ವಿದೇಶದಿಂದ ದೆಹಲಿಗೆ ಬಂದಿದ್ದ ಮಿನಿಸ್ಟರ್, ನಮ್ಮ ಮಂತ್ರಿಗಳ ಮನೆಗೆ ಔತಣಕೂಟಕ್ಕೆ ಹೋಗಿದ್ದರು. ಮಂತ್ರಿಗಳ ಮನೆ ನೋಡಿ ಮಿನಿಸ್ಟರ್ ಬೆರಗಾದರು. ಕಣ್ಣು ಕೋರೈಸುವಂತಿತ್ತು. ‘ಇದನ್ನು ಹೇಗೆ ಕಟ್ಟಿಸಲು ಸಾಧ್ಯವಾಯಿತು?’ ಎಂದು ಮಿನಿ ಸ್ಟರ್ ತಡೆಯಲಾಗದೆ ಕೇಳೇಬಿಟ್ಟರು. ಅದಕ್ಕೆ ಮಂತ್ರಿಗಳು ಏನೂ ಉತ್ತರಿಸದೆ ಅವರನ್ನು ಬೆಡ್ರೂಂಗೆ ಕರೆದೊಯ್ದು ಕಿಟಕಿ ಬಳಿ ನಿಲ್ಲಿಸಿ, ‘ಅಲ್ಲೊಂದು 35 ಅಂತಸ್ತಿನ ಕಟ್ಟಡ ಕಾಣುತ್ತದೆಯೇ?’ ಎಂದರು. ‘ಹೌದು’ ಎಂದರು ಮಿನಿಸ್ಟರ್. ‘20 ಪರ್ಸೆಂಟ್’ ಎಂದರು ಮಂತ್ರಿ. ಅವರನ್ನು ಇನ್ನೊಂದು ಬೆಡ್ರೂಂಗೆ ಕರೆದೊಯ್ದು ಕಿಟಕಿಯಿಂದ ಭವ್ಯ ಮಾಲ್ ತೋರಿಸಿ ‘ಅದರಿಂದ 15 ಪರ್ಸೆಂಟ್’ ಎಂದರು. ಮತ್ತೊಂದು ಬೆಡ್ರೂಂಗೆ ಕರೆದೊಯ್ದು ದೂರದಲ್ಲಿದ್ದ ಕಾರ್ಖಾನೆಯ ಕಟ್ಟಡ ತೋರಿಸಿ ‘20 ಪರ್ಸೆಂಟ್’ ಎಂದರು.