‘ಮೊದಲು ಈ ಬಜ್ಜಿ, ಬೋಂಡಾ ತಗೊಳ್ಳಿ’ ಅಂತ ಒಂದು ಪೊಟ್ಟಣ ನನ್ನತ್ತ ಚಾಚಿದ.
‘ಅದೇನಾಯ್ತು ಅಂದ್ರೆ, ಬೆಳಿಗ್ಗೆ ವಾಕಿಂಗ್ ಹೋದೆನಾ? ಪಾರ್ಕಿನ ಗೇಟಿನಾಚೆ ಒಳ್ಳೆಯ ಟೀ. ಅದನ್ನು ಹೀರುವಷ್ಟರಲ್ಲೇ ಬಿಎಂಟಿಸಿ ಬಸ್ ಬಂತು. 70 ರೂಪಾಯಿಯ ಪಾಸ್ ಕೊಂಡ ಕರ್ಮಕ್ಕೆ ಇಡೀ ದಿನ ಓಡಾಡುವ ಅಂತ ಮಾಡಿದೆ, ಕೊಟ್ಟ ಹಣದ ಸಂಪೂರ್ಣ ಪ್ರಯೋಜನ. ಖಾಲಿ ಬಸ್, ಕಿಟಕಿ ಸೀಟ್, ಅದರ ಮಜವೇ ಬೇರೆ. ಅಲ್ಲಲ್ಲಿ ಇಳಿದೆ. ರಸ್ತೆಬದಿಯಲ್ಲೇ ತಿಂಡಿಗೆ ಇಡ್ಲಿಚಟ್ನಿ, ಊಟಕ್ಕೆ ಚಿತ್ರಾನ್ನ, ಮಸಾಲೆ ವಡೆ, ಸಂಜೆಗೆ ಬೋಂಡ ಬಜ್ಜಿ ತಿಂದು ಮನೆಗೂ ಕಟ್ಟಿಸಿಕೊಂಡೆ. ದಾರೀಲಿ ನಿನಗೂ ನಾಲ್ಕು ಕೊಟ್ ಹೋಗೋಣಾಂತ ಬಂದೆ’ ಹಲ್ಕಿರಿದ.