ಗುಡ್ಡೆ ತಲೆ ಕೆರೆದುಕೊಂಡ. ಮುಖ್ಯಮಂತ್ರಿ ಕೊಡೋ ಗಮಾಗಮ... ಓ, ನಿಗಮನೇನೋ? ಥೂ ನಿನ್ನ’ ಎಂದ. ದುಬ್ಬೀರನಿಗೆ ನಗು ತಡೆ ಯಲಾಗಲಿಲ್ಲ.
‘ಹ್ಞೂಂ ಮತ್ತೆ, ಅದೇ ನಿಗಮಾಗಮ. ನಮ್ ಹರಟೆಕಟ್ಟೆ ಅಂದ್ರೆ ಸುಮ್ನೆನಾ? ಚಾ ಕುಡಿಯಾಕೆ ರೊಕ್ಕಿಲ್ಲದಿದ್ರು ದೇಶದ ಬಗ್ಗೆ ತೆಲಿ ಕೆಡಿಸ್ಕಳೋರು ನಾವು. ನಮಗೂ ಒಂದು ಅದನ್ನ ಕೊಡ್ಲಿ, ಐವತ್ತು ಕೋಟಿ ರೊಕ್ಕ ಇಡ್ಲಿ, ಏನ್ ತಪ್ಪು?’ ತೆಪರೇಸಿ ಟ್ರ್ಯಾಕಿಗೆ ಬಂದ.
‘ಅಂದ್ರೆ, ಹರಟೆಕಟ್ಟೆ ಅಭಿವೃದ್ಧಿ ನಿಗಮ ಅಂತ ಮಾಡಬೇಕು, ಐವತ್ತು ಕೋಟಿ ರೊಕ್ಕ ಇಡಬೇಕು. ಸರಿ, ಅಧ್ಯಕ್ಷರ್ಯಾರು’ ದುಬ್ಬೀರ ಪ್ರಶ್ನಿಸಿದ.
‘ಇನ್ಯಾರು? ನಾನೇ ಅಧ್ಯಕ್ಷ...’ ತೆಪರೇಸಿ ಹಕ್ಕು ಮಂಡಿಸಿದ.
‘ನೀನಾ? ನೀನು ಅಧ್ಯಕ್ಷ ಆಗೋದಾದ್ರೆ ಬೇರೆ ದೊಡ್ಡ ನಿಗಮಾನೇ ಮಾಡಬೇಕು ಬಿಡು...’
‘ಯಾವುದು?’
‘ಕುಡುಕರ ಅಭಿವೃದ್ಧಿ ನಿಗಮ!’ ದುಬ್ಬೀರನ ಮಾತಿಗೆ ಎಲ್ಲರೂ ಗೊಳ್ಳಂತ ನಕ್ಕರು.