<p>‘ಯಾರ್ರೀ ಡಿಜೆ.ಹಳ್ಳಿ, ಕೆಜಿ.ಹಳ್ಳಿ, ಕೋಡಿಹಳ್ಳಿ, ಆರ್ಜಿ.ಹಳ್ಳಿ ರೈಟ್ ರೈಟ್...’ ಎಂದ ಗುಡ್ಡೆ.</p>.<p>ದುಬ್ಬೀರನಿಗೆ ನಗು. ‘ಏನಲೆ ಬರೀ ಹಳ್ಳಿಗಷ್ಟೇ ನಿನ್ ಬಸ್ ಹೋಗೋದಾ? ಸಿಟಿಗಿಲ್ವಾ?’ ಎಂದ.</p>.<p>‘ಯಾಕೋ ಇತ್ತೀಚೆಗೆ ‘ಹಳ್ಳಿ’ ಅಂದ್ರೆ ಸಾಕು ಹೆದ್ರಿಕಿ ಆಗ್ತದಪ. ನಂ ರಾಜಾಹುಲಿ ಸಾಹೇಬ್ರೂ ಹಳ್ಳಿ ಹೆಸರೇಳಿದ್ರೆ ಸಾಕು ಬೆಚ್ಚಿ ಬೀಳ್ತದಾರಂತೆ. ಅದಿರ್ಲಿ, ತೆಪರ ಎಲ್ಲಿ ಕಾಣ್ತಿಲ್ಲ?’ ಪರ್ಮೇಶಿ ಕೇಳಿದ.</p>.<p>‘ಅವನು ಮಂಡಕ್ಕಿ ಮೆಣ್ಸಿನ್ಕಾಯಿ ತರಾಕೆ ಹೋಗಿದಾನೆ. ಹಳ್ಳಿ ಎಲೆಕ್ಷನ್ ಹೆಂಗೈತಲೆ ಗುಡ್ಡೆ, ಗ್ರಾಮ ಪಂಚಾತಿ ಸೀಟು ಹರಾಜಾಗ್ತದಾವಂತೆ?’</p>.<p>‘ಹ್ಞೂಂನೋ ಮಾರಾಯ, ಐವತ್ ಲಕ್ಷದತಂಕ ಹೋಗೇತಂತೆ ರೇಟು...’</p>.<p>‘ಮತ್ತೆ ಎಲ್ಲವೂ ದುಬಾರಿ ಆದಂಗೆ ಇದೂ ಆಗೇತಿ ಬಿಡ್ರಲೆ, ವೋಟು ಹಾಕೋರು ಈಗ ಎರಡು ಸಾವಿರಕ್ಕೆ ಕಮ್ಮಿ ಮುಟ್ತಿಲ್ಲ ಗೊತ್ತಾ?’ ಕೊಟ್ರೇಶಿ ಸಮರ್ಥಿಸಿಕೊಂಡ.</p>.<p>‘ಅಲ್ಲ, ಈ ಜುಜುಬಿ ಗ್ರಾಮ ಪಂಚಾತಿನಾಗೆ ಅಂಥದೇನೇತಲೆ ಕೊಟ್ರ?’ ದುಬ್ಬೀರನಿಗೆ ಆಶ್ಚರ್ಯ.</p>.<p>‘ನಿನ್ತೆಲಿ, ಡೆಲ್ಲಿ ಗೆಲ್ಲಬಹುದೋ ಮಾರಾಯ ಹಳ್ಳಿ ಗೆಲ್ಲೋದು ಕಷ್ಟ. ಅದು ಬಿಡು, ಎಲ್ಲಿ ತೆಪರ ಇನ್ನೂ ಬರ್ಲೇ ಇಲ್ಲ?’ ಎಂದ.</p>.<p>‘ಬಿಸಿ ಬಿಸಿ ತರ್ತದಾನೆ ಅನ್ಸುತ್ತೆ ತಡ್ಕಾ’ ಎಂದ ದುಬ್ಬೀರ, ‘ಅಲ್ಲೋ ಗುಡ್ಡೆ ಗೌರ್ಮೆಂಟ್ ಬಸ್ ನೌಕರರು ಗೌರ್ಮೆಂಟ್ ನೌಕರರಲ್ಲಂತೆ? ವಿಚಿತ್ರ ಅಲ್ವ?’ ಅಂದ.</p>.<p>ಅಷ್ಟರಲ್ಲಿ ತೆಪರೇಸಿ ಪ್ರತ್ಯಕ್ಷನಾದ. ಗುಡ್ಡೆಗೆ ಸಿಟ್ಟು ಬಂತು ‘ಯಾಕಲೆ ಇಷ್ಟ್ ಲೇಟು? ನಾವು ಮಂಡಕ್ಕಿ ತಿನ್ನೋದು ಯಾವಾಗ?’ ಎಂದು ರೇಗಿದ.</p>.<p>‘ಅಯ್ಯೋ ಬರೋ ದಾರೀಲಿ ದೊಡ್ಡ ಹೊಡೆದಾಟ... ನಾನು ಕೆಟ್ಟಾ ಕೊಳಕ ಬೈದು ಜಗಳ ಬಿಡಿಸಿ ಬಂದೆ...’ ತೆಪರೇಸಿ ವರದಿ ಒಪ್ಪಿಸಿದ.</p>.<p>‘ಹೌದಾ? ಏನಂತ ಬೈದೆ?’</p>.<p>‘ಇದೇನು ವಿಧಾನ ಪರಿಷತ್ತು ಅಂದ್ಕಂಡಿದೀರೇನ್ರಲೆ, ನಾಚ್ಕೆ, ಮಾನ, ಮರ್ಯಾದೆ ಇಲ್ವ ಅಂತ ಬೈದೆ’ ತೆಪರೇಸಿ ಮಾತಿಗೆ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p>‘ಯಾರ್ರೀ ಡಿಜೆ.ಹಳ್ಳಿ, ಕೆಜಿ.ಹಳ್ಳಿ, ಕೋಡಿಹಳ್ಳಿ, ಆರ್ಜಿ.ಹಳ್ಳಿ ರೈಟ್ ರೈಟ್...’ ಎಂದ ಗುಡ್ಡೆ.</p>.<p>ದುಬ್ಬೀರನಿಗೆ ನಗು. ‘ಏನಲೆ ಬರೀ ಹಳ್ಳಿಗಷ್ಟೇ ನಿನ್ ಬಸ್ ಹೋಗೋದಾ? ಸಿಟಿಗಿಲ್ವಾ?’ ಎಂದ.</p>.<p>‘ಯಾಕೋ ಇತ್ತೀಚೆಗೆ ‘ಹಳ್ಳಿ’ ಅಂದ್ರೆ ಸಾಕು ಹೆದ್ರಿಕಿ ಆಗ್ತದಪ. ನಂ ರಾಜಾಹುಲಿ ಸಾಹೇಬ್ರೂ ಹಳ್ಳಿ ಹೆಸರೇಳಿದ್ರೆ ಸಾಕು ಬೆಚ್ಚಿ ಬೀಳ್ತದಾರಂತೆ. ಅದಿರ್ಲಿ, ತೆಪರ ಎಲ್ಲಿ ಕಾಣ್ತಿಲ್ಲ?’ ಪರ್ಮೇಶಿ ಕೇಳಿದ.</p>.<p>‘ಅವನು ಮಂಡಕ್ಕಿ ಮೆಣ್ಸಿನ್ಕಾಯಿ ತರಾಕೆ ಹೋಗಿದಾನೆ. ಹಳ್ಳಿ ಎಲೆಕ್ಷನ್ ಹೆಂಗೈತಲೆ ಗುಡ್ಡೆ, ಗ್ರಾಮ ಪಂಚಾತಿ ಸೀಟು ಹರಾಜಾಗ್ತದಾವಂತೆ?’</p>.<p>‘ಹ್ಞೂಂನೋ ಮಾರಾಯ, ಐವತ್ ಲಕ್ಷದತಂಕ ಹೋಗೇತಂತೆ ರೇಟು...’</p>.<p>‘ಮತ್ತೆ ಎಲ್ಲವೂ ದುಬಾರಿ ಆದಂಗೆ ಇದೂ ಆಗೇತಿ ಬಿಡ್ರಲೆ, ವೋಟು ಹಾಕೋರು ಈಗ ಎರಡು ಸಾವಿರಕ್ಕೆ ಕಮ್ಮಿ ಮುಟ್ತಿಲ್ಲ ಗೊತ್ತಾ?’ ಕೊಟ್ರೇಶಿ ಸಮರ್ಥಿಸಿಕೊಂಡ.</p>.<p>‘ಅಲ್ಲ, ಈ ಜುಜುಬಿ ಗ್ರಾಮ ಪಂಚಾತಿನಾಗೆ ಅಂಥದೇನೇತಲೆ ಕೊಟ್ರ?’ ದುಬ್ಬೀರನಿಗೆ ಆಶ್ಚರ್ಯ.</p>.<p>‘ನಿನ್ತೆಲಿ, ಡೆಲ್ಲಿ ಗೆಲ್ಲಬಹುದೋ ಮಾರಾಯ ಹಳ್ಳಿ ಗೆಲ್ಲೋದು ಕಷ್ಟ. ಅದು ಬಿಡು, ಎಲ್ಲಿ ತೆಪರ ಇನ್ನೂ ಬರ್ಲೇ ಇಲ್ಲ?’ ಎಂದ.</p>.<p>‘ಬಿಸಿ ಬಿಸಿ ತರ್ತದಾನೆ ಅನ್ಸುತ್ತೆ ತಡ್ಕಾ’ ಎಂದ ದುಬ್ಬೀರ, ‘ಅಲ್ಲೋ ಗುಡ್ಡೆ ಗೌರ್ಮೆಂಟ್ ಬಸ್ ನೌಕರರು ಗೌರ್ಮೆಂಟ್ ನೌಕರರಲ್ಲಂತೆ? ವಿಚಿತ್ರ ಅಲ್ವ?’ ಅಂದ.</p>.<p>ಅಷ್ಟರಲ್ಲಿ ತೆಪರೇಸಿ ಪ್ರತ್ಯಕ್ಷನಾದ. ಗುಡ್ಡೆಗೆ ಸಿಟ್ಟು ಬಂತು ‘ಯಾಕಲೆ ಇಷ್ಟ್ ಲೇಟು? ನಾವು ಮಂಡಕ್ಕಿ ತಿನ್ನೋದು ಯಾವಾಗ?’ ಎಂದು ರೇಗಿದ.</p>.<p>‘ಅಯ್ಯೋ ಬರೋ ದಾರೀಲಿ ದೊಡ್ಡ ಹೊಡೆದಾಟ... ನಾನು ಕೆಟ್ಟಾ ಕೊಳಕ ಬೈದು ಜಗಳ ಬಿಡಿಸಿ ಬಂದೆ...’ ತೆಪರೇಸಿ ವರದಿ ಒಪ್ಪಿಸಿದ.</p>.<p>‘ಹೌದಾ? ಏನಂತ ಬೈದೆ?’</p>.<p>‘ಇದೇನು ವಿಧಾನ ಪರಿಷತ್ತು ಅಂದ್ಕಂಡಿದೀರೇನ್ರಲೆ, ನಾಚ್ಕೆ, ಮಾನ, ಮರ್ಯಾದೆ ಇಲ್ವ ಅಂತ ಬೈದೆ’ ತೆಪರೇಸಿ ಮಾತಿಗೆ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>