‘ಮೋದಿಮಾಮಾ ಪ್ರಧಾನಿಯಾದ ಏಳೇ ವರ್ಸದಾಗೆ ನಾವು 38 ಸಾವಿರ ಕೋಟಿ ರೂಪಾಯಿಗಿಂತ ಹೆಚ್ಚು ರಕ್ಷಣಾ ಸಾಮಗ್ರಿ ಬ್ಯಾರೆ ದೇಶಕ್ಕೆ ರಫ್ತು ಮಾಡೀವಂತ ರಕ್ಷಣಾ ಸಚಿವರು ಹೇಳ್ಯಾರ. ಮೊದ್ಲೆಲ್ಲ ಉಗ್ರರು ಖುಲ್ಲಂಖುಲ್ಲ ಬಂದು ನಮ್ಮೋರಿನ್ನ ಹೊಡದು ಹೋಗ್ತಿದ್ದರು, ಆದರೆ ಮೋದಿಮಾಮಾ ಸರ್ಜಿಕಲ್ ಸ್ಟ್ರೈಕ್ ಮಾಡಿದ ಮ್ಯಾಗೆ ಉಗ್ರರೆಲ್ಲ ನಡುಗಾಕ ಹತ್ಯಾರಂತ ಶಾಣ್ಯಾ ಅಂಕಲ್ ಹೇಳ್ಯಾರ. ಅಮೇಠಿವಳಗ ಮೂರು ದಶಕ ಕೈಪಕ್ಷದವರೇ ಸಂಸದರಾಗಿದ್ರೂ ಏನೂ ಮಾಡಿರಲಿಲ್ಲ. ಸ್ಮೃತಿ ಅಕ್ಕ ಅಲ್ಲಿ ಕಮಲದ ಹೂ ಅರಳಿಸಿದ್ದೇ ಎಷ್ಟಕೊಂದು ಅಭಿವೃದ್ಧಿ ಮಾಡ್ಯಾಳ. ಐದು ಲಕ್ಷ ಎ.ಕೆ. ರೈಫಲ್ ಉತ್ಪಾದನೆ ಮಾಡೂ ಕಾರ್ಖಾನೆ ಶುರು ಮಾಡ್ಯಾರೆ ಅಲ್ಲಿ. ಈ ಏಳು ವರ್ಸದಾಗೆ ಎಷ್ಟ್ ವಿಕಾಸ ಆಗೈತಿ, ಎಲ್ಲಾರಿಗಿ ಅಗದಿ ಭಯಂಕರ ರಕ್ಷಣೆ ದೊರೆಯಾಕೆ ಹತೈತಿ’ ಎಂದು ಹಾಡಿ ಹೊಗಳಿತು.