‘ಅಲ್ಲ, ಪಾಪ ಮದುವಿ ಆದಾಗಿನಿಂದ ನೋಡ್ತಿದೀನಿ. ಸ್ವಲ್ಪ ಸಿಡುಕಿ, ಹಟಮಾರಿ ಅನ್ನೋದು ಬಿಟ್ರೆ ಮನೆ ತೂಗಿಸೋಕೆ ಎಷ್ಟು ಕಷ್ಟ ಪಡ್ತಿದೀಯ. ನಿನ್ನ ಸುಖವಾಗಿ ಇಡೋಕೆ ನಾನೂ ಪ್ರಯತ್ನಪಡ್ತಿದೀನಿ, ಆದ್ರೆ ಆಗ್ತಿಲ್ಲ...’
‘ಇರ್ಲಿ ಬಿಡ್ರಿ, ನಮ್ ಹಣೇಲಿ ಬರೆದಿದ್ದೇ ಇಷ್ಟು. ನೀವು ಸ್ವಲ್ಪ ಜಿಪುಣ ಅನ್ನೋದು ಬಿಟ್ರೆ ತುಂಬ ಒಳ್ಳೇರು. ಪರನಾರಿ ಸಹೋದರ, ಪರಧನ ಪಾಷಾಣ ಅನ್ನಂಗೆ ಬದುಕ್ತಿದೀರ...’ ಪಮ್ಮಿ ನಕ್ಕಳು.
‘ಒಂದು ಸ್ವಂತ ಕಾರು ತಗೊಂಡು ನಿನ್ನ ಒಳ್ಳೊಳ್ಳೆ ಜಾಗಕ್ಕೆ ಕರ್ಕಂಡ್ ಹೋಗಬೇಕು, ಜೀವನದಲ್ಲಿ ಒಂದ್ಸಲ ನಿನ್ ಜೊತೆ ಫಾರಿನ್ ಟೂರ್ ಮಾಡಬೇಕು ಅಂತ ಆಸೆ ನಂಗೆ...’
‘ನೀವೊಳ್ಳೆ, ಈ ಕೊರೊನಾ ಕಾಲದಲ್ಲಿ ಯಾವ ಟೂರೂ ಬ್ಯಾಡ ಸುಮ್ನಿರಿ...’