<p>‘ನೋಡ್ರೀ… ನಾನು ಯಾರ್ ತಂಟೆಗೂ ಹೋಗಲ್ಲ, ನನ್ನ ತಂಟೆಗೆ ಬಂದ್ರೆ ಸುಮ್ನಿರಲ್ಲ’ ಎಂದು ಇರಾನ್ ರೀತಿ ಎಚ್ಚರಿಕೆ ಕೊಟ್ಟಳು ಹೆಂಡತಿ. </p>.<p>‘ನಾನೂ ಅಷ್ಟೇ, ನನ್ನ ತಂಟೆಗೆ ಬಂದ್ರೆ ಸುಮ್ನಿರಲ್ಲ, ನನ್ನ ತಂಟೆಗೆ ಬರದಿದ್ದರೂ ಸುಮ್ನಿರಲ್ಲ. ಈ ಮನೆಯ ಯಜಮಾನ ನಾನು, ನಾನು ಹೇಳಿದಂತೆಯೇ ನಡೆಯಬೇಕು’ ಅಮೆರಿಕ ರೀತಿಯಲ್ಲಿಯೇ ನಾನು ಎಚ್ಚರಿಕೆ ಕೊಟ್ಟೆ. </p>.<p>‘ಅದ್ಯಾಕೆ, ನನಗೂ ಸ್ವಾಭಿಮಾನ ಇದೆ, ಹಕ್ಕಿದೆ. ನಾನೂ ಈ ಮನೆ ಯಜಮಾನಿ. ನನ್ನ ಮಾತಿಗೂ ಈ ಮನೆಯಲ್ಲಿ ಬೆಲೆ ಇರಬೇಕು’ ಎಂದು ಹೆಂಡತಿ ಹಟದಲ್ಲಿ ಹೇಳಿದಳು.</p>.<p>‘ನಮ್ಮ ಮನೆಯವರ ಬಗ್ಗೆ ಹೀಯಾಳಿಸಿ ಮಾತಾಡ್ತೀಯ. ಎಷ್ಟು ಸಲ ವಾರ್ನಿಂಗ್ ಕೊಟ್ಟಿಲ್ಲ ನಿನಗೆ, ಆದರೂ ಮಾತಾಡ್ತೀಯ’. </p>.<p>‘ನೀವೂ ನಮ್ಮ ಮನೆಯವರ ಬಗ್ಗೆ ಮಾತಾಡಲ್ವ, ಆಗ ನನಗೆ ಸಿಟ್ಟು ಬರಲ್ವ...’</p>.<p>‘ಇನ್ನೊಮ್ಮೆ ಮಾತನಾಡಿದರೆ ನಿನ್ನನ್ನ ನಿನ್ನ ತವರು ಮನೆಗೆ ಕಳಿಸಿಬಿಡ್ತೀನಿ’ ಯುದ್ಧ ಘೋಷಿಸುವಂತೆ ಮಾತನಾಡಿದೆ. </p>.<p>‘ಹೌದಾ, ಅದು ಹೇಗ್ ಕಳಿಸ್ತೀರಿ ಕಳಿಸಿ ನೋಡೋಣ’ ಎಂದು ದೊಡ್ಡದಾಗಿ ಕಣ್ಣುಬಿಟ್ಟಳು. </p>.<p>‘ಹೋಗ್ಲಿ ಬಿಡಮ್ಮ, ಸುಮ್ಮನೆ ನಮ್ಮ ನಡುವೆ ಜಗಳ ಯಾಕೆ, ಹೊಂದಿಕೊಂಡು ಹೋಗೋಣ’ ಎಂದೆ ಮೆತ್ತಗೆ. </p>.<p>‘ನೀವೇನ್ರೀ ಒಳ್ಳೆ ಟ್ರಂಪ್ ರೀತಿ ಆಡ್ತೀರಿ, ಇರಾನ್ನ ನಾಶ ಮಾಡ್ತೀನಿ ಅಂತ ಹೇಳಿದ್ ಮರುದಿನವೇ ಕದನ ವಿರಾಮ ಘೋಷಿಸ್ತೀನಿ ಅಂತ ಹೇಳ್ದಂಗಾಯ್ತಿದು’ ಎಂದು ಜೋರಾಗಿ ನಕ್ಕಳು. </p>.<p>‘ಏನ್ ಮಾಡೋದು, ಟ್ರಂಪ್ ಮಾಡ್ತಿರೋದೆಲ್ಲ ನೊಬೆಲ್ ಶಾಂತಿ ಪ್ರಶಸ್ತಿಗಾಗಿ...’ </p>.<p>‘ಮತ್ತೆ ನೀವು?’ </p>.<p>‘ನಾನು ಮಾಡ್ತಿರೋದೂ ಅದಕ್ಕೆ, ಶಾಂತಿಗಾಗಿ...’ </p>.<p>‘ಓಹೋಹೋ, ಜಗಳ ಏನೋ ಮಾಡಿದ್ರಿ... ನಮ್ಮಿಬ್ಬರಲ್ಲಿ ಯಾರು ಗೆದ್ದಂತಾಯ್ತು ಈಗ?’ </p>.<p>‘ನಾನೇ ಗೆದ್ದಿದ್ದು ಅಂತ ನಾನು ಹೇಳ್ಕೊಂಡು ಬರ್ತೀನಿ, ನೀನೇ ಗೆದ್ದಿದ್ದು ಅಂತ ನೀನು ಹೇಳ್ಕೊಂಡ್ ಓಡಾಡು’ ಎಂದು ಹೊರಗಡಿಯಿಟ್ಟೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನೋಡ್ರೀ… ನಾನು ಯಾರ್ ತಂಟೆಗೂ ಹೋಗಲ್ಲ, ನನ್ನ ತಂಟೆಗೆ ಬಂದ್ರೆ ಸುಮ್ನಿರಲ್ಲ’ ಎಂದು ಇರಾನ್ ರೀತಿ ಎಚ್ಚರಿಕೆ ಕೊಟ್ಟಳು ಹೆಂಡತಿ. </p>.<p>‘ನಾನೂ ಅಷ್ಟೇ, ನನ್ನ ತಂಟೆಗೆ ಬಂದ್ರೆ ಸುಮ್ನಿರಲ್ಲ, ನನ್ನ ತಂಟೆಗೆ ಬರದಿದ್ದರೂ ಸುಮ್ನಿರಲ್ಲ. ಈ ಮನೆಯ ಯಜಮಾನ ನಾನು, ನಾನು ಹೇಳಿದಂತೆಯೇ ನಡೆಯಬೇಕು’ ಅಮೆರಿಕ ರೀತಿಯಲ್ಲಿಯೇ ನಾನು ಎಚ್ಚರಿಕೆ ಕೊಟ್ಟೆ. </p>.<p>‘ಅದ್ಯಾಕೆ, ನನಗೂ ಸ್ವಾಭಿಮಾನ ಇದೆ, ಹಕ್ಕಿದೆ. ನಾನೂ ಈ ಮನೆ ಯಜಮಾನಿ. ನನ್ನ ಮಾತಿಗೂ ಈ ಮನೆಯಲ್ಲಿ ಬೆಲೆ ಇರಬೇಕು’ ಎಂದು ಹೆಂಡತಿ ಹಟದಲ್ಲಿ ಹೇಳಿದಳು.</p>.<p>‘ನಮ್ಮ ಮನೆಯವರ ಬಗ್ಗೆ ಹೀಯಾಳಿಸಿ ಮಾತಾಡ್ತೀಯ. ಎಷ್ಟು ಸಲ ವಾರ್ನಿಂಗ್ ಕೊಟ್ಟಿಲ್ಲ ನಿನಗೆ, ಆದರೂ ಮಾತಾಡ್ತೀಯ’. </p>.<p>‘ನೀವೂ ನಮ್ಮ ಮನೆಯವರ ಬಗ್ಗೆ ಮಾತಾಡಲ್ವ, ಆಗ ನನಗೆ ಸಿಟ್ಟು ಬರಲ್ವ...’</p>.<p>‘ಇನ್ನೊಮ್ಮೆ ಮಾತನಾಡಿದರೆ ನಿನ್ನನ್ನ ನಿನ್ನ ತವರು ಮನೆಗೆ ಕಳಿಸಿಬಿಡ್ತೀನಿ’ ಯುದ್ಧ ಘೋಷಿಸುವಂತೆ ಮಾತನಾಡಿದೆ. </p>.<p>‘ಹೌದಾ, ಅದು ಹೇಗ್ ಕಳಿಸ್ತೀರಿ ಕಳಿಸಿ ನೋಡೋಣ’ ಎಂದು ದೊಡ್ಡದಾಗಿ ಕಣ್ಣುಬಿಟ್ಟಳು. </p>.<p>‘ಹೋಗ್ಲಿ ಬಿಡಮ್ಮ, ಸುಮ್ಮನೆ ನಮ್ಮ ನಡುವೆ ಜಗಳ ಯಾಕೆ, ಹೊಂದಿಕೊಂಡು ಹೋಗೋಣ’ ಎಂದೆ ಮೆತ್ತಗೆ. </p>.<p>‘ನೀವೇನ್ರೀ ಒಳ್ಳೆ ಟ್ರಂಪ್ ರೀತಿ ಆಡ್ತೀರಿ, ಇರಾನ್ನ ನಾಶ ಮಾಡ್ತೀನಿ ಅಂತ ಹೇಳಿದ್ ಮರುದಿನವೇ ಕದನ ವಿರಾಮ ಘೋಷಿಸ್ತೀನಿ ಅಂತ ಹೇಳ್ದಂಗಾಯ್ತಿದು’ ಎಂದು ಜೋರಾಗಿ ನಕ್ಕಳು. </p>.<p>‘ಏನ್ ಮಾಡೋದು, ಟ್ರಂಪ್ ಮಾಡ್ತಿರೋದೆಲ್ಲ ನೊಬೆಲ್ ಶಾಂತಿ ಪ್ರಶಸ್ತಿಗಾಗಿ...’ </p>.<p>‘ಮತ್ತೆ ನೀವು?’ </p>.<p>‘ನಾನು ಮಾಡ್ತಿರೋದೂ ಅದಕ್ಕೆ, ಶಾಂತಿಗಾಗಿ...’ </p>.<p>‘ಓಹೋಹೋ, ಜಗಳ ಏನೋ ಮಾಡಿದ್ರಿ... ನಮ್ಮಿಬ್ಬರಲ್ಲಿ ಯಾರು ಗೆದ್ದಂತಾಯ್ತು ಈಗ?’ </p>.<p>‘ನಾನೇ ಗೆದ್ದಿದ್ದು ಅಂತ ನಾನು ಹೇಳ್ಕೊಂಡು ಬರ್ತೀನಿ, ನೀನೇ ಗೆದ್ದಿದ್ದು ಅಂತ ನೀನು ಹೇಳ್ಕೊಂಡ್ ಓಡಾಡು’ ಎಂದು ಹೊರಗಡಿಯಿಟ್ಟೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
