗಿದೆ, ನಿಮ್ಮ ಮಗನಿಗೆ ಆಗದಿರುತ್ತಾ’ ಅಂದ್ರು ಗುರೂಜಿ.</p>.<p>‘ಇದಕ್ಕೆ ಪರಿಹಾರವೇನು ಗುರೂಜಿ?’</p>.<p>‘ಜಿಲ್ಲೆಗಳ ಹೆಸರನ್ನು ಹಂಡ್ರಡ್ ಟೈಮ್ಸ್ ಬರೆಸಿ, ಸಮಸ್ಯೆ ಪರಿಹಾರವಾಗುತ್ತೆ’.</p>.<p>‘ಥ್ಯಾಂಕ್ಯೂ ಗುರೂಜಿ. ಒಡವೆ ಖರೀದಿಸಲು ಈಗ ಟೈಮ್ ಚೆನ್ನಾಗಿದೆಯೇ ಗುರೂಜಿ?’</p>.<p>‘ಬೇಡವೇ ಬೇಡ, ಮಹಿಳೆಯರು ಚಿನ್ನ ಕೊಳ್ಳುವ ಸಂಪ್ರದಾಯ ಮುರಿಯಬೇಕು. ಚಿನ್ನ ಬೇಕೇಬೇಕು ಅನಿಸಿದರೆ ಪದವಿ ಪಡೆದು, ಕ್ರೀಡೆಯಲ್ಲಿ ಗೆದ್ದು ಚಿನ್ನದ ಪದಕ ಪಡೆಯಿರಿ’.</p>.<p>‘ರೋಹಿತ್ ಶರ್ಮಾನಂತೆ ತಾನೂ ರೆಕಾರ್ಡ್ ಮರಿಯುತ್ತೇನೆ ಎಂದು ಕ್ರಿಕೆಟ್ ಆಡಲು ಹೋಗಿ ಮಗ ಹಲ್ಲು ಮುರಿದುಕೊಂಡು ಬಂದ’.</p>.<p>‘ರೋಹಿತ್ ಶರ್ಮಾ ಬ್ಯಾಟ್ ಮುರಿಯೋವರೆಗೂ ದಾಖಲೆ ಮುರಿಯುತ್ತಲೇ ಇರುತ್ತಾನೆ. ನಿಮ್ಮ ಮಗನಿಗೆ ಒಳ್ಳೆ ಭವಿಷ್ಯವಿದೆ, ಮುಂದೆ ಏನನ್ನಾದರೂ ಮುರಿಯುತ್ತಾನೆ’.</p>.<p>‘ನನ್ನ ಮಗ ದೊಡ್ಡದೊಂದು ದಾಖಲೆ ಮುರಿಯುವಂತೆ ಆಶೀರ್ವಾದ ಮಾಡಿ ಗುರೂಜಿ’.</p>.<p>‘ಹೈ ಜಂಪ್, ಲಾಂಗ್ ಜಂಪ್ನಲ್ಲಿ ಯಾರೂ ಮುರಿಯದ ದಾಖಲೆ ಇದೆ, ಅದನ್ನ ನಿಮ್ಮ ಮಗ ಮುರಿಯುತ್ತಾನಾ?’ ಕೇಳಿದರು ಗುರೂಜಿ.</p>.<p>‘ಅಷ್ಟು ಉದ್ದ, ಅಷ್ಟು ಎತ್ತರ ಹಾರಿದ ದಾಖಲೆ ಯಾವುದು ಹೇಳಿ ಗುರೂಜಿ,<br />ಮಗನಿಗೆ ಮುರಿಯಲು ಹೇಳುತ್ತೇನೆ’ ಸುಮಿಗೆ ಕುತೂಹಲ.</p>.<p>‘ಆಂಜನೇಯ ಲಂಕೆಗೆ ಸಮುದ್ರ ಹಾರಿದ ದಾಖಲೆಯನ್ನು ಇನ್ನೂ ಯಾರೂ ಮುರಿದಿಲ್ಲ, ನಿಮ್ಮ ಮಗ...’</p>.<p>ಗುರೂಜಿ ಮಾತು ಮುಗಿಯುವ ಮೊದಲೇ ಸುಮಿ ಫೋನ್ ಕಟ್ ಮಾಡಿದಳು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>