ಅಲ್ಲಿಂದ ಸರ್ಕಾರಿ ಆಸ್ಪತ್ರೆ ತಾವ್ಕೋದಾಗ ಜನರ ಗುಂಪು ಸೇರಿತ್ತು. ಸಯಾಬ್ರುನ್ನ ನೋಡಿದ ಜನ ‘ಯಾವಾಗ್ಲೂ ಡಾಕ್ಟ್ರಿಲ್ಲ ಅಂತ್ಲೇ ಹೇಳತರೆ’ ಅಂದಾಗ ಸಯಾಬ್ರು ಡಾಕ್ಟ್ರಿಗೆ ಫೋನ್ ಮಾಡಿ, ‘ಲೇಯ್ ಡಾಕ್ಟ್ರೆ, ಇನ್ನೈದು ನಿಮಿಸದೇಲಿ ಆಸ್ಪತ್ರೇಲಿರಬೇಕು. ಇಲ್ಲಾಂದ್ರೆ ನೀರು-ನೆಳ್ಳು ಇಲ್ಲದ ಜಾಗ ತೋರಿಸ್ತೀನಿ’ ಅಂತ ಗುಟುರು ಹಾಕಿದರು. ಡಾಕ್ಟ್ರು ಐದು ನಿಮಿಸದೇಲಿ ಬಂದು ‘ವ್ಯಾಕ್ಸೀನು, ಕೊರೊನಾ ಮಾತ್ರೆ ಸಪ್ಲೇ ಇಲ್ಲ ಸಾ’ ಅಂತ ಅಲವತ್ತುಗಂಡರು. ಸಯಾಬ್ರು ಯಾರಿಗೋ ಫೋನ್ ಮಾಡಿ, 10 ನಿಮಿಸದೇಲಿ ಲಸಿಕೆ, ಮಾತ್ರೆ ತರಿಸಿ ಜನಕ್ಕೆ ಕೊಡಿಸಿದ್ರು. ಜನೆಲ್ಲಾ ಖುಷಿಯಾಗಿ ಜೈಕಾರ ಕೂಗಿದರು.